Yohana 3:19 - Ala Ya Salatikan Kula Kitabu

¹⁹ Jobaliya wo kun ne min ne: Kɛnɛya vɛ na dunuɲa, kɛɛ divi le diyanin adamadennu yɛ ka timin kɛnɛya la, kamasɔlɔn ai kɛkolu le kɛwonyanin.

Yohana 3:19 ပူးပေါင်းရင်းမြစ်များ

Luka 12:47

«Bɔiden min ka aa kuntii sawo lɔn, kɛɛ a do m'a jɛlɛ lɔbɛn, kumatɛ ka aa kuntii sawo kɛ, wo vɛ kɛla, wo tii gbasitɔle bubale!

Luka 16:14

Falisilu, wɔli diyanin tɛɛ minu yɛ, wolu ka wo bɛ mɛn mingɛ, ai ka jɛlɛbɔ Isa lɔ.

Yohana 1:4

Niimaya yi sɔlɔnna ale le fɛ, ado niimaya wo na kɛla kɛnɛya le adamadennu yɛ.

Yohana 1:5

Kɛnɛya wo yi mɛnɛnna divi lɔ, divi do ma see sɔlɔn a ma.

Yohana 12:31

Tandainɔ yi ne, dunuɲa kititɛɛ waate vɛ se, ado dunuɲa kuntii gbɛntɔle butu.

Yohana 12:43

Kamasɔlɔn adamadennu ya magbiliyali le diyanin tɛɛ ai yɛ ka timin Ala ta la.

Yohana 12:46

Ǹ nanin dunuɲa iwo kɛnɛya, fɔsa m̀ malimaniyamɔɔlu kana to divi lɔ butu.

Yohana 5:44

Ài yi se limaniyala di, k'a talan ài yi magbiliyali ɲininna i ɲɔɔ fɛ, kɛɛ ài do tɛ magbiliyali wo ɲininna min yi bɔla Ala kelenpesa fɛ?

Yohana 7:17

Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ.

Yohana 7:7

Ài tɛ se gbeyala dunuɲa yɛ, kɛɛ ǹe do gbeyayine a yɛ, kamasɔlɔn ǹ'i seleya dila ka bɛn a ma ko a kɛkolu kɛwonyanin.

Yohana 8:12

Isa k'a fɔ jama yɛ kɔtunun, a vɛɛ: «Ǹe le dunuɲa kɛnɛya le. Ni mɔɔ min ka bila ǹ kɔ, wo tii tɛnala taamana divi lɔ butu, mafɔ a kɛtɔ kɛnɛya sɔlɔnna min yi niimaya dila.»

Yohana 9:5

Damanda ǹ'i dunuɲa kɔnɔ yi ne, ǹe le dunuɲa kɛnɛya le.»

Lɔmukalu 1:32

Mɔɔ wolu k'a lɔn feu ko Ala na ko min latɛɛla telenmandeya bolo le ma ko mɔɔ minu yi ko suu wolu kɛla, wolu ni faali le kaannin. Kɛɛ wo bɛ n'a kɛ, ai yi ko wolu kɛla ka ban ka dɔlu fana sɛmɛdon ko suu wolu kɛko lɔ.

Lɔmukalu 2:8

Kɛɛ do, mɔɔ minu gbalanin ai jɛlɛ kunko le ani minu tɛ tuɲandeya labatola, mafɔ ka telenbaliya labato, Ala ya mɔnɛya ni aa josolakuna wulitɔ mɔɔ suu wolu le kanma.

2 Tɛsalonikakalu 2:12

ka wo kɛ ai bɛ latɔn sabu le, ailu minu ma la tuɲa la, mafɔ ka telenbaliyako ladiyaɲɛ.

1 Piyɛli 2:8

A sɛvɛnin kɔtunun, ko: «Wo le kɛnin ai sen tuu kawakulun ne, ani kawa min y'ai labenna.» Ai sen tuunin kamasɔlɔn ai yi kolobaliya kɛla Ala kumakan na, iwo a latɛɛnin ai ma teme.

2 Piyɛli 3:3

Ài y'a lɔn kunfɔlɔ le ko dunuɲa laban waate, lafeyalikɛbalu wulitɔ aiya lafeyalikannu le, ai vɛ bilala ai jɛlɛkanu niikanuko yonnu kɔ.