Yohana 21:22 - Ala Ya Salatikan Kula Kitabu

²² Isa k'a javi, a vɛɛ: «Ni ǹ'a fɛ a yi to a nii la haan fɔɔ m̀'ɛ ǹ kɔseila lon min na, iya ko mindɛ le wo lɔ? Fɔ i yi bila ǹ kɔ!»

Yohana 21:22 ပူးပေါင်းရင်းမြစ်များ

Matiyu 16:24

Wo kɔ, Isa k'a fɔ a kɔbiladennu yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Matiyu 24:27

Kamasɔlɔn Mɔɔnivin Tanin nalon kɛtɔle iwo sanmɛnɛn yi bɔla teme telebɔ fannɔ ka se teleben fannɔ.

Matiyu 24:3

Isa siinin ka to Zeituna tini kɔkan, a kɔbiladennu ka na a ma ai ta fan k'a maɲininga, ai vɛɛ: «A fɔ mɔ yɛ, ko wolu kɛtɔ waate mindɛ? Tɔɔmase mindɛ kɛtɔ i na waate jiyala, ani dunuɲa laban waate?»

Matiyu 24:44

Wo lɔ, àilu fana lɔbɛnnin yi to, kamasɔlɔn Mɔɔnivin Tanin natɔ waate dɔ lɔ, ài jii tɛ waate min ma.

Matiyu 25:31

«Mɔɔnivin Tanin vɛ nala aa magbiliyali lɔ lon min na, mɛlɛka bɛ vɛ a fɛ, a siitɔ aa masayasiifen nɔɔlɔnin nɔ.

Matiyu 8:22

Kɛɛ Isa do vɛɛ a yɛ: «Bila ǹ kɔ. Fulenilu to je, ai y'ai fuleni ɲɔɔlu sudoon.»

Malɛkɛ 9:1

Isa k'a fɔ ai yɛ kɔtunun, a vɛɛ: «Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Ala ya masaya lankɛnɛmayatɔ yena fangamaya boloma.»

Yohana 21:19

Isa ka kuma min fɔ Piyɛli faaɲa jiyako le lɔ, min kɛtɔ a masɔlɔnna Ala magbiliyako lɔ. Wo fɔ, Isa vɛɛ a yɛ: «Bila ǹ kɔ.»

Yohana 21:21

Wo lɔ, Piyɛli k'a ye mingɛ, a do vɛɛ Isa yɛ: «Ǹ Kuntii, min do, mindɛ kɛtɔ a masɔlɔnna?»

1 Kolɛntikalu 11:26

Kamasɔlɔn ni ài ka bulu min dɔn, k'ài min jiyafɛ min nɔ waate o waate, ài yi mɔ Tii ya sayako le lasena, haan fɔɔ a v'i kɔseila lon min na.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

1 Tɛsalonikakalu 2:19

Mɔ v'i lɔla mɔ Tii Isa ɲakɔlɔ a nalon na, ka bɔ àilu kɔ, mɔ jei siinin jene la ka kɛ maa sawa ni maa ɲalɔkɛnɛya sabu le?

Janguba 5:7

Wo lɔ, m̀ badenmalu, ài y'ài sawali haan fɔɔ mɔ Tii nalon yi se. Ài y'a ye sɛnɛkɛbalu yi sɛnɛfen kulugbɛlɛnnu makɔnɔna teme ka bɔ aiya sɛnɛlu lɔ sawali boloma. Ai do sawalinin yi tola haan fɔɔ sanji kunfɔlɔ ni a labannu yi na.

Janguba 5:8

Àilu fana y'ài sawali, k'ài lɔgbeleya, kamasɔlɔn mɔ Tii nalon ma vɛ sulunya.

Ko Lankɛnɛmayanin 1:7

Ài y'a ye, a kɛtɔ nala sanbiliyalu tɛma, ani bɛ ɲa kɛtɔ a yena, hali mɔɔ minu na a sɔɔla tama le. Ado dunuɲa siboloma bɛ kasikan kɛtɔ bɔla ka bɛn a ma. A kɛtɔ ten ne jɔ! Amiina!

Ko Lankɛnɛmayanin 2:25

Kɛɛ min y'ài bolo, fɔ ài y'ài bolo kɛ wo la kpekpe haan fɔɔ m̀'ɛ nala lon min na.

Ko Lankɛnɛmayanin 22:20

Ale min yi ko min bɛ seleya dila, wo tii le y'a fɔla, a vɛɛ: «Tuɲa le feu, ǹ natɔ jona.» Amiina! Na, mɔ Tii Isa!

Ko Lankɛnɛmayanin 22:7

Isa vɛɛ: «A ye, ǹ natɔ jona. Duwawuden ne mɔɔ wo le, min y'a bolo kɛla kelayakumalu la minu sɛvɛnin kitabu min kɔnɔ.»

Ko Lankɛnɛmayanin 3:11

Ǹ natɔ jona. Wo ma, min y'i bolo, i i bolo to wo la fɔsa mɔɔ suu suu kana iya jala mina i la.