Yohana 14:17 - Ala Ya Salatikan Kula Kitabu

¹⁷ Nii Sɛnɛyanin koni, min yi tuɲa lankɛnɛmayala. Dunuɲa tɛ se wo sɔlɔnna, kamasɔlɔn a tɛ se a yena, kumatɛ k'a lɔn. Kɛɛ àilu k'a lɔn ne, kamasɔlɔn a ài fɛ, ani a kɛtɔ ài josokun nɔ.

Yohana 14:17 ပူးပေါင်းရင်းမြစ်များ

Matiyu 10:20

Kamasɔlɔn ài kumakannu tɛnala kɛla ài jɛlɛkanu ta le, mafɔ ài Fa Ala Nii Sɛnɛyanin kumakan.

Yohana 14:16

Ǹ kɛtɔ ǹ Fa dalila, a do kɛtɔ Dɛmɛliba gbɛlɛ dila ài ma min totɔ ài fɛ kudein,

Yohana 14:23

Isa k'a javi, a vɛɛ: «Ni mɔɔ min vɛ ǹ kanula, wo tii kɛtɔ ǹ kumakan labatola, ado ǹ Fa fana kɛtɔ a kanula. Ǹe ni ǹ Fa kɛtɔ nala a ma ka to a fɛ.

Yohana 15:26

«Ǹ kɛtɔ Dɛmɛliba lanala waate min nɔ ka bɔ ǹ Fa fɛ, Nii Sɛnɛyanin koni min yi tuɲa lankɛnɛmayala, wo le kɛtɔ seleya dila ka bɛn m̀ ma.

Yohana 16:13

Kɛɛ Nii Sɛnɛyanin vɛ nala, min yi tuɲa lankɛnɛmayala, ale le kɛtɔ tuɲa bɛ jiyala ài la. A do tɛnala kumala a jɛlɛkanu ya seetiiya lɔ, kɛɛ a vɛ ko ko si mɛnna, a kɛtɔ wo le fɔla, ani ka ko natɔlu lase ài ma.

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

1 Kolɛntikalu 14:15

Ǹ'i mindɛ le kɛ wo lɔ? Ǹ kɛtɔ Ala dalila ǹ josokun ne ani ǹ hangili le fana, ka baiti la ǹ josokun ne ani ka baiti la ǹ hangili le kɔtunun.

1 Kolɛntikalu 2:14

Kɛɛ adamaden jɛlɛla tɛ a bolo siila Ala Nii Sɛnɛyanin kolu kɔlɔ, kamasɔlɔn wolu y'a ɲana ko kundan ne le. A do tɛ ai ɲayena, kamasɔlɔn wolu wotɛbɔ yi lɔnna Nii Sɛnɛyanin ne fɛ dein.

1 Kolɛntikalu 3:16

Ài m'a lɔn ba bene ko Ala ya lɔhɔlɔmabon ne ài le, ani Ala Nii Sɛnɛyanin makɛnin àilu le kɔnɔ?

1 Kolɛntikalu 6:19

Ài m'a lɔn ko ài falikolo kɛnin Nii Sɛnɛyanin ya lɔhɔlɔmabon ne le? Nii Sɛnɛyanin min y'ài josokun nɔ, ài na wo sɔlɔnna Ala le fɛ. Ài do tɛ ài jɛlɛ ta le.

2 Kolɛntikalu 13:5

Ài y'ài jɛlɛ lakɔlɔsi k'a ye ni ài yi limaniya siya le kɔkan. Ài y'ài jɛlɛ lɔsuma. Jalasa ài m'a ɲaye ko Masa Tɔɔmasenin Isa y'ài tɛma? Mafɔ, ni a ka talan ài vɛ koli lɔsumani wo lɔ.

2 Kolɛntikalu 6:16

Bɛn suu mindɛ le yi Ala ya lɔhɔlɔmabonba ni joolu wotɛ? Kamasɔlɔn Ɲɛnɛmayatii Ala ya lɔhɔlɔmabon ne mɔ le, iwo Ala gbu n'a fɔla teme, a vɛɛ: «Ǹ kɛtɔ ǹ siila ai tɛma ka taama ai fɛ. Ǹ kɛtɔ kɛla ai Tii Ala le le, ai do kɛtɔ kɛla ǹa mɔɔlu le le.»

Galatiyakalu 4:6

Komi Ala den ne ài le, wo lɔ, a na a Denkɛ Nii lajiila ka don mɔ josokun nɔ. Nii wo le y'a kɛla, m'i Ala kilila, mɔ vɛɛ: «Mɔ Fa!»

Ɛfɛsikalu 2:22

Isa ya kafonɲɔɔya lɔ, Ala y'àilu fana tuuntuunna bon wo la ten ne, ka kɛ a jɛlɛkanu makɛya le Nii Sɛnɛyanin sabu la.

Ɛfɛsikalu 3:17

fɔsa Masa Tɔɔmasenin yi sawati ài josokun nɔ ka bɛn limaniya ma. Ǹ'i Ala dalila kɔtunun, ǹ ko, àiya kanundeya lilen yi don ka bama,

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

2 Timote 1:14

Kalan ɲuma minu kalifanin i la, i yi wolu lakana Nii Sɛnɛyanin sabu la, min sawatinin mɔ josokun nɔ.

1 Yohana 2:27

Wo bɛ n'a kɛ, Masa Tɔɔmasenin n'ài sɔla a Nii Sɛnɛyanin min sɔ, wo le tonin ài fɛ. Ài mako tɛ kalanmɔɔ la, kamasɔlɔn Nii Sɛnɛyanin gbu y'ài kalanna ko bɛ la. Aa kalan do yi tuɲa le le, faɲa t'a lɔ. Wo le y'a ma, ài yi to aa kafonɲɔɔya lɔ iwo Nii Sɛnɛyanin n'ài kalanna teme.

1 Yohana 3:24

Mɔɔ min yi Ala ya jamalilu labatola, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya le lɔ. Mɔ n'a lɔnna boloɲa min ne ma ko a yi maa kafonɲɔɔya lɔ: A na Nii Sɛnɛyanin dila mɔ ma.

1 Yohana 4:4

Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

1 Yohana 4:6

Ǹu koni yi Ala ta le le. Mɔɔ min ka Ala lɔn, wo tii y'a tolomalɔla mɔ la. Kɛɛ do, mɔɔ min tɛ Ala ta le, wo tii t'a tolomalɔla mɔ la. Nii Sɛnɛyanin min yi tuɲa lankɛnɛmayala, m'i wo ni faɲafɔ nii wotɛbɔ lɔnna teme, wo le ve.

1 Yohana 5:7

Ado seleya sawa le yi je:

Ko Lankɛnɛmayanin 2:17

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ mana doonnin dɔ dila wo tii ma. Ǹ kɛtɔ kawakulun gbɛ dila a ma fana, tɔɔ kula dɔ sɛvɛnin vɛ min kɔkan, mɔɔ mɔɔ si ma min lɔn, mafɔ mɔɔ min kɛtɔ a sɔlɔnna.›