Yohana 17:25 - Ala Ya Salatikan Kula Kitabu

²⁵ «Ǹ Fa telenmande, hali dunuɲa m'i lɔn, kɛɛ ǹe do k'i lɔn, ani mɔɔ minu fana v'a lɔn ko ile le na ǹ kelayala.

Yohana 17:25 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Matiyu 16:16

Simɔn Piyɛli k'a javi, a vɛɛ: «Ile le Masa Tɔɔmasenin ne, ani Ɲɛnɛmayatii Ala Denkɛ.»

Luka 10:22

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 10:15

iwo ǹ Fa ka ǹ lɔn teme, ani ǹ ka ǹ Fa fana lɔn ten ne. Ǹe do yi ǹ nii dila saalu ya ko lɔ.

Yohana 15:21

Kɛɛ ai kɛtɔ ko wolu bɛ kɛla ài la ka bɛn ǹa ko le ma, kamasɔlɔn ai ma ǹ kelaba lɔn.

Yohana 16:27

baa ǹ Fa gbu y'ài kanula, kamasɔlɔn ài vɛ ǹ kanu, ani ài limaniyanin k'a fɔ m̀ bɔnin ale le fɛlɔ.

Yohana 16:3

Ai kɛtɔ ko wo suu kɛla ài la kamasɔlɔn ai ma ǹ Fa lɔn, kumatɛ ǹe ma.

Yohana 16:30

Mɔ v'a ɲaye butu ko i ka ko bɛ lɔn, i do mako tɛ mɔɔ ya ɲiningali la. Wo le n'a kɛla, mɔ vɛ limaniya k'a fɔ ko i nanin ka bɔ Ala le fɛlɔ.»

Yohana 17:11

Ǹ tɛnala tola dunuɲa butu, kɛɛ ailu yi dunuɲa bene, ǹ natɔle i fɛlɔ. Ǹ Fa, ile min sɛnɛyanin, i y'ai lakana i tɔɔ ya seetiiya lɔ, i na tɔɔ kelen min dila m̀ ma, fɔsa ai yi kɛ kelen ne iwo ǹe ni ile yi kelen ne teme.

Yohana 17:18

I na ǹ kelayala dunuɲa teme, ǹe fana n'ai kelayala dunuɲa ten ne.

Yohana 17:21

fɔsa ai bɛ yi kɛ kelen ne, iwo ile ǹ Fa kafonnin ǹ kan teme, ani ǹe gbu kafonnin i kan teme. Diɲa ailu fana yi kafon mɔ kan ten, fɔsa dunuɲa yi limaniya k'a fɔ ko ile le na ǹ kelayala.

Yohana 17:23

Ǹ kafonnin ai kan, ado ile ni ǹe kafonnin i ɲɔɔ kan, fɔsa ai yi kɛ kelen ne bɛlɛbɛlɛ kɛ. Wo vɛ kɛla, dunuɲa kɛtɔ a lɔnna ko ile le na ǹ kelayala, ani i n'ai kanula iwo i na ǹ kanula teme.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 17:8

Kamasɔlɔn i na kuma minu fɔla ǹ yɛ, ǹ na wolu le lasena ai ma. Ai do k'ai bolo sii ai kɔlɔ, ani k'a lɔn bɛlɛbɛlɛ kɛ ko m̀ bɔnin ile le fɛlɔ, ani ai vɛ limaniya k'a fɔ ko ile le na ǹ kelayala.

Yohana 3:17

Kamasɔlɔn Ala ma a Denkɛ kelaya dunuɲa kɔnɔ dunuɲa jobaliyako lɔ. Kɛɛ a na a kelayala dunuɲa lakisiko le lɔ a fɛ.

Yohana 6:19

Ai ka kilo loolu niwotɛ wɔɔlɔ jate kɛ kulun bɔlila waate min nɔ, ai ka Isa taamantɔla ye kɔɔ kɔkan, a v'i madonna kulun na. Wo lɔ, ai bɛ ka siyan.

Yohana 7:29

Kɛɛ ǹe do ka a lɔn kamasɔlɔn m̀ bɔnin ale le fɛlɔ, ale le do na ǹ kelayala.»

