Yohana 16:3 - Ala Ya Salatikan Kula Kitabu

³ Ai kɛtɔ ko wo suu kɛla ài la kamasɔlɔn ai ma ǹ Fa lɔn, kumatɛ ǹe ma.

Yohana 16:3 ပူးပေါင်းရင်းမြစ်များ

Luka 10:22

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 15:21

Kɛɛ ai kɛtɔ ko wolu bɛ kɛla ài la ka bɛn ǹa ko le ma, kamasɔlɔn ai ma ǹ kelaba lɔn.

Yohana 15:23

Mɔɔ min vɛ ǹ lagbeyaɲɛla, wo tii yi ǹ Fa fana lagbeyaɲɛla.

Yohana 17:25

«Ǹ Fa telenmande, hali dunuɲa m'i lɔn, kɛɛ ǹe do k'i lɔn, ani mɔɔ minu fana v'a lɔn ko ile le na ǹ kelayala.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 8:19

Ai k'a maɲininga wo lɔ, ai vɛɛ: «I fa yi min ne?» Isa k'ai javi, a vɛɛ «Ài ma ǹ lɔn, kumatɛ ǹ Fa ma. Ni ài tɛɛ ka ǹ lɔn, ài tɛɛ ǹ Fa fana lɔnne.»

Yohana 8:55

Ài ma a lɔn, kɛɛ ǹe do ka a lɔn ne. Ni ǹ tɛɛ v'a fɔla m̀ ma a lɔn, ǹ tɛɛ kɛle ài ɲɔɔzii faɲafɔba dɔ le. Kɛɛ do, ǹ ka a lɔn ne, ado ǹ'a kumakan labatola.

Kɛkolu 3:17

«M̀ badenmalu, ǹ k'a lɔn ài na ko min kɛla Isa la kolɔnbaliya le boloma, àilu ni àiya ɲamɔɔlu.

1 Kolɛntikalu 2:8

Dunuɲa kuntii suu suu tɛɛ ma hangilimaya wo ɲaye. Niwotɛ, ai tɛɛ tɛnala mɔ Tii nɔɔlɔnin gbaanna kɔlɔman ma.

2 Tɛsalonikakalu 1:8

A do kɛtɔ nala taamɛnɛn ne ka Alalɔnbalilu jangata, ani mɔɔ minu yi kolobaliya kɛla mɔ Tii Isa ya Samakan Kein na.

1 Timote 1:13

Waate lɔ, ǹ tɛɛ a jɛvɛla ka aa mɔɔlu jangata kafaya boloma. Kɛɛ wo bɛ n'a kɛ, a na henandeya jiyala ǹ na, kamasɔlɔn ǹ tɛɛ ko suu wolu kɛla kolɔnbaliya ni limaniyabaliya le lɔ.

1 Yohana 2:23

Mɔɔ min n'i banna Denkɛ lɔ, wo tii tɛ a Fa ta le. Ni do mɔɔ min k'a bolo sii Denkɛ kɔlɔ, wo tii fana y'a Fa ta le le.

1 Yohana 3:1

Ài y'a ye mɔ Fa na mɔ kanula teme, haan fɔɔ ai y'a fɔla mɔ ma ko Ala dennu. Mɔ gbu do yi wo le le! Dailu min na kɛla dunuɲa ma mɔ lɔn, wo le, dunuɲa ma Ala lɔn.

1 Yohana 4:8

Kɛɛ kanundeya tɛ mɔɔ min josokun nɔ, wo tii ma Ala lɔn, kamasɔlɔn Ala yi kanundeya le le.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.