Yohana 16:7 - Ala Ya Salatikan Kula Kitabu

⁷ Wo bɛ n'a kɛ, ǹ'i tuɲa fɔ ài yɛ, ǹ taako le fisayanin ài ma, kamasɔlɔn ni m̀ ma taa, Dɛmɛliba tɛnala nala ài ma. Kɛɛ m̀'ɛ taala, ǹ kɛtɔ Dɛmɛliba lanala ài ma.

Yohana 16:7 ပူးပေါင်းရင်းမြစ်များ

Luka 24:49

Ǹ Fa na min lahedi tala ài yɛ, ǹ kɛtɔ wo lanala ài ma. Kɛɛ fɔ ài yi to Jelusalɛmu jan haan fɔɔ seetiiya wo la yi jii ài kɔkan ka bɔ haijɛnɛ.»

Luka 4:25

Ǹ'i tuɲa fɔ ài yɛ, kɛsamosolu walanin tɛɛ Isilan jamana lɔ Nabi Iliya tele lɔ, sanji lɔ ka tɛɛ waate min nɔ haan fɔɔ sanji sawa kalo wɔɔlɔ, ado kɔɔn fitina ka don jamana fan bɛ lɔ.

Luka 9:27

Ǹ'i tuɲa fɔ ài yɛ, dɔlu y'ài tɛma jan minu tɛnala saya masɔlɔnna, fɔ ai vɛ Ala ya masaya lankɛnɛmayatɔ yena.»

Yohana 14:26

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 14:28

Ài vɛ ǹ kan mɛn, ǹ ko ǹ taatɔle, ani ǹ kɛtɔ seikɔla ài ma. Ni ài tɛɛ vɛ ǹ kanula, ài tɛɛ sawale ǹ taako lɔ ǹ Fa fɛlɔ, kamasɔlɔn ǹ Fa buɲanin vɛ ǹ ne.

Yohana 14:3

M̀'ɛ taala ài siiya lɔbɛnna, ǹ seikɔtɔ ka na ài ta ka taa ài le, fɔsa ǹ'i tɛɛminja, àilu fana yi kɛ woja.

Yohana 15:26

«Ǹ kɛtɔ Dɛmɛliba lanala waate min nɔ ka bɔ ǹ Fa fɛ, Nii Sɛnɛyanin koni min yi tuɲa lankɛnɛmayala, wo le kɛtɔ seleya dila ka bɛn m̀ ma.

Yohana 16:8

A do vɛ nala, a kɛtɔ dunuɲamɔɔlu ya filibandeya jiyala ai la ka bɛn julumbuko ma, ani telenmandeyako, ani kititɛɛko.

Yohana 7:39

Isa kan tɛɛ Nii Sɛnɛyanin ne ma, min ditɔ a malimaniyamɔɔlu ma. Wo waate lɔ, Nii Sɛnɛyanin tɛɛ ma di ba bene, kamasɔlɔn Isa tɛɛ ma magbiliyali sɔlɔn ba bene.

Kɛkolu 10:34

Wo lɔ, Piyɛli vɛ kumala, a vɛɛ: «Tuɲa le, m̀'ɛ a ɲaye butu ko Ala tɛ lafisayali kɛla.

Kɛkolu 2:33

Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.

Lɔmukalu 8:28

Mɔ do k'a lɔn ne ko, ko bɛ la yi banna a ɲuma le ma Ala kanundelu yɛ, minu kilinin ka bɛn aa kolatɛɛnin ma.

2 Kolɛntikalu 4:17

Ado m'i tɔlɔyani minu masɔlɔnna waateni kɔlɔ, wolu yi mɔ lɔbɛnna habadan magbiliyali le lɔ, min buɲanin ka timin tɔlɔya wolu la feu.