Yohana 18:36 - Ala Ya Salatikan Kula Kitabu

³⁶ Isa do vɛɛ a yɛ wo lɔ: «Ǹa masaya tɛ dunuɲa ta le. Niwotɛ, ǹa bɔidennu tɛɛ Jahudiya kuntiilu kɛlɛle, ai do tɛɛ tɛnala sena m̀ minala. Kɛɛ ǹa masaya ma bɔ dunuɲa min nɔ.»

Yohana 18:36 ပူးပေါင်းရင်းမြစ်များ

Matiyu 26:53

A y'i kɔnɔ ko ǹ tɛɛ tɛ se a fɔla ǹ Fa yɛ, a tɛɛ aa mɛlɛka kulu ba tan ni fila (12) lana telemanin m̀ madɛmɛnko lɔ?

Luka 12:14

Isa do vɛɛ a yɛ: «Ǹ tɔva, jene na ǹ kɛla àiya kititɛɛba le, niwotɛ àiya kɛɛ lɔtalaba le?»

Yohana 18:35

Pilati do k'a javi, a vɛɛ: «A y'i kɔnɔ Jahudiya le ǹ ne? I jɛlɛkanu sibolomaɲɔɔlu ni salakalase kuntiibalu le na i donna m̀ bolo. I na mindɛ kɛla?»

Yohana 6:15

Isa tɛɛ k'a lɔn ne ko ai tɛɛ a fɛ k'a mina k'a kɛ aiya masakɛ le le diyanigbeya boloma. Wo le k'a kɛ, a k'a majaanya ai la kɔtunun ka taa tini kɔkan.

Yohana 8:15

Àilu le yi kiti tɛɛla ka bɛn adamadennu ya miliya ma. Kɛɛ ǹe do tɛ mɔɔ suu suu ya kiti tɛɛla.

Lɔmukalu 14:17

Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

1 Timote 6:13

Ǹ'i jamalila Ala ɲakɔlɔ min yi niimaya dila fen bɛ ma, ani Masa Tɔɔmasenin Isa ɲakɔlɔ min na seleya ɲuma dila Ponsi Pilati ɲakɔlɔ: