Yohana 14:26 - Ala Ya Salatikan Kula Kitabu

²⁶ Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 14:26 ပူးပေါင်းရင်းမြစ်များ

Matiyu 1:18

Masa Tɔɔmasenin Isa sɔlɔnnin teme, wo le ne: A ba Mɔyamu maminayine tɛɛ Jusufu bolo, kɛɛ jani a yi taa kɛlasii la, wo k'a talan, a tɛɛ vɛ kɔnɔ ta Nii Sɛnɛyanin sabu la.

Matiyu 1:20

Jusufu ka to a milila wo ma, mɔ Tii ya mɛlɛka k'a jɛlɛ jiya a la kibalo lɔ. A vɛɛ a yɛ: «Jusufu, Dawuda bɔzɔn, i kà siyan Mɔyamu fuluko lɔ, kamasɔlɔn a na kɔnɔ tala Nii Sɛnɛyanin ne sabu la.

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Matiyu 3:11

Ǹ'ài makola ji le le k'a jiya ko ài vɛ ài dajoo mafalin, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala ta a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le.

Malɛkɛ 12:36

Dawuda gbu ka kuma Nii Sɛnɛyanin sabu la, a vɛɛ: ‹Mɔ Tii n'a fɔla ǹ Tii yɛ, a vɛɛ: «Na i sii m̀ bolokini fannɔ, haan fɔɔ m̀'ɛ banna i juulu lala i sen kɔlɔ.» ›

Malɛkɛ 13:11

«Ai vɛ kɛla taala ài le kititɛɛbonnu la, ài ka kan ka min fɔ, ài kà hamin wo le. Kuma min ditɔ ài ma wo waate kelen nɔ, ài yi wo le fɔ, kamasɔlɔn àilu gbu tɛnala kumala, mafɔ Nii Sɛnɛyanin.

Luka 1:15

kamasɔlɔn a kɛtɔ mɔɔba le le mɔ Tii ɲakɔlɔ. A do kà lɛzɛnji min feu, niwotɛ gbɛ suu suu. A josokun lafatɔ Nii Sɛnɛyanin ne hali a ba kɔnɔ.

Luka 1:35

Mɛlɛka do k'a javi, a vɛɛ: «Nii Sɛnɛyanin jiitɔ i kan, ani Masa Taala ya seetiiya bilintɔ i kunna. Wo le y'a ma, i kɛtɔ lɔhɔlɔma den min sɔlɔnna, mɔɔlu kɛtɔ a fɔla a ma ko Ala Denkɛ.

Luka 1:41

Elizabɛti ka Mɔyamu ya folikan mɛn mingɛ, a den v'i lamaamaala telemanin a kɔnɔlɔ. Nii Sɛnɛyanin ka Elizabɛti josokun lafa,

Luka 1:67

Yaya fa Zakaliya joso la ka fa Nii Sɛnɛyanin la, a do vɛ kelaya kɛla, a vɛɛ:

Luka 11:13

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo yi Nii Sɛnɛyanin dila a dailibalu ma!»

Luka 2:25

Wo waate lɔ, kɛmɔba dɔ tɛɛ Jelusalɛmu, min tɔɔ tɛɛ ko Simiyɔn. Mɔɔ telennin ni Alaɲasiyanɲɛmɔɔ le tɛɛ a le, min tɛɛ Bani Isilankalu masawali waate makɔnɔna Ala bolo. Ado Nii Sɛnɛyanin tɛɛ a kɔkan.

Luka 24:49

Ǹ Fa na min lahedi tala ài yɛ, ǹ kɛtɔ wo lanala ài ma. Kɛɛ fɔ ài yi to Jelusalɛmu jan haan fɔɔ seetiiya wo la yi jii ài kɔkan ka bɔ haijɛnɛ.»

Luka 3:22

ado Nii Sɛnɛyanin ka jii a kɔkan poponi sawula lɔ. Kumakan dɔ ka bɔ sangbolo lɔ, a vɛɛ: «I yi ǹ diyanan Denkɛ le le. I do vɛ ǹ kɔnɔlɔdiya bubale.»

Yohana 1:33

Ǹe koni tɛɛ m'a lɔn kunfɔlɔ le, kɛɛ min na ǹ kelayala ka mɔɔlu mako ji le, wo tii le n'a fɔla ǹ yɛ, a vɛɛ: ‹I vɛ Nii Sɛnɛyanin jiitɔla yena ka to mɔɔ min fɛ, wo tii le kɛtɔ mɔɔlu makola Nii Sɛnɛyanin ne.›

Yohana 12:16

Isa kɔbiladennu tɛɛ ma ko wolu ɲaye kunfɔlɔ le, kɛɛ a ka magbiliyali sɔlɔn waate min nɔ, ai hangili ka bila a lɔ ko, ko minu sɛvɛnin kitabu kɔnɔ ka bɛn a ma, wo bɛ le kɛnin a yɛ.

