Yohana 14:30 - Ala Ya Salatikan Kula Kitabu

³⁰ Ǹ tɛnala mɛnna kumala ài fɛ, kamasɔlɔn dunuɲa kuntii yi nala. See foi tɛ a yɛ ǹ kan,

Yohana 14:30 ပူးပေါင်းရင်းမြစ်များ

Luka 1:35

Mɛlɛka do k'a javi, a vɛɛ: «Nii Sɛnɛyanin jiitɔ i kan, ani Masa Taala ya seetiiya bilintɔ i kunna. Wo le y'a ma, i kɛtɔ lɔhɔlɔma den min sɔlɔnna, mɔɔlu kɛtɔ a fɔla a ma ko Ala Denkɛ.

Luka 22:53

Lon bɛ, ǹ tɛɛ ài fɛ lɔhɔlɔmabonba la, kɛɛ do, ài m'i lɔja ka m̀ mina je. Kɛɛ àiya waate le ne, ani divi ya seesɔlɔn waate.»

Yohana 12:31

Tandainɔ yi ne, dunuɲa kititɛɛ waate vɛ se, ado dunuɲa kuntii gbɛntɔle butu.

Kɛkolu 1:3

Aa tɔlɔya kɔ, a ɲɛnɛma ka bɔ gbɛ la ai ɲana boloɲa siyama ma, ani k'a jɛlɛ jiya ai la tele binaani (40) kɔlɔ, ka kuma ka bɛn Ala ya masaya ma.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

Ɛfɛsikalu 2:2

ài tɛɛ taamana minu ya siya kɔkan. Wo waate lɔ, ài tɛɛ kuntii kɛwon kɔ, min yi sanfɛ fangatiilu lamalala, ado nii kɛwon kelen wo le yi mɔɔlu labaalela minu tɛ Ala kumakan labatola.

Ɛfɛsikalu 6:12

Kamasɔlɔn maa kɛlɛ tɛ adamadennu kanma, kɛɛ a yi kuntiilu ni seetiilu le kanma, ani fanga yi minu bolo dunuɲa divi min nɔ, ani fangatii yenbali minu siinin sangbolo dingilalu lɔ koyonkɛ kanma.

Kɔlɔsikalu 1:13

Ale le na mɔ lakisila ka mɔ bɔ divi ya seetiiya kɔlɔ ka mɔ ladon a diyanan Denkɛ ya masaya lɔ,

Hebululu 4:15

Kamasɔlɔn salakalase kuntiiba min tɛ se henala mɔ la maa fangandanya lɔ, wo suu tɛ mɔ bolo, mafɔ maa salakalase kuntiiba fana ma vɛ nɛɛ boloɲa suu bɛ dɔ ma iwo ǹu, kɛɛ a do ma julumbu ta.

Hebululu 7:26

Salakalase kuntiiba min ne bɛnnin mɔ ma feu! A sɛnɛyayine, fɛɛ suu suu tɛ a la, kumatɛ kɔsɔ ma. A majaanyine julumbutɔlu la, k'a kɔlɔta haan fɔɔ ka timin sangbolo dan bɛ la poon.

1 Piyɛli 1:19

mafɔ Masa Tɔɔmasenin jeli kulugbɛlɛn min kɛnin iwo saa bolan salaka, fɛɛ tɛ min na, kumatɛ kɔsɔ ma.

1 Piyɛli 2:22

A ma julumbu foi ta, ado janvakan foi ma bɔ a da.

1 Yohana 4:4

Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

1 Yohana 5:18

Mɔ k'a lɔn ne ko mɔɔ min vɛ sɔlɔn kula kɛ Ala bolo, wo tii tɛ tola julumbu tala, kamasɔlɔn Ala Denkɛ y'a lakanala, ado Soitana tɛ se foi kɛla a la.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.