Yohana 14:27 - Ala Ya Salatikan Kula Kitabu

²⁷ «Ǹ'i josolajii le tola ài bolo, ǹa josolajii, ǹ'i wo le donna ài bolo. Ǹ t'a dila ài ma iwo dunuɲa y'a dila teme. Ài joso kà tɔlɔ, ài do kà siyan.

Yohana 14:27 ပူးပေါင်းရင်းမြစ်များ

Matiyu 10:26

«Wo lɔ, ài kà siyan mɔɔ wolu ɲa. Ko doonnin suu suu tɛ je min la tɛnala nkɛnɛmayala, kumatɛ gbonoko ma min tɛnala lɔnna.

Luka 1:79

fɔsa mɔɔ minu siinin divi lɔ saya duulen kɔlɔ, kɛnɛya yi bɔ wolu yɛ, ani mɔ sen yi bila josolajii siya kɔkan.»

Luka 10:5

Ài vɛ donna bon suu suu la, ài y'a fɔ, ài vɛɛ: ‹Hɛlɛ yi kɛ bon min na.›

Luka 12:4

«Ǹ tɔvalu, ǹ'a fɔ ài yɛ, ài kà siyan mɔɔlu ɲa minu yi se mɔɔ falikolo faala dein, kɛɛ a see tɛ ai yɛ ka ko gbɛlɛ kɛ wo kɔ.

Luka 2:14

«Magbiliyali yi Ala yɛ sangbolo dingila kɔlɔtanin nɔ, ani josolajii yi kɛ duukolo kɔkan a diyananmɔɔlu yɛ.»

Yohana 14:1

Isa vɛɛ a kɔbiladennu yɛ: «Ài joso kà tɔlɔ. Ài yi limaniya Ala ma ka limaniya ǹe fana ma.

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Yohana 20:19

Wo lon kelen wula fɛ, min tɛɛ Lailon ne, Isa kɔbiladennu k'ai ladɛn bon dɔ la ka dalu sɔɔ, kamasɔlɔn ai tɛɛ siyanna Jahudiya kuntiilu ɲa. Wo kɛ, Isa ka na k'i lɔ ai tɛma k'a fɔ ai yɛ, a vɛɛ: «Hɛlɛ yi kɛ ài yɛ.»

Yohana 20:21

Isa do vɛɛ ai yɛ kɔtunun: «Hɛlɛ yi kɛ ài yɛ. Ǹ Fa na ǹ kelayala teme, ǹe fana y'ài kelayala ten ne.»

Yohana 20:26

Lɔɔtɛ kelen timinnin kɔ, Isa kɔbiladennu ladɛnnin ka to bon na kɔtunun, ado Tomasi fana tɛɛ je. Hali dalu sɔɔnin tɛɛ, kɛɛ Isa ka na k'i lɔ ai tɛma k'a fɔ ai yɛ, a vɛɛ: «Hɛlɛ yi kɛ ài yɛ.»

Kɛkolu 10:36

Àilu gbu k'a lɔn ko Ala ka Samakan Kein lase Bani Isilankalu ma, k'a fɔ ko josolajii yi sɔlɔnna Masa Tɔɔmasenin Isa le fɛ, min yi mɔɔ bɛ Tii le.

Kɛkolu 18:9

Lon dɔ su lɔ, mɔ Tii ka ko dɔ lajɛlɛ Pɔli ɲa ma, a do vɛɛ a yɛ: «I kà siyan, i yi to kumala. I do kà jeden,

Lɔmukalu 1:7

Àilu minu yi Lɔmu so kɔnɔ, Ala na minu kanula k'ài kili k'ài kɛ mumininnu le, ǹ'i lɛtɛlɛ min sɛvɛla ài bɛ le ma. Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.

Lɔmukalu 15:13

Ala min yi jeisii dila, wo y'ài josoladiya k'ài josolajii bɛlɛbɛlɛ kɛ àiya limaniya fɛ, fɔsa a dɔ yi to lala àiya jeisii kɔkan ka bɛn Nii Sɛnɛyanin ya seetiiya ma.

