Yohana 15:16 - Ala Ya Salatikan Kula Kitabu

¹⁶ Àilu ma ǹe ta, kɛɛ ǹe le n'ài tala ka ài kelaya, fɔsa ài yi taa ài den siyama kɛ minu yi mɛnna. Wo vɛ kɛla, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 15:16 ပူးပေါင်းရင်းမြစ်များ

Matiyu 21:22

Ni ài ka ko ko dali Ala la limaniya boloma, ài yi wo sɔlɔnne.»

Matiyu 7:7

«Ài yi daili kɛ, ài do y'a sɔlɔnne. Ài y'a ɲinin, ài do y'a yene. Ài yi da makɔnkɔn, da do la yi kale ài yɛ.

Luka 6:13

Kɛnɛ bɔnin, a k'a kɔbiladennu kili ka mɔɔ tan ni fila (12) ta ai lɔ k'a fɔ ai ma ko keladennu:

Yohana 13:18

«Ǹ kan tɛ ài bɛ ma dɛ! Ǹ na mɔɔ minu tala, ǹ ka wolu lɔn. Kɛɛ min sɛvɛnin kitabu kɔnɔ, fɔ wo ma yi fa, ko: ‹Ǹe ni mɔɔ min na dɔnni kɛla tasa kelen nɔ, wo v'a jɛlɛ kɛ ǹ juu le.›

Yohana 15:19

Ni do ài tɛɛ kɛ dunuɲa ta le, a tɛɛ ài kanule iwo a ta. Kɛɛ ài tɛ dunuɲa ta le, kamasɔlɔn ǹ n'ài tala k'ài bɔ a bolo. Wo le n'a kɛla, àiya ko gbeyanin dunuɲa yɛ.

Yohana 15:5

«Ǹe le lɛzɛnju le, àilu le do y'a bolo le. Ni mɔɔ min kafonnin ka to ǹ kan ani ǹe fana kafonnin ka to a kan, wo tii le kɛtɔ a denna kosɛvɛ, kamasɔlɔn ni ǹe tɛ ài fɛ, ài tɛ se foi kɛla.

Yohana 6:70

Isa do k'ai javi, a vɛɛ: «Ǹe gbu le n'ài mɔɔ tan ni fila (12) tala, kɛlɛ? Kɛɛ ài lɔ mɔɔ kelen yi Soitana den ne le.»

Kɛkolu 1:24

Ai bɛ vɛ Ala dalila, ai vɛɛ: «Mɔ Tii, ile le ka mɔɔ bɛ josokun lɔn. I na min tala mɔɔ fila minu lɔ, i yi wo jiya mɔ la.

Kɛkolu 1:8

Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

Kɛkolu 10:41

Kɛɛ mɔɔ bɛ m'a ye, mafɔ Ala na ǹu minu tala ka mɔ kɛ sele le, ǹu minu na dɔnni kɛla ani k'i min a fɛ a lawuli kɔ ka bɔ saya lɔ.

Kɛkolu 22:14

A do vɛɛ ǹ yɛ: ‹Mɔ bemanu Tii Ala na i tala, fɔsa i y'a sawo lɔn, ka aa Mɔɔ Telennin ye, ani k'a dalakan mɛn.

Kɛkolu 9:15

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

Lɔmukalu 1:13

M̀ badenmalu, ǹ'a fɛ ài y'a lɔn ko m̀'ɛ a latɛɛ siɲa siyama le ko ǹ natɔ ài fɛlɔ, kɛɛ m̀ ma siya sɔlɔn ba bene hali bi. Ǹ'a fɛ ǹ'i na fɔsa àilu fana yi ǹa baale nafa dɔ sɔlɔn, iwo siboloma gbɛlɛ mɔɔ tɔlu na a nafa sɔlɔnna teme.

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 15:4

Ko minu bɛ sɛvɛnin kɔlɔkɔlɔ le, wolu sɛvɛnin mɔ kalanko le lɔ, fɔsa m'i jeisii sɔlɔn ka bɛn sawali ni sɛmɛdonko ma, lɔhɔlɔma kitabulu yi minu dila mɔ ma.

Lɔmukalu 9:21

Bɔɔ yi daaladanba ta le le, kɛlɛ? A jo le k'a fɔ ko a yi wo bɔɔ kelen ta ka daa kein ladan a le, ani k'a dɔgbɛlɛ ladan daa jɛlɛla le, kɛlɛ?

1 Kolɛntikalu 10:11

Ko minu na kɛla ai la, wolu kɛnin misali le le k'ai sɛvɛ mɔ laliko lɔ, ǹu minu yi waate laban min nɔ.

Galatiyakalu 1:15

Kɛɛ jani m̀ woloba ɲuma tɛɛ jii ǹ ne, Ala na m̀ bilala ǹ ta fan ka ǹ kili aa bɔidenya kanma ka bɛn aa nɛɛma ma. Waate lɔ, a ka diya Ala yɛ

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:6

Samakan Kein min yi jɛzɛn kan ka jili dunuɲa fan bɛ lɔ, iwo a na kɛla ài tɛma teme, ka ta ài na wo mɛnna lon min na kunfɔlɔ le ka Ala ya nɛɛma ko ɲaye bɛlɛbɛlɛ kɛ.

1 Timote 2:7

Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

2 Timote 1:11

Ala na ǹ lɔla ka ǹ kɛ Samakan Kein min kawanilikɛba le le, ani keladen, ani kalanmɔɔ.

2 Timote 2:2

I na kuma minu mɛnna ǹ da sele siyama ɲakɔlɔ, i yi wolu kalifa mɔɔ sɔvɛlu la, minu yi se ka dɔlu fana kalan.

Tite 1:5

Ǹ na i tola Kɛlɛti kɔɔtɛmaduu lɔ fɔsa i yi ko tɔlu ɲabɔ, ani i yi ɲamɔɔlu lasii limaniyajamalu kunna so kelenkelenna bɛ la, iwo ǹ n'i lɔla a la teme.

Hebululu 11:4

Habila ya limaniya le na kɛla sabu le, a ka salaka bɔ min ka diya Ala yɛ ka timin Kabila ta la. Aa limaniya ka kɛ sabu le, a ka tanuli sɔlɔn k'a jate telenmande le, kamasɔlɔn Ala k'a bolo sii aa salaka kɔlɔ. Ado ka bɛn aa limaniya ma, hali a sanin ka kɛ, a yi kumala hali bi.

Janguba 3:18

Mɔɔ minu yi baale kɛla josolajii lɔ ka josolajii ladon mɔɔlu wotɛ, baale wo tɔnɔ yi telenmandeya le le.

1 Piyɛli 3:15

Kɛɛ fɔ ài yi Masa Tɔɔmasenin buɲa ài josokun nɔ iwo ài Tii, k'ài lɔbɛnnin to waate bɛ ài kumanɔbɔko lɔ, ni mɔɔ mɔɔ si k'ài maɲininga ài jeisii ma min y'ài josokun nɔ.

1 Piyɛli 3:2

ai vɛ ài taamaɲa yena sɛnɛyali ni mabuɲali boloma.

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

1 Yohana 4:19

Ǹu koni yi kanundeya kɛla, kamasɔlɔn Ala le na mɔ kanula kunfɔlɔ le.