Yohana 16:13 - Ala Ya Salatikan Kula Kitabu

¹³ Kɛɛ Nii Sɛnɛyanin vɛ nala, min yi tuɲa lankɛnɛmayala, ale le kɛtɔ tuɲa bɛ jiyala ài la. A do tɛnala kumala a jɛlɛkanu ya seetiiya lɔ, kɛɛ a vɛ ko ko si mɛnna, a kɛtɔ wo le fɔla, ani ka ko natɔlu lase ài ma.

Yohana 16:13 ပူးပေါင်းရင်းမြစ်များ

Yohana 12:49

Kamasɔlɔn m̀ ma kuma ǹe gbu ya seetiiya lɔ, kɛɛ ǹ Fa min na ǹ kelayala, wo gbu le na ǹ jamalila kuma minu fɔko lɔ.

Yohana 14:17

Nii Sɛnɛyanin koni, min yi tuɲa lankɛnɛmayala. Dunuɲa tɛ se wo sɔlɔnna, kamasɔlɔn a tɛ se a yena, kumatɛ k'a lɔn. Kɛɛ àilu k'a lɔn ne, kamasɔlɔn a ài fɛ, ani a kɛtɔ ài josokun nɔ.

Yohana 14:26

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 15:26

«Ǹ kɛtɔ Dɛmɛliba lanala waate min nɔ ka bɔ ǹ Fa fɛ, Nii Sɛnɛyanin koni min yi tuɲa lankɛnɛmayala, wo le kɛtɔ seleya dila ka bɛn m̀ ma.

Yohana 16:12

«Ko siyama le yi ǹ fɛ bene k'a fɔ ài yɛ, kɛɛ ài tɛ se wolu manɔla yi ne.

Yohana 3:32

A na min yena ani k'a mɛn, a yi wo le seleya dila, kɛɛ mɔɔ foi tɛ a bolo siila aa seleyakan kɔlɔ.

Yohana 8:38

Ǹ na ko min yena ǹ Fa fɛlɔ, ǹ'i wo le fɔla. Àilu do na min mɛnna ài fa da, ài yi wo le kɛla.»

Kɛkolu 11:28

Ai lɔ mɔɔ kelen min tɔɔ tɛɛ ko Agabusi, wo k'i lɔ ka kuma Nii Sɛnɛyanin sabu la k'a fɔ ko kɔɔn fitina kɛtɔ donna dunuɲa fan bɛ lɔ. Kelayakuma wo ma ka fa Lɔmu masakɛ ba Kulodi ya waate lɔ.

Kɛkolu 20:23

Kɛɛ ǹ ka min lɔn, wo le ne: Nii Sɛnɛyanin yi ǹ lalɔnnila ko kaso ni gbalokolu yi m̀ makɔnɔna so bɛ la.

Kɛkolu 27:24

A vɛɛ ǹ yɛ: ‹Pɔli, i kà siyan. Fɔ i lɔ masakɛba Sezale ɲakɔlɔ. Mɔɔ minu bɛ y'i fɛ kulun kɔnɔ, wolu bɛ kɛtɔ kisila ka bɛn Ala ya nɛɛma le ma.›

2 Tɛsalonikakalu 2:12

ka wo kɛ ai bɛ latɔn sabu le, ailu minu ma la tuɲa la, mafɔ ka telenbaliyako ladiyaɲɛ.

2 Tɛsalonikakalu 2:3

Ài kà diɲa mɔɔ foi y'ài manɛɛ boloɲa suu suu ma, kamasɔlɔn wo lon tɛnala sena haan fɔɔ mɔɔ siyama vɛ mulutula Ala kanma bene, ani seliya tiɲaba la vɛ nkɛnɛmayala, min kɛtɔ halakila Ala bolo.

Hebululu 1:1

Kɔlɔkɔlɔ le, Ala ka kuma mɔ bemanu yɛ kelalu lɔ boloɲa siyama ma ani siɲa siyama le.

1 Yohana 2:20

Kɛɛ àilu koni vɛ Nii Sɛnɛyanin sɔlɔn, Ala ya Mɔɔ Sɛnɛyanin na min lajiila ài kɔkan, wo ma, ài bɛ ka tuɲa lɔn.

1 Yohana 2:27

Wo bɛ n'a kɛ, Masa Tɔɔmasenin n'ài sɔla a Nii Sɛnɛyanin min sɔ, wo le tonin ài fɛ. Ài mako tɛ kalanmɔɔ la, kamasɔlɔn Nii Sɛnɛyanin gbu y'ài kalanna ko bɛ la. Aa kalan do yi tuɲa le le, faɲa t'a lɔ. Wo le y'a ma, ài yi to aa kafonɲɔɔya lɔ iwo Nii Sɛnɛyanin n'ài kalanna teme.

1 Yohana 4:6

Ǹu koni yi Ala ta le le. Mɔɔ min ka Ala lɔn, wo tii y'a tolomalɔla mɔ la. Kɛɛ do, mɔɔ min tɛ Ala ta le, wo tii t'a tolomalɔla mɔ la. Nii Sɛnɛyanin min yi tuɲa lankɛnɛmayala, m'i wo ni faɲafɔ nii wotɛbɔ lɔnna teme, wo le ve.

1 Yohana 5:6

Masa Tɔɔmasenin Isa le nanin ji ni jeli fɛ. A ma na ji kelen fɛ, mafɔ ji ni jeli. Nii Sɛnɛyanin ne yi wo seleya dila, kamasɔlɔn Nii Sɛnɛyanin ne tuɲa le.

Ko Lankɛnɛmayanin 1:1

Ko minu lankɛnɛmayanin Masa Tɔɔmasenin Isa bolo, wolu le ne. Ala na minu dila a ma, ko a ai jiya aa bɔidennu la ka bɛn ko minu natɔ kɛla jona. Isa na aa mɛlɛka lanala ǹe aa bɔiden Yohana le ma, ka ǹ lalɔnni ko wolu la.

Ko Lankɛnɛmayanin 1:19

Wo ma yi ne, i na ko minu yena, ani ko minu yi kɛla yi ne, ani ko minu natɔ kɛla kɔfɛ, i yi wolu bɛ sɛvɛ.