Yohana 8:19

Ai k'a maɲininga wo lɔ, ai vɛɛ: «I fa yi min ne?» Isa k'ai javi, a vɛɛ «Ài ma ǹ lɔn, kumatɛ ǹ Fa ma. Ni ài tɛɛ ka ǹ lɔn, ài tɛɛ ǹ Fa fana lɔnne.»

Yohana 8:55

Ài ma a lɔn, kɛɛ ǹe do ka a lɔn ne. Ni ǹ tɛɛ v'a fɔla m̀ ma a lɔn, ǹ tɛɛ kɛle ài ɲɔɔzii faɲafɔba dɔ le. Kɛɛ do, ǹ ka a lɔn ne, ado ǹ'a kumakan labatola.

Kɛkolu 17:23

Kamasɔlɔn ǹ tɛɛ m̀ mataamana so kɔnɔ waate min nɔ k'àiya batofennu lasaa, ǹ na salakagbalan dɔ yena, a sɛvɛnin min kan, ko: ‹Mɔ ma tii min lɔn, wo ta salakagbalan ne min ne.› Wo lɔ, ài y'ài tii min batola k'a talan ài m'a lɔn, ǹ nanin wo le ya ko lasena ài ma yi ne.

Kɛkolu 26:18

ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

Lɔmukalu 1:28

Komi ai ma Ala lɔnko ta ko sɔvɛ le, wo le k'a kɛ, Ala k'ai bila ai jɛlɛ ma ai miliya kolonnu kɔ, fɔsa ai yi kolu kɛ minu man kan ka kɛ.

Lɔmukalu 3:11

Mɔɔ foi tɛ ko ɲayena, ani ai suu suu tɛ Ala ɲininna!

Lɔmukalu 3:26

A na wo kɛla aa telenmandeya jiyako le lɔ waate min nɔ, ani k'a jiya ko telenmande le a le, a do yi mɔɔlu jatela telenmande le minu limaniyanin Isa ma.

1 Kolɛntikalu 1:21

Ala k'a latɛɛ aa hangilimaya lɔ ko dunuɲa ni aa hangilimaya bɛ, a ma se Ala lɔnna a jɛlɛkanu ya hangilimaya fɛ. Kɛɛ a do ka diya Ala yɛ ka a malimaniyamɔɔlu lakisi ka bɛn kawanili wo ma, dunuɲamɔɔlu yi min jatela hangilindanya kuma le.

1 Kolɛntikalu 15:34

Ài y'ài hangili sii iwo ài ka kan k'a kɛ teme! Ài do kà to julumbu tala. Kamasɔlɔn ài dɔlu ma Ala lɔn feu. Ǹ'i wo fɔla ka bɛn ài lamaloyako le ma.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

2 Tɛsalonikakalu 1:8

A do kɛtɔ nala taamɛnɛn ne ka Alalɔnbalilu jangata, ani mɔɔ minu yi kolobaliya kɛla mɔ Tii Isa ya Samakan Kein na.

Hebululu 8:11

Ai suu suu tɛnala a siiɲɔɔma kalanna niwotɛ a badenma k'a fɔ ko: ‹I i lɔja, i yi mɔ Tii Ala lɔn,› kamasɔlɔn ai bɛ le kɛtɔ ǹ lɔnna, ka damina fandannilu ma ka taa sii seetiilu la.

1 Yohana 1:9

Kɛɛ ni mɔ ka mɔ dalabɔ maa julumbulu le, Ala min yi lanande ni telenmande le, ale le kɛtɔ maa julumbulu lɔkotola ka mɔ lasɛnɛya ka maa telenbaliyako bɛ bɔ mɔ ma.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.

Ko Lankɛnɛmayanin 16:5

Seetiiya yi mɛlɛka min bolo jilu kunna, ǹ ka wo kan mɛn, a vɛɛ: «I telenyine, ile min yi je, ani ile min tɛɛ je, ile Ala sɛnɛyanin, kamasɔlɔn i na kiti minu tɛɛla wo boloɲa le ma.