Yohana 17:11 - Ala Ya Salatikan Kula Kitabu

¹¹ Ǹ tɛnala tola dunuɲa butu, kɛɛ ailu yi dunuɲa bene, ǹ natɔle i fɛlɔ. Ǹ Fa, ile min sɛnɛyanin, i y'ai lakana i tɔɔ ya seetiiya lɔ, i na tɔɔ kelen min dila m̀ ma, fɔsa ai yi kɛ kelen ne iwo ǹe ni ile yi kelen ne teme.

Yohana 17:11 ပူးပေါင်းရင်းမြစ်များ

Matiyu 10:16

«Ǹ'ài kelayala ka kɛ iwo saa minu bilanin soofalilu tɛma. Wo ma, ài hangili yi sii, iwo sa hangili siinin teme. Ài kɛko ma yi fa, iwo poponi mafanin teme.

Matiyu 5:48

Ài yi dafa ko bɛ lɔ iwo ài Fa min yi haijɛnɛ, wo dafanin teme.»

Matiyu 6:9

«Ài ka kan ka Ala dali teme, wo le ne: ‹Mɔ Fa min yi haijɛnɛ, i tɔɔ sɛnɛyanin yi buɲa.

Yohana 13:1

Jani Timinkunna Selilon tɛɛ se, Isa tɛɛ k'a lɔn ko a taa waate ma vɛ sulunya ka bɔ dunuɲa ka taa a Fa fɛlɔ. Aa mɔɔ minu tɛɛ dunuɲa, a tɛɛ wolu le kanula kudein. A do ka to ai kanula haan fɔɔ a laban nɔ.

Yohana 13:3

Isa tɛɛ k'a lɔn ko a Fa vɛ fen bɛ bila a fanga kɔlɔ, ani ko a bɔnin Ala le fɛlɔ, a do kɔseitɔ Ala le fɛlɔ.

Yohana 14:20

Wo lon ne, ài kɛtɔ a lɔnna ko ǹ kafonnin ǹ Fa kan, àilu fana kafonnin ǹ kan, ani ǹe fana kafonnin ài kan.

Yohana 16:28

M̀ bɔnin ǹ Fa le fɛlɔ ka na dunuɲa, ado m̀ bɔtɔle dunuɲa yi ne ka seikɔ ǹ Fa fɛlɔ.»

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Yohana 17:23

Ǹ kafonnin ai kan, ado ile ni ǹe kafonnin i ɲɔɔ kan, fɔsa ai yi kɛ kelen ne bɛlɛbɛlɛ kɛ. Wo vɛ kɛla, dunuɲa kɛtɔ a lɔnna ko ile le na ǹ kelayala, ani i n'ai kanula iwo i na ǹ kanula teme.

Yohana 17:25

«Ǹ Fa telenmande, hali dunuɲa m'i lɔn, kɛɛ ǹe do k'i lɔn, ani mɔɔ minu fana v'a lɔn ko ile le na ǹ kelayala.

Yohana 17:6

«I na mɔɔ minu tala ka bɔ dunuɲa bolo k'ai di m̀ ma, m̀'ɛ iya ko jiya wolu la, fɔsa ai i lɔn. Ai tɛɛ i ta le le, i do n'ai dila m̀ ma. Ai v'i kumakan labato,

Yohana 7:33

Isa do k'a fɔ jama yɛ, a vɛɛ: «Ǹ kɛtɔ waateni kɛla ài fɛ bene, wo kɔ, ǹ kɛtɔ taala ǹ kelaba ma.

Kɛkolu 3:21

Kɛɛ fɔ a yi to haijɛnɛ bene, haan fɔɔ fen bɛ ma vɛ falinna ka kɛ a kula le waate min nɔ, iwo Ala ya lɔhɔlɔma kelalu tɛɛ min fɔla teme ka ta waate jaan ma.

Lɔmukalu 12:5

Wo boloɲa kelen ma, hali ǹu limaniyamɔɔlu walanin ka kɛ, mɔ bɛ yi falikolo kelen ne le Masa Tɔɔmasenin ya kafonɲɔɔya lɔ, ado mɔ kelenkelenna bɛ fasanin i ɲɔɔ ma falikolo kelen ne lɔ.

Lɔmukalu 9:17

Kitabu kɔnɔ, Ala k'a fɔ Filawuna yɛ, a vɛɛ: «M̀'ɛ i lasii masaya la, fɔsa ǹ'i ǹa seetiiya jiya i lɔ, ani ǹ tɔɔ yi fɔ dunuɲa fan bɛ lɔ.»

1 Kolɛntikalu 1:10

M̀ badenmalu, ǹ'ài madiyala mɔ Tii Masa Tɔɔmasenin Isa tɔɔ lɔ, ǹ ko, ài yi bɛn a lɔ, fɔsa falanɲɔɔya kana don ài tɛma, mafɔ ài yi kɛ kelen ne ài miliya ni àiya kolatɛɛnin bɛ lɔ.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Ɛfɛsikalu 4:4

Mɔ bɛ dɛnnin falikolo kelen ne la, ani Nii Sɛnɛyanin kelen, iwo ài kilinin teme jeisii kelen kanma.

Filipikalu 2:9

Wo le n'a kɛla, Ala n'a dalaya kɔlɔtala fen bɛ kunna, ka tɔɔ di a ma min buɲanin tɔɔ bɛ le,

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

Hebululu 9:24

Kamasɔlɔn Masa Tɔɔmasenin ma don lɔhɔlɔma dingila kɔnɔ min lɔnin adamadennu bolo, min yi fen bɛlɛbɛlɛ sawula le dein. Kɛɛ a jɛlɛnin haijɛnɛ gbugbu le kɔnɔ, fɔsa a yi lɔ Ala ɲakɔlɔ mɔ yɛ.

Janguba 4:4

Àilu lanandeyabalilu! Ài m'a lɔn ko dunuɲa kanu yi nala Ala lagbeyaɲɛ le le? Wo lɔ, ni mɔɔ mɔɔ si y'a fɛ k'a jɛlɛ kɛ dunuɲa kanuba le, wo tii kɛtɔ a jɛlɛ kɛla Ala juu le le.

1 Piyɛli 1:5

àilu minu lakananin Ala ya foniseleya lɔ ka bɛn àiya limaniya ma, fɔsa ài yi kisili sɔlɔn min la kɛtɔ nkɛnɛmayala dunuɲa laban waate.

1 Yohana 3:12

Mɔ kà kɛ iwo Kabila, min ka kɛ Soitana ya mɔɔ le k'a dɔɔkɛ faa. A k'a dɔɔkɛ faa mindɛ lɔ? A ka wo kɛ kamasɔlɔn a kɛkolu kɛwonyayine tɛɛ, k'a talan a dɔɔkɛ kɛkolu telenyine tɛɛ.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.

Jude 1:24

Tanuli ale le yɛ min yi se k'ài matanga fɔsa ài sen kana tuu, ani min yi se ài lalɔla a ɲakɔlɔ jalakibaliya ni sawa ba boloma a nɔɔlɔ lɔ.

Ko Lankɛnɛmayanin 15:4

Mɔ Tii, jene tɛ siyanna i ɲa ani k'i ban i tɔɔ buɲako ma? Kamasɔlɔn ile kelenpesa le sɛnɛyanin. Sibolomalu bɛ kɛtɔ nala i ma k'i bato, kamasɔlɔn iya kotelenninu la vɛ nkɛnɛmaya.»

Ko Lankɛnɛmayanin 19:12

A ɲaden kɛyine iwo taamɛnɛn, ani masayafula siyama y'a kunna. Tɔɔ dɔ sɛvɛnin a ma, mɔɔ mɔɔ ma min lɔn fɔ ale gbu.

Ko Lankɛnɛmayanin 4:8

Kawa wɔɔlɔ le tɛɛ niimafen naani wo kelenkelenna bɛ ma. Ɲaden tɛɛ ai falikolo fan bɛ ma, hali ai kawalu kɔlɔ. Su ni tele, ai m'ai nɔningɛ a fɔ ma, ai vɛɛ: «Ala Seebɛtii, a sɛnɛyayine, a sɛnɛyayine, a sɛnɛyayine, ale min tɛɛ je, ani ale min yi je, ani ale min natɔ kɛla je habadan.»