Yohana 19:9 - Ala Ya Salatikan Kula Kitabu

⁹ A do ka don bon na kɔtunun ka Isa maɲininga, a vɛɛ: «I bɔnin min?» Kɛɛ Isa ma a javi.

Yohana 19:9 ပူးပေါင်းရင်းမြစ်များ

Matiyu 26:63

Kɛɛ Isa ka jeden. Salakalase kuntiiba do vɛɛ a yɛ: «Ǹ'a fɛ i yi kalin Ɲɛnɛmayatii Ala tɔɔ la k'a fɔ mɔ yɛ ni ile le Masa Tɔɔmasenin ne, ani Ala Denkɛ.»

Matiyu 27:27

Wo kɛ, jamanatii ya sɔdasilu ka taa Isa le jamanatii ya bonba la, ado sɔdasi jama ba bɛ k'i ladɛn a ma.

Luka 23:9

Wo lɔ, a vɛ ɲiningali siyama kɛla Isa la, kɛɛ wo ma a dɔ javi.

Yohana 18:28

Sɔɔmadanina, Jahudiya kuntiilu ka bɔ Kayife ya luu ma, ka taa Isa le Lɔmu jamanatii ya luu ma. Kɛɛ ailu gbu ma don bon na, kamasɔlɔn ai tɛɛ tɛ a fɛ k'ai jɛlɛ lakɔsɔ, fɔsa ai tɛɛ se Timinkunna Selilon dɔnni kɛla.

Yohana 18:33

Wo lɔ, Pilati ka don bon na kɔtunun ka Isa kili k'a maɲininga, a vɛɛ: «Ile le Jahudiyalu ya masakɛ le?»

Yohana 18:34

Isa k'a javi, a vɛɛ: «Ile gbu miliya le wo le, baa mɔɔ gbɛlɛ le na wo fɔla i yɛ ka bɛn m̀ ma?»

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

Yohana 19:10

Wo lɔ, Pilati do vɛɛ a yɛ: «I bannin ǹ javila? I m'a lɔn ko a see yi ǹ yɛ k'i bila niwotɛ k'i gbaan kɔlɔman ma?»

Yohana 19:8

Pilati ka kuma wo mɛn mingɛ, a dɔ ka la aa siyan kɔkan.

Yohana 8:14

Isa k'ai javi, a vɛɛ: «Hali ni ǹ ka kɛ seleya dila ka bɛn ǹ jɛlɛ ma, ǹa seleya yi tuɲa le le, kamasɔlɔn ǹ ka m̀ bɔya ni ǹ taaya lɔn.

Filipikalu 1:28

Ài kà diɲa ài juulu y'ài masiyan ko foi lɔ. Wo le kɛtɔ kɛla ài juulu halakiko tɔɔmase le, ani àiya kisiko tɔɔmase ka bɔ Ala fɛ.