Yohana 20:19 - Ala Ya Salatikan Kula Kitabu

¹⁹ Wo lon kelen wula fɛ, min tɛɛ Lailon ne, Isa kɔbiladennu k'ai ladɛn bon dɔ la ka dalu sɔɔ, kamasɔlɔn ai tɛɛ siyanna Jahudiya kuntiilu ɲa. Wo kɛ, Isa ka na k'i lɔ ai tɛma k'a fɔ ai yɛ, a vɛɛ: «Hɛlɛ yi kɛ ài yɛ.»

Yohana 20:19 ပူးပေါင်းရင်းမြစ်များ

Matiyu 10:13

Ni ai k'ài lɔmina kobɛn, àiya duwawu yi minale ai ma. Ni do ai ma ài lɔmina kobɛn, àiya duwawu yi seikɔle ài ma.

Matiyu 18:20

Kamasɔlɔn ni mɔɔ fila niwotɛ mɔɔ sawa k'i ladɛn ǹ tɔɔ lɔ, ǹ kɛtɔ ai tɛma.»

Malɛkɛ 16:14

A laban nɔ, Isa k'a jɛlɛ jiya aa keladen mɔɔ tan ni kelen (11) na, ai tɛɛ dɔnnila waate min nɔ. A do k'ai makuma ka bɛn aiya limaniyabaliya ma ani aiya kunnɔgbeleya. Kamasɔlɔn ai ma la mɔɔ wolu la minu na a ɲɛnɛma yena a wuli kɔ ka bɔ saya lɔ.

Yohana 14:27

«Ǹ'i josolajii le tola ài bolo, ǹa josolajii, ǹ'i wo le donna ài bolo. Ǹ t'a dila ài ma iwo dunuɲa y'a dila teme. Ài joso kà tɔlɔ, ài do kà siyan.

Yohana 16:22

Àilu fana yi ten ne: Ài niila vɛ fin butu, kɛɛ ǹ kɛtɔ ài yena kɔtunun. Wo vɛ kɛla, ài kɔnɔlɔ yi diyale, ado mɔɔ foi tɛnala sena kɔnɔlɔdiya wo bɔla ài bolo.

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Yohana 20:21

Isa do vɛɛ ai yɛ kɔtunun: «Hɛlɛ yi kɛ ài yɛ. Ǹ Fa na ǹ kelayala teme, ǹe fana y'ài kelayala ten ne.»

Yohana 20:26

Lɔɔtɛ kelen timinnin kɔ, Isa kɔbiladennu ladɛnnin ka to bon na kɔtunun, ado Tomasi fana tɛɛ je. Hali dalu sɔɔnin tɛɛ, kɛɛ Isa ka na k'i lɔ ai tɛma k'a fɔ ai yɛ, a vɛɛ: «Hɛlɛ yi kɛ ài yɛ.»

Yohana 21:1

Ko wolu timinnin kɔ, Isa k'a jɛlɛ jiya a kɔbiladennu la kɔtunun Tibɛliya kɔɔ dala. A k'a jɛlɛ jiya ai la teme, wo le ne:

Yohana 21:14

Min ka kɛ a siɲa sawana le le, Isa tɛɛ a jɛlɛ jiyala a kɔbiladennu la, a wuli kɔ ka bɔ saya lɔ.

Yohana 7:13

Kɛɛ mɔɔ suu suu ma ko fɔ gbɛ la ka bɛn a ma, kamasɔlɔn ai tɛɛ siyanna Jahudiya kuntiilu ɲa.

Kɛkolu 1:3

Aa tɔlɔya kɔ, a ɲɛnɛma ka bɔ gbɛ la ai ɲana boloɲa siyama ma, ani k'a jɛlɛ jiya ai la tele binaani (40) kɔlɔ, ka kuma ka bɛn Ala ya masaya ma.

Lɔmukalu 15:33

Ala min yi josolajii dila, wo yi to ài bɛ fɛ. Amiina.

1 Kolɛntikalu 15:5

Wo kɛ, a k'a jɛlɛ jiya Piyɛli la, ka ban k'a jɛlɛ jiya aa keladen mɔɔ tan ni fila (12) la.

Ɛfɛsikalu 2:14

Kamasɔlɔn ale gbu le maa josolajii le, min na mɔ bɛ kɛla kelen ne. A ka lagbeyaɲɛ jiin tiɲa min tɛɛ Jahudiyalu ni siboloma gbɛlɛ mɔɔlu wotɛbɔla. Ka bɛn ale gbu falikolo diko ma,

Ɛfɛsikalu 6:23

Josolajii yi kɛ mɔ badenma bɛ yɛ, ani kanundeya ni limaniya, ka bɔ mɔ Fa Ala ni mɔ Tii Masa Tɔɔmasenin Isa bolo.

Filipikalu 1:2

Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.

2 Tɛsalonikakalu 3:16

Mɔ Tii gbu min yi josolajii dila, wo y'ài josolajii waate bɛ, boloɲa bɛ ma. Mɔ Tii yi to ài bɛ fɛ.

Hebululu 7:2

Ibulahima ka aa kɛlɛkɔlɔfennu bɛ jaa bɔ k'a di a ma. Mɛlikizɛdɛki tɔɔ kɔlɔ le ko «Masa Telenmande.» A do yi «Josolajii Masa» le le fana, kamasɔlɔn Salɛmu kɔlɔ le ko: «josolajii».

3 Yohana 1:14

Ǹ jii yi ǹ nako ma i fɛlɔ jona, ado mɔ kɛtɔ kumala ɲa ni ɲa.

Ko Lankɛnɛmayanin 1:4

Ǹe Yohana le yi sɛvɛ min lataala limaniyajama wolowulan ma minu yi Esiya koovi lɔ. Nɛɛma ni josolajii yi kɛ ài yɛ ka bɔ Ala fɛ, ale min yi je, ani ale min tɛɛ je, ani ale min natɔ kɛla je, ani ka bɔ nii wolowulan fɛ minu aa masayasiifen kɛɛna.