Yohana 14:6 - Ala Ya Salatikan Kula Kitabu

⁶ Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 14:6 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 1:17

Kamasɔlɔn seliya dinin Nabi Musa le sabu la, kɛɛ nɛɛma ni tuɲandeya nanin Masa Tɔɔmasenin Isa le sabu la.

Yohana 1:4

Niimaya yi sɔlɔnna ale le fɛ, ado niimaya wo na kɛla kɛnɛya le adamadennu yɛ.

Yohana 10:28

Ǹ'i niimaya banbali dila ai ma, ai do tɛnala halakila tuun, ado mɔɔ foi tɛnala sena ai jasola m̀ bolo.

Yohana 10:7

Wo lɔ, Isa vɛɛ ai yɛ kɔtunun: «Ǹ'i tuɲa fɔ ài yɛ, ǹe le saa wɛlɛ donda le.

Yohana 10:9

Ǹe le donda le. Ni mɔɔ mɔɔ vɛ donna ǹ fɛ, wo tii kisitɔle. A do kɛtɔ don ni bɔ kɛla ka dɔnnikɛya sɔlɔn.

Yohana 14:19

A lɔ tɛnala mɛnna, dunuɲa tɛnala ǹ yena butu. Kɛɛ àilu kɛtɔ ǹ yena kɔtunun. Komi ǹ'i ǹ nii la, wo lɔ, àilu fana kɛtɔ niimaya kɛla.

Yohana 15:1

Isa vɛɛ: «Ǹe le lɛzɛnju bɛlɛbɛlɛ le, ǹ Fa le do yi gbelekunnasiiba le.

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

Yohana 5:21

Kamasɔlɔn Fa yi fulenilu lawulila ka niimaya di ai ma teme, wo boloɲa kelen ma, a Denkɛ yi niimaya dila mɔɔlu ma, minu vɛ a diyala.

Yohana 6:33

Kamasɔlɔn min jiinin ka bɔ haijɛnɛ, ale le Ala ya bulu le, wo le do yi niimaya dila dunuɲa ma.»

Yohana 6:51

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Yohana 6:57

Ǹ kelayanin Ɲɛnɛmayatii Fa bolo ka niimaya sɔlɔn teme a sabu la, ni mɔɔ mɔɔ si ka balo ǹ falikolo la, wo tii kɛtɔ niimaya sɔlɔnna ten ne ǹ sabu la.

Yohana 6:68

Simɔn Piyɛli k'a javi, a vɛɛ: «Ǹ Kuntii, m'i taa jene kɔ ni ile tɛ? Niimaya banbali kumalu yi ile le bolo.

Yohana 8:32

Ài kɛtɔ tuɲa lɔnna, ado tuɲa kɛtɔ ài lafɛlɛla.»

Yohana 8:51

Ǹ'i tuɲa fɔ ài yɛ, ni mɔɔ min ka ǹ kumakan labato, wo tii tɛnala saya masɔlɔnna tuun.»

Kɛkolu 3:15

Min yi niimayadiba le, ài na wo le faala, kɛɛ Ala n'a lawulila ka bɔ saya lɔ. Mɔ do vɛ kɛ wo sele le.

Kɛkolu 4:12

Mɔɔlu tɛ se kisila boloɲa gbɛlɛ ma, fɔ ale kelenpesa, kamasɔlɔn Ala ma tɔɔ gbɛlɛ fɔ adamadennu yɛ dunuɲa, m'i kisi min fɛ.»

Kɛkolu 9:2

k'a maɲininga sɛvɛli dɔlu ma, fɔsa a yi taa wolu jiya Aladalibon ɲamɔɔlu la Damase so kɔnɔ. Wo lɔ saa, ni a tɛɛ ka kɛ́ ni moso dɔlu ye je, minu tɛɛ Isa ya siya kɔkan, a tɛɛ wolu minale ka na ai silinin ne Jelusalɛmu.

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

Lɔmukalu 5:2

Ka bɛn Isa ma, mɔ fɛ vɛ kɛ nɛɛma min sɔlɔnko la limaniya sabu la, m'i nɛɛma min nɔ yi ne. Ado m'i sawala, kamasɔlɔn mɔ jei siinin Ala ya magbiliyali sɔlɔnko le la.

Lɔmukalu 5:21

Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

1 Kolɛntikalu 15:45

Wo le n'a kɛla, a sɛvɛnin kitabu kɔnɔ, ko: «Mɔɔ kunfɔlɔ, min taanin kɛla Adama le, wo ka kɛ niimafen ne.» Kɛɛ Adama laban ka kɛ Nii le le, min yi niimaya dila.

Ɛfɛsikalu 2:18

Kamasɔlɔn Isa sabu la, ǹu mɔɔ suu fila bɛ yi sena mɔ madonna mɔ Fa Ala la ka bɛn Nii Sɛnɛyanin kelen wo le ma.

