Yohana 3:15 - Ala Ya Salatikan Kula Kitabu

¹⁵ fɔsa ni mɔɔ mɔɔ ka limaniya a ma, wo tii yi niimaya banbali sɔlɔn.

Yohana 3:15 ပူးပေါင်းရင်းမြစ်များ

Matiyu 18:10

«Ài y'alama, ài kà denni minu dɔ dɔɔya, kamasɔlɔn ǹ'a fɔ ài yɛ, aiya mɛlɛkalu lɔnin ǹ Fa ɲakɔlɔ haijɛnɛ waate bɛ.»

Matiyu 25:46

Mɔɔ wolu do taatɔ jangata banbali lɔ, kɛɛ mɔɔ telenninu taatɔ niimaya banbali le lɔ.»

Malɛkɛ 16:16

Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu.

Luka 19:10

Kamasɔlɔn Mɔɔnivin Tanin nanin fɔsa a yi mɔɔ filininnu ɲinin k'ai lakisi.»

Yohana 1:12

Kɛɛ mɔɔ minu k'ai bolo sii a kɔlɔ ka limaniya a ma, a ka see di wolu bɛ ma k'ai kɛ Ala den ne.

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Yohana 6:27

Ài kà baale kɛ dɔnnifenko lɔ min yi tolinna, mafɔ min yi mɛnna ka niimaya banbali di, Mɔɔnivin Tanin kɛtɔ min dila ài ma, kamasɔlɔn mɔ Fa Ala vɛ aa seetiiya tɔɔmase bila a kan.»

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Yohana 6:47

Ǹ'i tuɲa fɔ ài yɛ, ni mɔɔ mɔɔ ka limaniya, niimaya banbali yi wo tii le yɛ.

Kɛkolu 13:41

‹Ài y'a ye, àilu kolafeyabalu, ài yi kawakoya ka ban ka halaki! Kamasɔlɔn ǹ'i ko min kɛla àiya tele lɔ yi ne, ài tɛnala lala wo la tuun, hali ni mɔɔ tɛɛ wo ɲafɔ ài yɛ.› »

Kɛkolu 8:36

Ai ka to taala ka se kɔɔ dɔ ma mingɛ, kɛ́ do vɛɛ Filipe yɛ: «A ye, kɔɔ le ne! Mindɛ le yi ǹ dansiila m̀ makoko la?»

Lɔmukalu 5:21

Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

1 Kolɛntikalu 1:18

Samakan ka bɛn Isa gbaanko ma kɔlɔman ma, mɔɔ minu yi halaki siya kɔkan, wolu yi wo yena ko kundan ne le. Kɛɛ do, ǹu minu yi lakisili siya kɔkan, wo yi mɔ bolo Ala ya seetiiya le le.

2 Kolɛntikalu 4:3

Ni do maa Samakan Kein lagbɛnin tɛ mɔɔ minu ɲana, wo vɛ kɛla, a lagbɛnin tɛ halakibatɔlu le ɲana.

Galatiyakalu 2:16

Kɛɛ wo bɛ n'a kɛ, mɔ k'a lɔn ne ko mɔɔ tɛ se jatela telenmande le Ala ɲakɔlɔ ka bɛn seliya latelenko ma, kɛɛ wo yi kɛla ka bɛn limaniya le ma Masa Tɔɔmasenin Isa ma. Wo le y'a kɛla, ǹu fana vɛ limaniya Masa Tɔɔmasenin Isa ma, fɔsa m'i kɛ telenmande le Ala ɲakɔlɔ ka bɛn maa limaniya ma, kɛɛ seliya latelenko tɛ. Kamasɔlɔn mɔɔ mɔɔ tɛnala kɛla telenmande le Ala ɲakɔlɔ ka bɛn seliya latelenko ma.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Hebululu 10:39

Ǹu do fɛ tɛ mɔɔ wolu la minu yi seikɔla ai kɔma ka halaki, mafɔ minu yi tola limaniya siya kɔkan ka kisi.

Hebululu 7:25

Wo le y'a ma, a yi sene mɔɔlu lakisila feu, minu yi timinna ale fɛ k'i madon Ala la, kamasɔlɔn a a nii la kudein k'ai masolonali mina Ala ma.

1 Yohana 2:25

Masa Tɔɔmasenin na lahedi min tala mɔ yɛ, wo le min ne: niimaya banbali.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.