Yohana 17:13 - Ala Ya Salatikan Kula Kitabu

¹³ «Ǹ natɔ i fɛlɔ yi ne, kɛɛ ǹ'i ko minu fɔla dunuɲa kɔnɔ, fɔsa ǹa kɔnɔlɔdiya dafanin ɲɔɔzii yi kɛ ai yɛ.

Yohana 17:13 ပူးပေါင်းရင်းမြစ်များ

Yohana 13:3

Isa tɛɛ k'a lɔn ko a Fa vɛ fen bɛ bila a fanga kɔlɔ, ani ko a bɔnin Ala le fɛlɔ, a do kɔseitɔ Ala le fɛlɔ.

Yohana 15:11

«Ǹ na kuma min bɛ fɔla ài yɛ, fɔsa ǹa kɔnɔlɔdiya ɲɔɔzii yi kɛ ài yɛ, ani àiya kɔnɔlɔdiya da yi fa.

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Yohana 17:11

Ǹ tɛnala tola dunuɲa butu, kɛɛ ailu yi dunuɲa bene, ǹ natɔle i fɛlɔ. Ǹ Fa, ile min sɛnɛyanin, i y'ai lakana i tɔɔ ya seetiiya lɔ, i na tɔɔ kelen min dila m̀ ma, fɔsa ai yi kɛ kelen ne iwo ǹe ni ile yi kelen ne teme.

Yohana 3:29

Kɔɲɛmoso yi kɔɲɛfa ta le le. Kɔɲɛfa tɔva y'i lɔla a dafɛ, a tolomalɔnin vɛ a la, a vɛ kɔɲɛfa kan mɛnna, a kɔnɔlɔ yi diyala kosɛvɛ. Wo sawa ɲɔɔzii le yi ǹ na, a do da vɛ fa.

Yohana 7:33

Isa do k'a fɔ jama yɛ, a vɛɛ: «Ǹ kɛtɔ waateni kɛla ài fɛ bene, wo kɔ, ǹ kɛtɔ taala ǹ kelaba ma.

Kɛkolu 13:52

Ado Isa kɔbiladen minu tɛɛ Antiyɔsi, wolu joso lafanin tɛɛ sawa ni Nii Sɛnɛyanin la.

Lɔmukalu 14:17

Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

1 Yohana 1:4

M'i ko minu sɛvɛla ài ma, fɔsa maa kɔnɔlɔdiya da yi fa.

2 Yohana 1:12

Kuma siyama yi ǹ fɛ k'a fɔ ài yɛ, kɛɛ ǹ t'a fɛ ka wo bɛ kɛ sɛvɛ ni kala le. Ǹ'a fɛ ǹ'i taa ài fɛlɔ ka kuma ài fɛ ɲa ni ɲa, fɔsa maa kɔnɔlɔdiya da yi fa.