Kɔlɔsikalu 2:17

Wo bɛ yi ko natɔlu maduulen ne le dein, kɛɛ a bɛlɛbɛlɛ yi Masa Tɔɔmasenin ne le.

Kɔlɔsikalu 2:9

Kamasɔlɔn Ala kɛɲa dafanin sawatinin Masa Tɔɔmasenin falikolo le lɔ.

Kɔlɔsikalu 3:4

Masa Tɔɔmasenin min kɛnin àiya niimaya le, wo la vɛ nkɛnɛmayala lon min na, àilu fana nɔɔlɔnin lankɛnɛmayatɔ a fɛ.

Hebululu 7:25

Wo le y'a ma, a yi sene mɔɔlu lakisila feu, minu yi timinna ale fɛ k'i madon Ala la, kamasɔlɔn a a nii la kudein k'ai masolonali mina Ala ma.

Hebululu 9:8

Nii Sɛnɛyanin y'a lagbɛla ko minu fɛ, ko siya tɛɛ ma jiya ba ka don Lɔhɔlɔma Dingila Bɛlɛbɛlɛ kɔnɔ, damanda Lɔhɔlɔma Gbaa kunfɔlɔ tɛɛ lɔnin bene.

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

1 Piyɛli 2:4

Ài y'ài madon mɔ Tii la, min kɛnin kawakulun niima le, adamadennu k'i ban min nɔ, kɛɛ Ala n'a tala k'a kulugbeleya a ɲakɔlɔ.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 1:8

Ni mɔ k'a fɔ ko julumbu tɛ mɔ ma, m'i mɔ jɛlɛkanu le manɛɛla, ado tuɲa tɛ mɔ josokun nɔ.

1 Yohana 2:23

Mɔɔ min n'i banna Denkɛ lɔ, wo tii tɛ a Fa ta le. Ni do mɔɔ min k'a bolo sii Denkɛ kɔlɔ, wo tii fana y'a Fa ta le le.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

1 Yohana 5:6

Masa Tɔɔmasenin Isa le nanin ji ni jeli fɛ. A ma na ji kelen fɛ, mafɔ ji ni jeli. Nii Sɛnɛyanin ne yi wo seleya dila, kamasɔlɔn Nii Sɛnɛyanin ne tuɲa le.

2 Yohana 1:9

Ni mɔɔ mɔɔ ka taa a kunfɛ, a ma to Masa Tɔɔmasenin ya kalan kɔkan, wo vɛ kɛla, wo tii tɛ Ala ta le. Kɛɛ do, ni mɔɔ min ka to Masa Tɔɔmasenin ya kalan kɔkan, wo tii yi mɔ Fa ni a Denkɛ ta le le.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.

Ko Lankɛnɛmayanin 19:11

Ǹ ka to kolasaala, ǹ ka sangbolo dakanin ye, soo gbɛ ka bɔ gbɛ la. A labɔliba min siinin tɛɛ a kɔkan, ai y'a fɔla min ma ko Lanande ani Tuɲande. A do yi kolatɔn kɛla ani ka kɛlɛ kɛ telenmandeya boloma.

Ko Lankɛnɛmayanin 20:15

Ado mɔɔ mɔɔ tɔɔ sɛvɛnin tɛɛ ma talan niimaya kitabu kɔnɔ, wo tii la ka fili taa diɲa ba lɔ.

Ko Lankɛnɛmayanin 22:1

A laban nɔ, mɛlɛka ka kɔɔ dɔ jiya ǹ na min yi niimaya ji le. A lakɛnɛyanin tɛɛ iwo sani. Kɔɔ wo tɛɛ bɔla Ala ni Saa Bolan ya masayasiifen kɔlɔ,

Ko Lankɛnɛmayanin 22:17

Nii Sɛnɛyanin ni kɔɲɛmoso vɛɛ: «Na!» Mɔɔ min vɛ kuma minu mɛnna, wo tii y'a fɔ, a vɛɛ: «Na!» Ni minkɛlɔɔ ka kɛ mɔɔ min na, wo tii yi na. Ni mɔɔ min ka kɛ niimaya ji fɛ, wo tii y'a dɔ min, a tɛ sanna.

Ko Lankɛnɛmayanin 3:14

«A sɛvɛ k'a lataa limaniyajama ya mɛlɛka ma min yi Layodiseya so kɔnɔ, i vɛɛ: ‹A ye, min yi Amiina le le, min yi sele ɲuma bɛlɛbɛlɛ le, ani Ala ya dannifen bɛ jusii, wo kan ne min ne:

Ko Lankɛnɛmayanin 3:7

«A sɛvɛ k'a lataa limaniyajama ya mɛlɛka ma min yi Filadɛfiya so kɔnɔ, i vɛɛ: ‹A ye, min sɛnɛyanin, min yi tuɲande le, Masakɛ Dawuda ya koɲii yi min bolo, min vɛ da lakala, mɔɔ foi tɛ se a datuunna, ani min vɛ da latuunna, mɔɔ foi tɛ se a lakala, wo kan ne min ne: