Yohana 19:34 - Ala Ya Salatikan Kula Kitabu

³⁴ Kɛɛ wo bɛ n'a kɛ, sɔdasi kelen ka Isa sɔɔ a fulu fɛ tama le. Wo lɔ, ji ni jeli vɛ bɔla telemanin.

Yohana 19:34 ပူးပေါင်းရင်းမြစ်များ

Matiyu 27:62

Isa ka sa lon min na, wo ka bɛn Nɔningɛlon ɲasiilon ne ma. Wo dusagbɛlon, salakalase kuntiibalu ni Falisilu k'ai ladɛn Pilati ɲakɔlɔ.

Yohana 19:33

Kɛɛ ai ka se Isa ma mingɛ, ai k'a ye a tɛɛ vɛ sa. Wo ma, ai ma a sennu lɔkali.

Yohana 20:20

Wo fɔ a bolo, a k'a bololu ni a fulu jiya ai la. Ai do ka sawa bubale mɔ Kuntii yenko lɔ.

Kɛkolu 22:16

I yi mindɛ makɔnɔna butu? I wuli, i yi madaili kɛ mɔ Tii Isa tɔɔ lɔ, ka ban ka makoli sɔlɔn, fɔsa iya julumbulu yi bɔ i ma.›

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

Ɛfɛsikalu 5:26

fɔsa a aa limaniyajama bila a ta fan a jɛlɛ yɛ, a ban kɔ wo lasɛnɛyala ji le ka bɛn a kumakan ma.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 9:13

Salakalasebalu yi bani ni tola jeli ani nisimoso buuli le seinseinna mɔɔ lakɔsɔninnu kɔkan k'ai falikolo lasɛnɛya.

Hebululu 9:22

Wo lɔ, ka bɛn seliya ma, faida fen bɛ la yi sɛnɛyala jeli le le, ado julumbu lɔ tɛ se kotola ni jeli ma bɔn.

1 Piyɛli 3:21

Ji wo kɛnin makoli misali le le, min àilu fana lakisila yi ne. Wo tɛ nɔɔ bɔla mɔ falikolo ma, kɛɛ a yi jososɛnɛyanin daliko le le Ala la ka bɛn Masa Tɔɔmasenin Isa lawuliko ma ka bɔ saya lɔ,

1 Yohana 5:6

Masa Tɔɔmasenin Isa le nanin ji ni jeli fɛ. A ma na ji kelen fɛ, mafɔ ji ni jeli. Nii Sɛnɛyanin ne yi wo seleya dila, kamasɔlɔn Nii Sɛnɛyanin ne tuɲa le.

1 Yohana 5:8

Nii Sɛnɛyanin, ji, ani jeli. Wo sawa bɛ bɛnnin kan kelen ne ma.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.