Yohana 14:16

Ǹ kɛtɔ ǹ Fa dalila, a do kɛtɔ Dɛmɛliba gbɛlɛ dila ài ma min totɔ ài fɛ kudein,

Yohana 14:25

«Ǹ na min bɛ fɔla ài yɛ, m'i ɲɔɔ fɛ waate min nɔ.

Yohana 15:26

«Ǹ kɛtɔ Dɛmɛliba lanala waate min nɔ ka bɔ ǹ Fa fɛ, Nii Sɛnɛyanin koni min yi tuɲa lankɛnɛmayala, wo le kɛtɔ seleya dila ka bɛn m̀ ma.

Yohana 16:7

Wo bɛ n'a kɛ, ǹ'i tuɲa fɔ ài yɛ, ǹ taako le fisayanin ài ma, kamasɔlɔn ni m̀ ma taa, Dɛmɛliba tɛnala nala ài ma. Kɛɛ m̀'ɛ taala, ǹ kɛtɔ Dɛmɛliba lanala ài ma.

Yohana 2:22

A wuli kɔ ka bɔ saya lɔ, a kɔbiladennu hangili ka bila a kumakan wo lɔ. Wo le k'a kɛ, ai ka limaniya kitabu kɔnɔ kumalu ma, ani Isa kumakan.

Yohana 20:22

Wo fɔ, a k'a dafɔɲɛ kɛ ai kan k'a fɔ ai yɛ, a vɛɛ: «Ài yi Nii Sɛnɛyanin sɔlɔn.

Yohana 6:45

A sɛvɛnin kelalu ya kitabulu kɔnɔ, ko: ‹Ala gbu le kɛtɔ ai bɛ kalanna.› Wo le y'a ma, mɔɔ minu bɛ vɛ ai tolomalɔla ǹ Fa kumakan na ani ka diɲa aa kalan ma, wolu bɛ yi nale m̀ ma.

Yohana 7:39

Isa kan tɛɛ Nii Sɛnɛyanin ne ma, min ditɔ a malimaniyamɔɔlu ma. Wo waate lɔ, Nii Sɛnɛyanin tɛɛ ma di ba bene, kamasɔlɔn Isa tɛɛ ma magbiliyali sɔlɔn ba bene.

Kɛkolu 1:2

haan fɔɔ a kɔlɔtanin waate min nɔ ka taa haijɛnɛ. Jani a kɔlɔ tɛɛ ta, a ka jamalilu di aa keladen tanilu ma Nii Sɛnɛyanin ya see lɔ.

Kɛkolu 1:4

A ka to ai fɛ ka jamali di ai ma, a vɛɛ: «Ài kà bɔ Jelusalɛmu, mafɔ ka ǹ Fa ya lahedi mafako makɔnɔ, ǹ na min ya ko fɔla ài yɛ.

Kɛkolu 1:8

Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

Kɛkolu 11:16

Wo waate kelen, ǹ hangili ka bila mɔ Tii kumakan nɔ, ko: ‹Yaya tɛɛ mɔɔlu makola ji le le, kɛɛ àilu makotɔ Nii Sɛnɛyanin ne le.›

Kɛkolu 13:2

Lon dɔ, ai ka to mɔ Tii batola, ai vɛ sun nɔ, Nii Sɛnɛyanin ka kuma ai yɛ, a vɛɛ: «Ài yi Baanabasi ni Sawuli bila ai ta fan ǹa baalekɛko lɔ, ǹ n'ai kilila min kanma.»

Kɛkolu 13:4

Nii Sɛnɛyanin ka Baanabasi ni Sawuli kelaya mingɛ, ai ka taa Selusi so kɔnɔ. Ai se je, ai ka don kulunba kɔnɔ ka taa Sipele, min yi kɔɔtɛmaduu le.

Kɛkolu 15:28

A diyayine Nii Sɛnɛyanin yɛ, ani ǹu gbu, k'a fɔ ko mɔ kà doni gbili sii ài kun, mafɔ diyanigbeya ko minu:

Kɛkolu 15:8

Ala min ka adamaden bɛ josokun lɔn, a v'a lagbɛ ko a bolo siinin siboloma gbɛlɛ mɔɔlu kɔlɔ, kamasɔlɔn a na Nii Sɛnɛyanin dila ai ma iwo a na a dila mɔ ma teme.

