Yohana 21:17 - Ala Ya Salatikan Kula Kitabu

¹⁷ A do k'a fɔ a yɛ a siɲa sawana lɔ, a vɛɛ: «Yohana denkɛ Simɔn, i yi ǹ kanula?» Piyɛli niila ka fin wo lɔ, kamasɔlɔn Isa tɛɛ v'a maɲininga haan fɔɔ siɲa sawa le ni a a kanula. Wo lɔ, a k'a javi, a vɛɛ: «Ǹ Kuntii, i ka ko bɛ lɔn. I k'a lɔn ko ǹ'i kanula.» Isa do vɛɛ a yɛ: «Ǹa saalu balo.

Yohana 21:17 ပူးပေါင်းရင်းမြစ်များ

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Malɛkɛ 14:72

Wo fɔ Piyɛli bolo, donon ka kumun telemanin a siɲa filana lɔ. A hangili ka bila Isa kumakan nɔ, ko: «Jani donon yi kumun siɲa fila le bi, i kɛtɔ a fɔla siɲa sawa le ko i ma ǹ lɔn.» Ado Piyɛli ka kasi kosɛvɛ.

Yohana 12:8

Bolokolonnu totɔ ài tɛma waate bɛ, kɛɛ ǹe do tɛnala tola ài tɛma kudein.»

Yohana 13:38

Isa do k'a javi, a vɛɛ: «I lɔbɛnyine k'i nii di ǹa ko lɔ, kɛlɛ? Ǹ'i tuɲa fɔ i yɛ, donon tɛnala kumunna ni i m'a fɔ siɲa sawa le ko i ma ǹ lɔn.»

Yohana 14:15

Isa vɛɛ kɔtunun: «Ni ài yi ǹ kanula, ài kɛtɔ ǹa jamalilu labatola.

Yohana 15:10

Ni ài ka kɛ ǹa jamalilu labatola, ài yi tole ǹa kanundeya lɔ iwo ǹ na ǹ Fa ya jamalilu labatola teme ka to aa kanundeya lɔ.

Yohana 16:30

Mɔ v'a ɲaye butu ko i ka ko bɛ lɔn, i do mako tɛ mɔɔ ya ɲiningali la. Wo le n'a kɛla, mɔ vɛ limaniya k'a fɔ ko i nanin ka bɔ Ala le fɛlɔ.»

Yohana 18:27

Piyɛli do k'i ban a ma kɔtunun. Wo kɛ, donon ka kumun telemanin.

Yohana 18:4

Isa do tɛɛ k'a lɔn ko minu kɛtɔ kɛla a la. Wo ma, a k'i dɔɔni madon k'a fɔ ai yɛ, a vɛɛ: «Ài yi jene kɔ?»

Yohana 21:18

Ǹ'i tuɲa fɔ i yɛ, i kavelenya waate, i tɛɛ i jɛlɛ lɔbɛnna ka taa tɛɛ o tɛɛ lɔ min v'i diyala. Kɛɛ i vɛ kɔlɔyala, i kɛtɔ i bolo lɔsamana ani mɔɔ gbɛlɛ kɛtɔ i tɛma silila ka taa i le dingila dɔ lɔ, i t'a fɛ ka taa tɛɛminja.»

Yohana 4:16

Wo fɔ, Isa vɛɛ a yɛ: «Taa, i yi kɛ́ kili, ài yi na jan.»

Kɛkolu 1:24

Ai bɛ vɛ Ala dalila, ai vɛɛ: «Mɔ Tii, ile le ka mɔɔ bɛ josokun lɔn. I na min tala mɔɔ fila minu lɔ, i yi wo jiya mɔ la.

Kɛkolu 11:10

Wo ka kɛ siɲa sawa le ka ban mingɛ, bilingan ni a kɔnɔlɔfen bɛ la ka jɛlɛ sangbolo lɔ kɔtunun ka tunun.

Kɛkolu 15:8

Ala min ka adamaden bɛ josokun lɔn, a v'a lagbɛ ko a bolo siinin siboloma gbɛlɛ mɔɔlu kɔlɔ, kamasɔlɔn a na Nii Sɛnɛyanin dila ai ma iwo a na a dila mɔ ma teme.

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.

1 Piyɛli 1:6

Wo le àiya kɔnɔlɔdiya le, hali ni a kɛɲa gbɛlɛ tɛ je, fɔ ài josoma yi kasi waateni kɔlɔ ka bɛn lɔsumali suu bɛ dɔ ma.

2 Piyɛli 3:1

Ǹ diyananmɔɔlu, ǹa lɛtɛlɛ filana le min ne, ǹ'i min lataala ài ma. Lɛtɛlɛ fila wolu lɔ, m̀'ɛ ǹ lɔja k'ài hangili bila ko minu lɔ, alako ài miliya lagbɛnin yi to,

Ko Lankɛnɛmayanin 2:23

Ado ǹ kɛtɔ a dennu faala. Wo vɛ kɛla, limaniyajamalu bɛ kɛtɔ a lɔnna ko ǹe le yi mɔɔ bɛ josokun ni ai kɔnɔlɔkolu lasaala, ado ǹ kɛtɔ ài kelenkelenna bɛ salala ka bɛn ài kɛkolu le ma.

Ko Lankɛnɛmayanin 3:19

Ǹ'i mɔɔ minu kanula, ǹ'i wolu le lalila k'ai makolo. Wo lɔ, i i sɛmɛdon k'i dajoo mafalin.