Yohana 14:20 - Ala Ya Salatikan Kula Kitabu

²⁰ Wo lon ne, ài kɛtɔ a lɔnna ko ǹ kafonnin ǹ Fa kan, àilu fana kafonnin ǹ kan, ani ǹe fana kafonnin ài kan.

Yohana 14:20 ပူးပေါင်းရင်းမြစ်များ

Yohana 10:38

Kɛɛ ni a ka talan ǹ'i wolu le kɛla, ài yi la wolu la, hali ni ài ma la ǹe la, fɔsa ài y'a lɔn k'a gbɛ a ma ko ǹ kafonnin ǹ Fa kan, ale fana kafonnin ǹ kan.»

Yohana 14:10

I ma limaniya ba bene k'a fɔ ǹ kafonnin ǹ Fa kan, ale fana kafonnin ǹ kan? Ǹ'i kuma minu fɔla ài yɛ, wolu ma bɔ ǹe gbu lɔ. Kɛɛ ǹ Fa min kafonnin ǹ kan, wo le a kɛkolu kɛla ten.

Yohana 14:11

Ài yi la ǹ na k'a fɔ ǹ kafonnin ǹ Fa kan, ale fana kafonnin ǹ kan. Niwotɛ, ài yi la ǹ na ka bɛn ǹ kɛkolu gbu ma.

Yohana 16:23

«Wo lon vɛ sena, ài tɛnala ǹ dalila ko ko si la butu. Ǹ'i tuɲa fɔ ài yɛ, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 16:26

Wo lon vɛ sena, ài kɛtɔ a dalila ǹ tɔɔ lɔ. Ǹe do t'a fɔla ko ǹe le kɛtɔ ǹ Fa dalila ài yɛ,

Yohana 17:11

Ǹ tɛnala tola dunuɲa butu, kɛɛ ailu yi dunuɲa bene, ǹ natɔle i fɛlɔ. Ǹ Fa, ile min sɛnɛyanin, i y'ai lakana i tɔɔ ya seetiiya lɔ, i na tɔɔ kelen min dila m̀ ma, fɔsa ai yi kɛ kelen ne iwo ǹe ni ile yi kelen ne teme.

Yohana 17:26

M̀'ɛ ai lalɔnni i tɔɔ la, ǹe do totɔ ai lalɔnnila i tɔɔ la kudein, fɔsa i na ǹ kanula teme, wo kanundeya yi kɛ ai lɔ, ani ǹ kafonnin yi to ai kan.»

Yohana 17:7

k'a lɔn butu ko i na ko ko si dila m̀ ma, wo bɛ bɔnin ile le fɛ.

Yohana 6:56

Wo le y'a ma, ni mɔɔ min ka ǹ falikolo dɔn ani ka ǹ jeli min, wo tii totɔ ǹa kafonɲɔɔya le lɔ, ǹe fana totɔ kafonɲɔɔya lɔ wo tii fɛ.

Lɔmukalu 16:7

Ài yi Andolonikusi ni Juniya fo, minu yi ǹ sibolomaɲɔɔ le, ani ai na kɛla ǹ kasodenɲɔɔ le waate lɔ. Ai lɔnnin bɛlɛbɛlɛ kɛ Isa ya keladennu tɛma, ado ai na donna Masa Tɔɔmasenin ya kafonɲɔɔya lɔ ǹe ɲa.

Lɔmukalu 8:1

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

2 Kolɛntikalu 12:2

Ǹ ka kɛ́ dɔ lɔn Masa Tɔɔmasenin ya kafonɲɔɔya lɔ, Ala ka taa min ne poon haan fɔɔ sangbolo dan na, a vɛ kɛ san tan ni naani (14) le. Ni ale gbu jɛlɛnin ka kɛ a falikolo lɔ, niwotɛ a tɛɛ tɛ a falikolo lɔ, m̀ ma wo lɔn. Ala kelenpesa le ka wo lɔn.

2 Kolɛntikalu 13:5

Ài y'ài jɛlɛ lakɔlɔsi k'a ye ni ài yi limaniya siya le kɔkan. Ài y'ài jɛlɛ lɔsuma. Jalasa ài m'a ɲaye ko Masa Tɔɔmasenin Isa y'ài tɛma? Mafɔ, ni a ka talan ài vɛ koli lɔsumani wo lɔ.

2 Kolɛntikalu 5:17

Ni mɔɔ min ka kɛ Masa Tɔɔmasenin ya kafonɲɔɔya lɔ, wo tii vɛ kɛ dannifen kula le. Ko kɔlɔlu vɛ tunun, ado ko kulalu le yi je butu.

2 Kolɛntikalu 5:19

Kamasɔlɔn Ala tɛɛ baalela Masa Tɔɔmasenin nɔ ka ale ni dunuɲamɔɔlu wotɛbɛn. A ma aiya julumbulu jate wo kɔ. A do ka wotɛbɛn samakan wo kalifa mɔ la.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

Kɔlɔsikalu 1:19

Kamasɔlɔn a na diya le la Ala yɛ k'a fɔ ko a jɛlɛkanu kɛɲa dafanin bɛ yi to a Denkɛ lɔ.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

Kɔlɔsikalu 2:9

Kamasɔlɔn Ala kɛɲa dafanin sawatinin Masa Tɔɔmasenin falikolo le lɔ.

1 Yohana 4:12

Mɔɔ foi ma Ala ye ba, kɛɛ ni mɔ k'i ɲɔɔ kanu, Ala totɔ maa kafonɲɔɔya lɔ, ani aa kanundeya dafatɔ mɔ josokun nɔ.