Yohana 14:19 - Ala Ya Salatikan Kula Kitabu

¹⁹ A lɔ tɛnala mɛnna, dunuɲa tɛnala ǹ yena butu. Kɛɛ àilu kɛtɔ ǹ yena kɔtunun. Komi ǹ'i ǹ nii la, wo lɔ, àilu fana kɛtɔ niimaya kɛla.

Yohana 14:19 ပူးပေါင်းရင်းမြစ်များ

Yohana 11:25

Isa do vɛɛ a yɛ: «Ǹe le fulenilu lawuliba le, ani niimayadiba. Ni mɔɔ mɔɔ si ka limaniya m̀ ma, wo tii totɔ niimaya le lɔ hali ni a ka sa.

Yohana 12:35

A do ka jama javi, a vɛɛ: «Kɛnɛya kɛtɔ waateni kɛla ài tɛma bene. Damanda kɛnɛya y'ài tɛma, ài yi to taamana alako divi kana bala ài lɔ. Mɔɔ min yi taamana divi lɔ, wo tii ma a taaya lɔn.

Yohana 13:33

Ǹ dennu, ǹ'ài fɛ waateni kɔlɔ bene. M̀'ɛ taala, ài kɛtɔ ǹ ɲininna, kɛɛ iwo ǹ n'a fɔla teme Jahudiya kuntiilu yɛ wo lon, ǹ'i wo suu le fɔla ài yɛ kɔtunun, ǹ ko, ǹ taatɔ tɛɛminja, ài tɛ se taala woja.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 16:16

«Waateni vɛ timinna, ài tɛnala ǹ yena butu. Kɛɛ waateni vɛ timinna wo kɔ, ài kɛtɔ ǹ yena kɔtunun.»

Yohana 16:22

Àilu fana yi ten ne: Ài niila vɛ fin butu, kɛɛ ǹ kɛtɔ ài yena kɔtunun. Wo vɛ kɛla, ài kɔnɔlɔ yi diyale, ado mɔɔ foi tɛnala sena kɔnɔlɔdiya wo bɔla ài bolo.

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Yohana 7:33

Isa do k'a fɔ jama yɛ, a vɛɛ: «Ǹ kɛtɔ waateni kɛla ài fɛ bene, wo kɔ, ǹ kɛtɔ taala ǹ kelaba ma.

Yohana 8:21

Isa vɛɛ ai yɛ kɔtunun: «Ǹ natɔle taala. Ài do kɛtɔ ǹ ɲininna, kɛɛ ài satɔle k'ài to àiya julumbulu lɔ. Ǹ taatɔ tɛɛminja, ài tɛ se taala woja.»

Kɛkolu 10:41

Kɛɛ mɔɔ bɛ m'a ye, mafɔ Ala na ǹu minu tala ka mɔ kɛ sele le, ǹu minu na dɔnni kɛla ani k'i min a fɛ a lawuli kɔ ka bɔ saya lɔ.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 8:34

Jene yi se ai jobaliyala? Kamasɔlɔn Masa Tɔɔmasenin Isa le na sala. K'a dɔ la wo kɔkan, a lawulinin ka bɔ saya lɔ. A do siinin Ala bolokini fannɔ, a vɛ mɔ masolonali minala Ala ma.

1 Kolɛntikalu 15:20

Kɛɛ tuɲa le, Masa Tɔɔmasenin la vɛ lawuli ka bɔ saya lɔ, ka kɛ mɔɔ lawulinin kunfɔlɔ le mɔɔ saninnu tɛma.

1 Kolɛntikalu 15:45

Wo le n'a kɛla, a sɛvɛnin kitabu kɔnɔ, ko: «Mɔɔ kunfɔlɔ, min taanin kɛla Adama le, wo ka kɛ niimafen ne.» Kɛɛ Adama laban ka kɛ Nii le le, min yi niimaya dila.

Hebululu 7:25

Wo le y'a ma, a yi sene mɔɔlu lakisila feu, minu yi timinna ale fɛ k'i madon Ala la, kamasɔlɔn a a nii la kudein k'ai masolonali mina Ala ma.

Ko Lankɛnɛmayanin 20:4

Wo kɔ, ǹ ka masayasiifen dɔlu ye. Mɔɔ minu siinin tɛɛ wolu kɔkan, kititɛɛko see tɛɛ vɛ di wolu ma. Ado mɔɔ minu kun tɛɛ vɛ tɛɛ a la ka bɛn Isa ya seleyakan ni Ala kumakan ma, ǹ ka wolu niilu ye je fana. Wolu tɛɛ ma diɲa soofali ni a sawula batoko ma, kumatɛ k'a tɔɔmase sɔlɔn ai ten na, niwotɛ ai bolo ma. Mɔɔ wolu ka seikɔ niimaya lɔ, ai do ka masaya kɛ Masa Tɔɔmasenin fɛ sanji waa kelen kɔlɔ.