Yohana 14:13 - Ala Ya Salatikan Kula Kitabu

¹³ Wo lɔ, ài vɛ ko ko madalila ǹ tɔɔ lɔ, ǹ'i wo kɛle ài yɛ, fɔsa ǹ Fa yi magbiliyali sɔlɔn a Denkɛ fɛ.

Yohana 14:13 ပူးပေါင်းရင်းမြစ်များ

Matiyu 21:22

Ni ài ka ko ko dali Ala la limaniya boloma, ài yi wo sɔlɔnne.»

Matiyu 7:7

«Ài yi daili kɛ, ài do y'a sɔlɔnne. Ài y'a ɲinin, ài do y'a yene. Ài yi da makɔnkɔn, da do la yi kale ài yɛ.

Malɛkɛ 11:24

Ǹ'a fɔla ài yɛ wo le lɔ, ài vɛ Ala dalila min na, ài yi limaniya ko ài vɛ ban wo sɔlɔnna, wo do yi kɛle ài yɛ.

Luka 11:9

«Ǹ'a fɔ ài yɛ wo lɔ, ài yi daili kɛ, ài do y'a sɔlɔnne. Ài y'a ɲinin, ài do y'a yene. Ài yi da makɔnkɔn, da do la yi kale ài yɛ.

Yohana 10:30

Ǹe ni ǹ Fa yi kelen ne le.»

Yohana 12:44

Isa do k'a kan labɔ, a vɛɛ: «Ni mɔɔ min ka limaniya m̀ ma, wo tii ma limaniya ǹe kelen ma, mafɔ ǹ kelaba fana.

Yohana 13:31

Judasi bɔ kɔ, Isa k'a fɔ ai yɛ, a vɛɛ: «Mɔɔnivin Tanin ya magbiliyali la vɛ nkɛnɛmaya butu, ado Ala fana vɛ aa magbiliyali lankɛnɛmaya ale le fɛ.

Yohana 14:14

Ni ài vɛ m̀ madalila ko ko si la ǹ tɔɔ lɔ, ǹ'i wo kɛle.»

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 15:16

Àilu ma ǹe ta, kɛɛ ǹe le n'ài tala ka ài kelaya, fɔsa ài yi taa ài den siyama kɛ minu yi mɛnna. Wo vɛ kɛla, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 15:7

Ni ài kafonnin ka to ǹ kan, ani ǹ kumakannu ka sawati ài josokun nɔ bɛlɛbɛlɛ kɛ, ài vɛ ko ko si dalila, wo yi kɛle ài yɛ.

Yohana 16:23

«Wo lon vɛ sena, ài tɛnala ǹ dalila ko ko si la butu. Ǹ'i tuɲa fɔ ài yɛ, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 16:26

Wo lon vɛ sena, ài kɛtɔ a dalila ǹ tɔɔ lɔ. Ǹe do t'a fɔla ko ǹe le kɛtɔ ǹ Fa dalila ài yɛ,

Yohana 16:7

Wo bɛ n'a kɛ, ǹ'i tuɲa fɔ ài yɛ, ǹ taako le fisayanin ài ma, kamasɔlɔn ni m̀ ma taa, Dɛmɛliba tɛnala nala ài ma. Kɛɛ m̀'ɛ taala, ǹ kɛtɔ Dɛmɛliba lanala ài ma.

Yohana 4:10

Isa do k'a javi, a vɛɛ: «Ni i tɛɛ vɛ Ala ya sɔli lɔnna ani mɔɔ min i dalila minji la, fɔ ile tɛɛ ale dali ji la, a do tɛɛ i sɔle niimaya ji la.»

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 5:19

Wo lɔ, Isa k'a fɔ ai yɛ, a vɛɛ: «Ǹ'i tuɲa fɔ ài yɛ, Denkɛ tɛ se foi kɛla a jɛlɛ ma, mafɔ a v'a Fa yena min kɛla dein. Kamasɔlɔn Fa yi ko ko si kɛla, a Denkɛ fana yi wo ɲɔɔzii le kɛla.

Yohana 7:37

Selibɔ laban lon na, min tɛɛ lonba le, Isa k'i lɔ k'a kan labɔ, a vɛɛ: «Ni minkɛlɔɔ vɛ kɛla mɔɔ min na, wo tii yi na m̀ ma k'i min.

1 Kolɛntikalu 14:13

Wo le y'a ma, mɔɔ min yi kumala kan gbɛlɛ lɔ, fɔ wo tii yi Ala dali fɔsa kan wo latimin see yi di a ma.

Ɛfɛsikalu 2:18

Kamasɔlɔn Isa sabu la, ǹu mɔɔ suu fila bɛ yi sena mɔ madonna mɔ Fa Ala la ka bɛn Nii Sɛnɛyanin kelen wo le ma.

Ɛfɛsikalu 3:12

Komi mɔ vɛ limaniya a ma ka kafon a kɔkan, a see yi mɔ yɛ ka mɔ madon Ala la wakali ni lanaya boloma.

Ɛfɛsikalu 3:14

Wo le n'a kɛla, ǹ'i ǹ kumɛlɛni bilala duu ma mɔ Fa Ala kɔlɔ,

Filipikalu 4:13

Ǹ'i sene ko bɛ dɔ kɛla mɔ Tii sabu la min yi fanga dila m̀ ma.

Kɔlɔsikalu 3:17

Ài vɛ ko ko si kɛla, ani ài vɛ kuma suu suu fɔla, ài yi wo bɛ kɛ mɔ Tii Isa tɔɔ lɔ ka balika bɔ mɔ Fa Ala yɛ ale Isa fɛ.

Hebululu 13:15

Wo lɔ saa, ài m'i tanuli kɛ salaka le min la yi sena Ala ma waate bɛ ka bɛn Isa ma, mɔ v'i lɔla a tɔɔ la bala lɔ.

Hebululu 4:15

Kamasɔlɔn salakalase kuntiiba min tɛ se henala mɔ la maa fangandanya lɔ, wo suu tɛ mɔ bolo, mafɔ maa salakalase kuntiiba fana ma vɛ nɛɛ boloɲa suu bɛ dɔ ma iwo ǹu, kɛɛ a do ma julumbu ta.

Hebululu 7:25

Wo le y'a ma, a yi sene mɔɔlu lakisila feu, minu yi timinna ale fɛ k'i madon Ala la, kamasɔlɔn a a nii la kudein k'ai masolonali mina Ala ma.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

Janguba 5:16

Wo lɔ saa, ài y'ài dalabɔ àiya julumbulu la i ɲɔɔ ɲakɔlɔ, ani ka Ala dali i ɲɔɔ yɛ, fɔsa ài yi kɛnɛya sɔlɔn. Fanga ba le yi telenmande ya Aladali la, a do yi ko ɲiala kosɛvɛ.

1 Piyɛli 2:5

Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.

1 Yohana 3:22

Ado mɔ v'a dalila ko ko la, m'i wo sɔlɔnne, kamasɔlɔn m'aa jamalilu labatola k'a diyanankolu kɛ.

1 Yohana 5:14

Lanaya min yi mɔ josokun nɔ Ala ɲakɔlɔ, wo le min ne: Ni mɔ ka a dali ko ko si la ka bɛn a sawo ma, a yi wo mɛnne.