Kɛkolu 16:6

Komi Nii Sɛnɛyanin tɛɛ vɛ Pɔli nu dansii Ala kumakan lasenko la Esiya koovi lɔ, wo lɔ, ai ka Filigiya ni Galatiya koovilu lɔtimin.

Kɛkolu 2:33

Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.

Kɛkolu 2:4

Ai bɛ josola ka fa Nii Sɛnɛyanin la, ai do ka kuma damina kan gbɛlɛlu lɔ iwo Nii Sɛnɛyanin ka see di ai ma teme.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 20:35

Ǹ n'a jiyala ài la ko minu bɛ lɔ, mɔ ka kan ka baale gbɛlɛn kɛ teme fandannilu madɛmɛnko lɔ, ani ka mɔ hangili to mɔ Tii Isa gbu kumakan nɔ, ko: ‹Koɲumakɛba ya duwawu walayine ka timin koɲuma yi kɛla mɔɔ min yɛ.› »

Kɛkolu 28:25

Ai ma bɛn kan kelen ma. Ai bɔtɔla, Pɔli ka kuma kelen fɔ ai yɛ, a vɛɛ: «Nii Sɛnɛyanin ka kuma min fɔ ài bemanu yɛ Nabi Ezayi bolo, wo yi tuɲa le le, ko:

Kɛkolu 5:3

Kɛɛ Piyɛli vɛɛ a yɛ: «Ananiya, a yi di vɛ i na diɲala Soitana yi don i josokun nɔ, haan fɔɔ i na faɲa fɔla Nii Sɛnɛyanin yɛ, ka wɔli fan kelen ladalo i jɛlɛ yɛ?

Kɛkolu 7:51

«Àilu mɔɔ kataigbɛlɛnnu, Alalɔnbaliya tolo ni sɔn yi minu la! Ài yi Nii Sɛnɛyanin sɔsɔla kudein, iwo ài bemanu tɛɛ a kɛla teme.

Kɛkolu 7:55

Kɛɛ Etiyɛn joso lafanin ka to Nii Sɛnɛyanin la, a k'a ɲa kaa sangbolo lɔ ka Ala nɔɔlɔ ye, ani ka Isa lɔnin ye Ala bolokini fannɔ.

Lɔmukalu 14:17

Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

Lɔmukalu 15:13

Ala min yi jeisii dila, wo y'ài josoladiya k'ài josolajii bɛlɛbɛlɛ kɛ àiya limaniya fɛ, fɔsa a dɔ yi to lala àiya jeisii kɔkan ka bɛn Nii Sɛnɛyanin ya seetiiya ma.

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

Lɔmukalu 5:5

Jeisii wo tɛnala maloya lasena mɔ ma, kamasɔlɔn mɔ josola vɛ fa Ala ya kanundeya la Nii Sɛnɛyanin sabu la, a na min dila mɔ ma.

1 Kolɛntikalu 12:3

Wo lɔ, ǹ'a fɛ ài y'a ɲaye ko mɔɔ min vɛ kɛla kumala Ala Nii Sɛnɛyanin sabu la, wo tii tɛnala a fɔla ko: «Isa daanyine!» Ado mɔɔ tɛnala a fɔla ko: «Isa yi ǹ Tii le le», ni Nii Sɛnɛyanin tɛ wo tii ma fɛ.

1 Kolɛntikalu 6:19

Ài m'a lɔn ko ài falikolo kɛnin Nii Sɛnɛyanin ya lɔhɔlɔmabon ne le? Nii Sɛnɛyanin min y'ài josokun nɔ, ài na wo sɔlɔnna Ala le fɛ. Ài do tɛ ài jɛlɛ ta le.

2 Kolɛntikalu 13:14

Mɔ Tii Masa Tɔɔmasenin Isa ya nɛɛma, ni Ala ya kanundeya, ani Nii Sɛnɛyanin ya kafonɲɔɔya yi to ài bɛ fɛ.

2 Kolɛntikalu 6:6

Mɔ v'a jiya ko Ala ya bɔiden ne mɔ le maa sɛnɛya fɛ, ani maa lɔnni fɛ, ani maa sawali fɛ, ani maa ɲumaya fɛ, ani Nii Sɛnɛyanin ya see fɛ, ani maa kanundeya bɛlɛbɛlɛ fɛ.

