Yohana 15:5 - Ala Ya Salatikan Kula Kitabu

⁵ «Ǹe le lɛzɛnju le, àilu le do y'a bolo le. Ni mɔɔ min kafonnin ka to ǹ kan ani ǹe fana kafonnin ka to a kan, wo tii le kɛtɔ a denna kosɛvɛ, kamasɔlɔn ni ǹe tɛ ài fɛ, ài tɛ se foi kɛla.

Yohana 15:5 ပူးပေါင်းရင်းမြစ်များ

Matiyu 13:21

Kɛɛ kuma wo lilen tɛ donna ka jaanfa ai josokun nɔ, a do tɛ tola ai kɔnɔ. Gbeleya vɛ ai masɔlɔnna, niwotɛ mɔɔlu vɛ ai tɔlɔyala ka bɛn Ala kumakan ma, ai yi limaniya siya bilala telemanin.

Yohana 12:24

Ǹ'i tuɲa fɔ ài yɛ, ni malo kama kelen ma sɛnɛ duu lɔ ka tunun, ale kelen ne totɔ. Kɛɛ ni a ka tunun duu lɔ, a yi fɛlɛnne ka sawati bɛlɛbɛlɛ kɛ.

Yohana 15:16

Àilu ma ǹe ta, kɛɛ ǹe le n'ài tala ka ài kelaya, fɔsa ài yi taa ài den siyama kɛ minu yi mɛnna. Wo vɛ kɛla, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 5:19

Wo lɔ, Isa k'a fɔ ai yɛ, a vɛɛ: «Ǹ'i tuɲa fɔ ài yɛ, Denkɛ tɛ se foi kɛla a jɛlɛ ma, mafɔ a v'a Fa yena min kɛla dein. Kamasɔlɔn Fa yi ko ko si kɛla, a Denkɛ fana yi wo ɲɔɔzii le kɛla.

Yohana 9:33

Ni kɛ́ min tɛɛ ma bɔ Ala fɛlɔ, a tɛɛ tɛ se foi kɛla.»

Kɛkolu 4:12

Mɔɔlu tɛ se kisila boloɲa gbɛlɛ ma, fɔ ale kelenpesa, kamasɔlɔn Ala ma tɔɔ gbɛlɛ fɔ adamadennu yɛ dunuɲa, m'i kisi min fɛ.»

Lɔmukalu 12:5

Wo boloɲa kelen ma, hali ǹu limaniyamɔɔlu walanin ka kɛ, mɔ bɛ yi falikolo kelen ne le Masa Tɔɔmasenin ya kafonɲɔɔya lɔ, ado mɔ kelenkelenna bɛ fasanin i ɲɔɔ ma falikolo kelen ne lɔ.

Lɔmukalu 6:22

Kɛɛ komi ài la vɛ fɛlɛ ka bɔ julumbu lɔ k'ài kɛ Ala ya jɔn ne butu, ài yi nafa min sɔlɔnna, wo le sɛnɛyali le min laban yi niimaya banbali le.

Lɔmukalu 7:4

M̀ badenmalu, wo boloɲa kelen ma, àilu gbu vɛ sa seliya ta fannɔ ka bɛn maa kafonɲɔɔya ma Masa Tɔɔmasenin falikolo kɔkan, fɔsa ài yi kɛ a dɔgbɛlɛ ta le, min lawulinin ka bɔ saya lɔ, fɔsa mɔ la yi sawati Ala yɛ.

1 Kolɛntikalu 10:16

M'i balika bɔla Ala yɛ duwawu jiyafɛ min ya ko lɔ, mɔ vɛ kɛla mɔ minna wo lɔ, jalasa wo tɛ mɔ dɛnko le le Masa Tɔɔmasenin jeli la? M'i bulu min lɔkalikalila, mɔ vɛ kɛla wo dɔnna, jalasa wo tɛ mɔ dɛnko le le Masa Tɔɔmasenin falikolo la?

1 Kolɛntikalu 12:12

Fan siyama le yi mɔɔ falikolo ma, wo bɛ n'a kɛ, ai bɛ lakunnin kɛnin falikolo kelen ne le, hali ai walanin ka kɛ. Masa Tɔɔmasenin fana yi wo boloɲa kelen ne ma.

1 Kolɛntikalu 12:27

Masa Tɔɔmasenin falikolo le ài le, ado ài kelenkelenna bɛ y'a fan dɔ le le.

2 Kolɛntikalu 13:8

Kamasɔlɔn see tɛ mɔ yɛ ka Ala ya tuɲa dansii, mafɔ m'i baale kɛ tuɲa wo yɛ.

2 Kolɛntikalu 9:10

Wo lɔ saa, Ala min yi sɛnɛfensi dila sɛnɛkɛba ma, ka bulu di a ma a balo le, ale le kɛtɔ àiya sɛnɛfensi lawalala, k'ài kɛkolu lasawati minu bɔnin àiya telenmandeya lɔ.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Ɛfɛsikalu 5:9

Kamasɔlɔn ɲumaya ni telenmandeya ni tuɲandeya suu bɛ yi nala kɛnɛya le fɛ.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 4:13

Ǹ'i sene ko bɛ dɔ kɛla mɔ Tii sabu la min yi fanga dila m̀ ma.

Filipikalu 4:17

A tɛ k'a fɔ ko ǹ'i samalifen le ɲininna yi ne, mafɔ ǹ'a fɛ a dɔ le yi la àiya koɲuma sala kɔkan.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

Kɔlɔsikalu 1:6

Samakan Kein min yi jɛzɛn kan ka jili dunuɲa fan bɛ lɔ, iwo a na kɛla ài tɛma teme, ka ta ài na wo mɛnna lon min na kunfɔlɔ le ka Ala ya nɛɛma ko ɲaye bɛlɛbɛlɛ kɛ.

Janguba 1:17

Fen ɲuma ni sɔlifen dafanin suu bɛ yi bɔla Fa Ala le fɛlɔ sanma, min na sangbolokɔnɔ mɛnɛnfennu ladanna. A tɛ jɛlɛmana ka bɔ a kɛɲa ma, ado aa kɛnɛya tɛ se nɔla divi bolo.

1 Piyɛli 2:4

Ài y'ài madon mɔ Tii la, min kɛnin kawakulun niima le, adamadennu k'i ban min nɔ, kɛɛ Ala n'a tala k'a kulugbeleya a ɲakɔlɔ.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.