Yohana 19:17 - Ala Ya Salatikan Kula Kitabu

¹⁷ Isa do vɛ bɔla so kɔnɔ, a v'a jɛlɛkanu gbaankɔlɔman tala, ka taa Kunkolo Dingila lɔ, ai y'a fɔla tɛɛminja ma Hebulukan nɔ ko Gɔligota.

Yohana 19:17 ပူးပေါင်းရင်းမြစ်များ

Matiyu 10:38

Ni do mɔɔ min ma diɲa a jɛlɛkanu gbaankɔlɔman tako ma ka bila ǹ kɔ, wo tii ni ǹa kɔbiladenya kaannin tɛ.

Matiyu 16:24

Wo kɔ, Isa k'a fɔ a kɔbiladennu yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Matiyu 27:37

Ai tɛɛ vɛ wala dɔ bila Isa kunma, a faa dailu sɛvɛnin tɛɛ min ma, ko: «Isa le ne, Jahudiyalu ya masakɛ.»

Malɛkɛ 10:21

Isa k'i ɲa kaa a lɔ kanundeya boloma k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo ba kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Malɛkɛ 15:26

Wala dɔ bilanin tɛɛ Isa kunma, a faa dailu sɛvɛnin tɛɛ min kan, ko: «Jahudiyalu ya masakɛ.»

Malɛkɛ 15:32

Ni ale le Masa Tɔɔmasenin ne ani Bani Isilankalu ya masakɛ, wo vɛ kɛla, a yi jii vɛ ka bɔ kɔlɔman ma. Mɔ vɛ wo yena, m'i limaniyale a ma.» Mɔɔ fila minu gbaannin tɛɛ Isa tɔɔfɛ, wolu fana tɛɛ a lafeyala.

Malɛkɛ 8:34

Wo kɛ, Isa ka jama ni a kɔbiladennu kili k'a fɔ ai yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Luka 14:27

Ni do mɔɔ min ma diɲa a jɛlɛkanu gbaankɔlɔman tako ma ka bila ǹ kɔ, wo tii tɛ se kɛla ǹ kɔbiladen ne.

Luka 23:26

Ai taatɔla Isa le, ai k'i ɲɔɔmɛn Silɛnika kɛ́ dɔ le, min tɛɛ bɔla sɛnɛ lɔ, min tɔɔ tɛɛ ko Simɔn. Sɔdasilu do ka Simɔn mina ka Isa gbaankɔlɔman la a kanma, ko a yi bila Isa kɔ.

Luka 23:33

Ai senin dingila dɔ lɔ, ai y'a fɔla min ma ko Kunkolo Dingila, ai ka Isa gbaan kɔlɔman ma, ani koyonkɛba wolu: a kelen tɛɛ a bolokini fannɔ, a tɔ kelen tɛɛ a bolonunma fannɔ.

Luka 23:38

Ai ka sɛvɛli dɔ kɛ Isa kunma wala ma, ko: «Min ne Jahudiyalu ya masakɛ le.»

Luka 9:23

Wo kɔ, a k'a fɔ jama bɛ yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, k'a gbaankɔlɔman ta lon bɛ ka bila ǹ kɔ.

Yohana 19:13

Pilati ka kuma wo mɛn mingɛ, a ka Isa labɔ kɔtunun, k'i sii kititɛɛ siifen nɔ kawa dingila dɔ lɔ, ai y'a fɔla min ma Hebulukan nɔ Gabata.

Yohana 5:2

Dala ba dɔ yi Jelusalɛmu, Saalu Donda dafɛ, ai y'a fɔla min ma Hebulukan nɔ ko Betizada, ado bolon loolu le yi dala wo laminin nɔ.

Kɛkolu 7:58

Ai do k'a fɔnfɔn ka taa a le so kɔɔkan, k'a mabon damina kawakulunnu la. Seleyadibalu k'aiya faanibalu kɛ kavelen dɔ sen kɔlɔ, min tɔɔ tɛɛ ko Sawuli.