Yohana 15:15 - Ala Ya Salatikan Kula Kitabu

¹⁵ Ǹ tɛnala a fɔla ài ma butu bɔidennu, kamasɔlɔn bɔiden m'a lɔn aa kuntii yi min na. Kɛɛ ǹ'a fɔla ài ma ǹ tɔvalu, kamasɔlɔn ǹ Fa na minu fɔla ǹ yɛ, m̀'ɛ wo bɛ lase ài ma.

Yohana 15:15 ပူးပေါင်းရင်းမြစ်များ

Matiyu 13:11

Isa k'ai javi, a vɛɛ: «Haijɛnɛ masaya gbonolu lɔnni vɛ di àilu ma, kɛɛ a ma di a dɔlu ma.

Luka 10:23

Wo fɔ Isa bolo, a k'i ɲa tilimin ka kuma a kɔbiladennu yɛ ai ta fan, a vɛɛ: «Mɔɔ minu ɲa yi ko minu yena, wolu yi duwawuden ne le,

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Yohana 13:16

Ǹ'i tuɲa fɔ ài yɛ, jɔn tɛ buɲa sɔlɔnna ka timin aa jɔnfa la. Keladen fana tɛ buɲa sɔlɔnna ka timin a kelaba la.

Yohana 15:20

Ǹ na min fɔla ài yɛ kɔlɔkɔlɔ le, ài hangili yi to wo lɔ, ǹ ko: ‹Jɔn tɛ buɲa sɔlɔnna ka timin aa jɔnfa la.› Ni ai na ǹ jangatala, ai kɛtɔ àilu fana jangatala. Kɛɛ ni ai na ǹ kumakannu labatola, ai kɛtɔ ài kumakannu labatola fana.

Yohana 16:12

«Ko siyama le yi ǹ fɛ bene k'a fɔ ài yɛ, kɛɛ ài tɛ se wolu manɔla yi ne.

Yohana 17:26

M̀'ɛ ai lalɔnni i tɔɔ la, ǹe do totɔ ai lalɔnnila i tɔɔ la kudein, fɔsa i na ǹ kanula teme, wo kanundeya yi kɛ ai lɔ, ani ǹ kafonnin yi to ai kan.»

Yohana 20:17

Isa do vɛɛ a yɛ: «I k'i fasa m̀ ma, kamasɔlɔn m̀ ma jɛlɛ ba bene ka taa ǹ Fa fɛlɔ. Kɛɛ fɔ i yi taa a fɔ m̀ badenmalu yɛ ko ǹ jɛlɛtɔle ka taa ǹe ni ailu Fa fɛlɔ, min taanin kɛla ǹe ni ailu Tii le.»

Yohana 4:19

Moso do vɛɛ: «Ǹ Kuntii, m̀'ɛ a ɲaye butu ko kela le i le.

Yohana 8:26

Ko siyama yi m̀ bolo k'a fɔ ài yɛ ka bɛn àiya kititɛɛko ma, kɛɛ ǹ kelaba le tuɲande le. Ǹ na min mɛnna a da, ǹ'i wo le lasena dunuɲa ma.»

Kɛkolu 20:27

Kamasɔlɔn m̀'ɛ Ala ya kolatɛɛnin bɛ fɔ ài yɛ, m̀ ma a suu suu doon ài ma.

Lɔmukalu 7:15

Kamasɔlɔn ǹ'i min kɛla, ǹ tɛ wo ɲayena. Ǹ'a fɛ ǹ'i min kɛ, ǹ tɛ wo kɛla. Mafɔ, ko min gbeyanin ǹ yɛ, ǹ'i wo gbugbu le kɛla.

1 Kolɛntikalu 2:16

A do sɛvɛnin kitabu kɔnɔ tan ne, ko: «Jene ka mɔ Tii miliya lɔn, k'a fɔ ko a yi sene k'a lali?» Kɛɛ ǹu koni, Masa Tɔɔmasenin miliya le yi mɔ la.

Galatiyakalu 4:6

Komi Ala den ne ài le, wo lɔ, a na a Denkɛ Nii lajiila ka don mɔ josokun nɔ. Nii wo le y'a kɛla, m'i Ala kilila, mɔ vɛɛ: «Mɔ Fa!»

Ɛfɛsikalu 1:9

ka mɔ lalɔnni aa kojatesii doonnin na, a tɛɛ vɛ min latɛɛ ka bɛn Masa Tɔɔmasenin ma kɔlɔkɔlɔ le.

Ɛfɛsikalu 3:5

Wo do la ma nkɛnɛmaya adamaden timinninu yɛ, iwo a la vɛ lankɛnɛmaya teme butu aa lɔhɔlɔma keladennu ni kelalu yɛ Nii Sɛnɛyanin sabu la.

Kɔlɔsikalu 1:26

Wo do kɛnin Ala ya gbonoko le le, a tɛɛ vɛ min doon mɔɔ timinninu ma waate jaan kɔlɔ, kɛɛ tandainɔ a vɛ wo lankɛnɛmaya aa mumininnu yɛ.

Filemɔn 1:16

A do tɛ jɔn jɛlɛla le butu, kɛɛ a vɛ timin wo la ka kɛ mɔ diyanan badenma le, ǹ ta fannɔ bɛlɛbɛlɛ le, kɛɛ i ta timintɔle ǹ ta la mɔɔnivinya boloma, ani mɔ Tii ya kafonɲɔɔya lɔ fana.

Janguba 1:1

Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.

Janguba 2:23

Wo boloɲa le ma, kitabu kɔnɔlɔ kuma ma ka fa, ko: «Ibulahima ka limaniya Ala ma, ado Ala ka a jate telenmande le.» K'a dɔ la wo kɔkan, Ala k'a fɔ Ibulahima ma ko: «Ǹ tɔva.»

1 Piyɛli 1:11

Ai tɛɛ ai lɔjala k'a lɔn ko wolu kɛtɔ kɛla waate min nɔ, ani ai kɛtɔ ɲa min ma, Masa Tɔɔmasenin Nii sabu la min tɛɛ ai josokun nɔ. Kamasɔlɔn wo tɛɛ seleya dila ka bɛn ko minu ma jani ai kɛ waate tɛɛ se, a vɛ ai lalɔnnila ka bɛn Masa Tɔɔmasenin ya tɔlɔya ni aa magbiliyali natɔlu ma.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.

Ko Lankɛnɛmayanin 1:1

Ko minu lankɛnɛmayanin Masa Tɔɔmasenin Isa bolo, wolu le ne. Ala na minu dila a ma, ko a ai jiya aa bɔidennu la ka bɛn ko minu natɔ kɛla jona. Isa na aa mɛlɛka lanala ǹe aa bɔiden Yohana le ma, ka ǹ lalɔnni ko wolu la.