Lɔmukalu 5:1

Mɔ vɛ jate telenmande le Ala ɲakɔlɔ limaniya fɛ, wo lɔ, josolajii vɛ don ǹu ni Ala wotɛ mɔ Tii Masa Tɔɔmasenin Isa sabu la.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 8:6

K'i nii la i falikolo ladiyanankolu kɔkan, wo laban yi saya le le. Kɛɛ k'i nii la Nii Sɛnɛyanin ladiyanankolu kɔkan, wo laban yi niimaya ni josolajii le le.

1 Kolɛntikalu 1:3

Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ k'ài josolajii.

Galatiyakalu 1:3

Mɔ Fa Ala ani mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Galatiyakalu 6:16

Hɛlɛ ni hena yi kɛ mɔɔ bɛ yɛ minu yi siya min lataamana, ani Ala ya Bani Isilankalu.

Filipikalu 4:7

Wo vɛ kɛla, Ala ya josolajii min timinnin adamadennu ya koɲaye bɛ la, wo kɛtɔ ài josokun ni ài miliya ladalola Masa Tɔɔmasenin Isa ya kafonɲɔɔya lɔ.

Kɔlɔsikalu 1:2

k'a lataa mumininnu ma Kɔlɔsi so kɔnɔ, àilu minu tanin kɛla mɔ badenma lanandelu le Masa Tɔɔmasenin ya kafonɲɔɔya lɔ. Mɔ Fa Ala ya nɛɛma yi kɛ ài yɛ, k'ài josolajii.

Kɔlɔsikalu 1:20

Ado ka bɛn a Denkɛ ma, Ala ka ale ni fen bɛ wotɛbɛn duukolo kɔkan ani sangbolo lɔ, ka josolajii lana a Denkɛ jeli bɔnko fɛ kɔlɔman ma.

Kɔlɔsikalu 3:15

Masa Tɔɔmasenin ya josolajii yi sawati ài josokun nɔ, kamasɔlɔn Ala n'ài kilila wo le kanma, k'ài kɛ falikolo kelen ne, ado ài yi kɛ koɲumalɔnba le.

2 Tɛsalonikakalu 1:2

Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.

2 Tɛsalonikakalu 3:16

Mɔ Tii gbu min yi josolajii dila, wo y'ài josolajii waate bɛ, boloɲa bɛ ma. Mɔ Tii yi to ài bɛ fɛ.

2 Timote 1:7

Kamasɔlɔn Ala na Nii Sɛnɛyanin min dila mɔ ma, wo tɛ mɔ kɛla jiitɔ le feu, mafɔ a yi fanga le dila mɔ ma, ani kanundeya, ani jɛlɛlɔmina.

Hebululu 13:20

Ala min yi josolajii dila, min na mɔ Tii Isa lawulila ka bɔ saya lɔ, wo min yi Saakunnasiiba Makawanin ne min na salatikan banbali lasilila a jeli bɔnko sabu la,

Hebululu 7:2

Ibulahima ka aa kɛlɛkɔlɔfennu bɛ jaa bɔ k'a di a ma. Mɛlikizɛdɛki tɔɔ kɔlɔ le ko «Masa Telenmande.» A do yi «Josolajii Masa» le le fana, kamasɔlɔn Salɛmu kɔlɔ le ko: «josolajii».

Ko Lankɛnɛmayanin 1:4

Ǹe Yohana le yi sɛvɛ min lataala limaniyajama wolowulan ma minu yi Esiya koovi lɔ. Nɛɛma ni josolajii yi kɛ ài yɛ ka bɔ Ala fɛ, ale min yi je, ani ale min tɛɛ je, ani ale min natɔ kɛla je, ani ka bɔ nii wolowulan fɛ minu aa masayasiifen kɛɛna.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»