Ɛfɛsikalu 1:13

Àilu fana vɛ limaniya ale Isa ma, ài na tuɲa kuma mɛnna waate min nɔ, min taanin kɛla Samakan Kein ne ka bɛn àiya kisiko ma. Wo lɔ, Ala na Nii Sɛnɛyanin min ya lahedi tala, a na wo lajiila ài kɔkan ka wo kɛ tɔɔmase le,

Ɛfɛsikalu 1:17

Mɔ Fa Nɔɔlɔtii, min kɛnin mɔ Tii Masa Tɔɔmasenin Isa Tii Ala le, ǹ'i wo dalila, ǹ ko, a yi hangilimaya di ài ma, ka kolu lankɛnɛmaya ài yɛ fɔsa ài y'a lɔn a ɲa gbugbu ma.

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.

1 Tɛsalonikakalu 4:8

Wo le y'a ma, ni mɔɔ mɔɔ si k'i ban jamali min ma, wo tii m'i ban adamaden nɔ, mafɔ Ala min y'a Nii Sɛnɛyanin dila ài ma.

2 Timote 1:14

Kalan ɲuma minu kalifanin i la, i yi wolu lakana Nii Sɛnɛyanin sabu la, min sawatinin mɔ josokun nɔ.

Tite 3:5

a ka mɔ lakisi. Wo do ma kɛ ka bɛn mɔ kɛko telenninu ma, mafɔ aa henandeya, ani Nii Sɛnɛyanin ya makoli, min na mɔ ladan kula kɛla ka niimaya kula di mɔ ma.

Hebululu 10:15

Nii Sɛnɛyanin fana yi seleya wo le dila mɔ ma. A do k'a fɔ kunfɔlɔ le, a vɛɛ:

Hebululu 2:4

k'a talan Ala gbu tɛɛ aiya seleyakan mabamala ka bɛn tɔɔmaselu ni dalajakolu ni kawanankolu ma, ani Nii Sɛnɛyanin ya senkolu, a tɛɛ minu lɔtalala iwo a ka diya a yɛ teme.

Hebululu 3:7

Wo ma, a kɛyine iwo Nii Sɛnɛyanin n'a fɔla kitabu kɔnɔ teme, ko: «Ni ài ka Ala kumakan mɛn bi,

Hebululu 9:8

Nii Sɛnɛyanin y'a lagbɛla ko minu fɛ, ko siya tɛɛ ma jiya ba ka don Lɔhɔlɔma Dingila Bɛlɛbɛlɛ kɔnɔ, damanda Lɔhɔlɔma Gbaa kunfɔlɔ tɛɛ lɔnin bene.

1 Piyɛli 1:12

A do la ka nkɛnɛmaya ai yɛ k'a fɔ ko ai tɛɛ tɛ kelaya kɛla ai jɛlɛ yɛ, mafɔ àilu. Wo lɔ saa, kelalu tɛɛ kumala ka bɛn ko minu ma, àilu gbu vɛ wo ɲɔɔzii le mɛn yi ne Samakan Kein lasenbalu da, minu tɛɛ kawanili kɛla ài yɛ Nii Sɛnɛyanin sabu la, min lajiinin ka bɔ haijɛnɛ. A lɔɔ yi mɛlɛkalu gbu la ka ko wolu ɲaye.

2 Piyɛli 1:21

Kamasɔlɔn kelayakuma foi ma bɔ adamaden sawo lɔ feu, mafɔ mɔɔlu ka Ala kumakannu fɔ iwo Nii Sɛnɛyanin k'ai lɔ a la teme.

1 Yohana 2:20

Kɛɛ àilu koni vɛ Nii Sɛnɛyanin sɔlɔn, Ala ya Mɔɔ Sɛnɛyanin na min lajiila ài kɔkan, wo ma, ài bɛ ka tuɲa lɔn.

1 Yohana 2:27

Wo bɛ n'a kɛ, Masa Tɔɔmasenin n'ài sɔla a Nii Sɛnɛyanin min sɔ, wo le tonin ài fɛ. Ài mako tɛ kalanmɔɔ la, kamasɔlɔn Nii Sɛnɛyanin gbu y'ài kalanna ko bɛ la. Aa kalan do yi tuɲa le le, faɲa t'a lɔ. Wo le y'a ma, ài yi to aa kafonɲɔɔya lɔ iwo Nii Sɛnɛyanin n'ài kalanna teme.

1 Yohana 5:7

Ado seleya sawa le yi je:

Jude 1:20

Kɛɛ àilu, ǹ diyananmɔɔlu koni, ài limaniyanin kuma sɛnɛyanin minu ma, ài y'ài ɲɔɔ lasawati wolu le, ka kɛ Ala dalila Nii Sɛnɛyanin sabu la.

Ko Lankɛnɛmayanin 2:11

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, saya filana tɛnala sena wo tii ma.›