Yohana 17:26 - Ala Ya Salatikan Kula Kitabu

²⁶ M̀'ɛ ai lalɔnni i tɔɔ la, ǹe do totɔ ai lalɔnnila i tɔɔ la kudein, fɔsa i na ǹ kanula teme, wo kanundeya yi kɛ ai lɔ, ani ǹ kafonnin yi to ai kan.»

Yohana 17:26 ပူးပေါင်းရင်းမြစ်များ

Yohana 14:20

Wo lon ne, ài kɛtɔ a lɔnna ko ǹ kafonnin ǹ Fa kan, àilu fana kafonnin ǹ kan, ani ǹe fana kafonnin ài kan.

Yohana 14:23

Isa k'a javi, a vɛɛ: «Ni mɔɔ min vɛ ǹ kanula, wo tii kɛtɔ ǹ kumakan labatola, ado ǹ Fa fana kɛtɔ a kanula. Ǹe ni ǹ Fa kɛtɔ nala a ma ka to a fɛ.

Yohana 15:15

Ǹ tɛnala a fɔla ài ma butu bɔidennu, kamasɔlɔn bɔiden m'a lɔn aa kuntii yi min na. Kɛɛ ǹ'a fɔla ài ma ǹ tɔvalu, kamasɔlɔn ǹ Fa na minu fɔla ǹ yɛ, m̀'ɛ wo bɛ lase ài ma.

Yohana 15:4

Ài kafonnin yi to ǹ kan, iwo ǹe gbu kafonnin ài kan teme. Iwo jili bolo tɛ se a denna a jɛlɛ ma teme ni a kafonnin ma to a ju kan, wo boloɲa kelen ma, àilu fana tɛ se ai denna ai jɛlɛ ma ni ài kafonnin ma to ǹ kan.

Yohana 15:9

Ǹ Fa na ǹ kanula teme, m̀'ɛ ài kanu ten. Wo ma, ài yi to ǹa kanundeya lɔ.

Yohana 17:23

Ǹ kafonnin ai kan, ado ile ni ǹe kafonnin i ɲɔɔ kan, fɔsa ai yi kɛ kelen ne bɛlɛbɛlɛ kɛ. Wo vɛ kɛla, dunuɲa kɛtɔ a lɔnna ko ile le na ǹ kelayala, ani i n'ai kanula iwo i na ǹ kanula teme.

Yohana 17:6

«I na mɔɔ minu tala ka bɔ dunuɲa bolo k'ai di m̀ ma, m̀'ɛ iya ko jiya wolu la, fɔsa ai i lɔn. Ai tɛɛ i ta le le, i do n'ai dila m̀ ma. Ai v'i kumakan labato,

Yohana 17:8

Kamasɔlɔn i na kuma minu fɔla ǹ yɛ, ǹ na wolu le lasena ai ma. Ai do k'ai bolo sii ai kɔlɔ, ani k'a lɔn bɛlɛbɛlɛ kɛ ko m̀ bɔnin ile le fɛlɔ, ani ai vɛ limaniya k'a fɔ ko ile le na ǹ kelayala.

Yohana 6:56

Wo le y'a ma, ni mɔɔ min ka ǹ falikolo dɔn ani ka ǹ jeli min, wo tii totɔ ǹa kafonɲɔɔya le lɔ, ǹe fana totɔ kafonɲɔɔya lɔ wo tii fɛ.

Yohana 8:50

Ǹ tɛ magbiliyali ɲininna ǹ jɛlɛ yɛ, kɛɛ dɔ vɛ je min y'a ɲininna ǹ yɛ, a do yi kititɛɛba le le.

Lɔmukalu 8:10

Kɛɛ do, ni Masa Tɔɔmasenin lasawatinin ka kɛ ài lɔ, hali ni ài falikolo sanin ka kɛ ka bɛn julumbu ma, Nii Sɛnɛyanin yi niimaya dile, kamasɔlɔn ài vɛ kɛ telenmande le Ala ɲakɔlɔ.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

1 Kolɛntikalu 12:12

Fan siyama le yi mɔɔ falikolo ma, wo bɛ n'a kɛ, ai bɛ lakunnin kɛnin falikolo kelen ne le, hali ai walanin ka kɛ. Masa Tɔɔmasenin fana yi wo boloɲa kelen ne ma.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ɛfɛsikalu 1:6

A na wo kɛla fɔsa m'i Ala tanu ka bɛn aa nɛɛma makawanin ma, a na mɔ sɔla min sɔ a diyanan Denkɛ sabu la.

Ɛfɛsikalu 3:17

fɔsa Masa Tɔɔmasenin yi sawati ài josokun nɔ ka bɛn limaniya ma. Ǹ'i Ala dalila kɔtunun, ǹ ko, àiya kanundeya lilen yi don ka bama,

Ɛfɛsikalu 5:30

Kamasɔlɔn mɔ kelenkelenna bɛ y'a falikolo fan dɔ le le.

Ɛfɛsikalu 5:32

Gbonoko ba le min ne, kɛɛ ǹ'i kumala ka bɛn Masa Tɔɔmasenin ni aa limaniyajama le ma.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

Kɔlɔsikalu 2:10

Àilu fana ya ko bɛ vɛ dafa aa kafonɲɔɔya lɔ, ale min yi kuntii ni fangatii bɛ ya kuntii le.

Kɔlɔsikalu 3:11

Wo le y'a ma, wotɛbɔli tɛ butu Gɛlɛkika ni Jahudiyalu wotɛ, niwotɛ mɔɔ makɛnɛkɛnin ani mɔɔ makɛnɛkɛbalilu, niwotɛ tuukɔlɔmɔɔ ni siboloma ɲamakabalilu, niwotɛ jɔn ani hɔlɔlu, wo foi tɛ jatela. Min yi jatela, wo le Masa Tɔɔmasenin ne dein, a do yi bɛ le josokun nɔ.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

Hebululu 2:12

A a fɔla Ala yɛ kitabu kɔnɔ, a vɛɛ: «Ǹ kɛtɔ iya ko fɔla m̀ badenmalu yɛ, ka baiti la i yɛ jama tɛma.»

1 Yohana 3:24

Mɔɔ min yi Ala ya jamalilu labatola, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya le lɔ. Mɔ n'a lɔnna boloɲa min ne ma ko a yi maa kafonɲɔɔya lɔ: A na Nii Sɛnɛyanin dila mɔ ma.