Yohana 14:12 - Ala Ya Salatikan Kula Kitabu

¹² Ǹ'i tuɲa fɔ ài yɛ, mɔɔ min vɛ limaniyala m̀ ma, wo tii fana kɛtɔ ǹ kɛko ɲɔɔziilu kɛla. A do kɛtɔ a dɔlu kɛla minu buɲanin ǹ talu le, kamasɔlɔn ǹ taatɔle ǹ Fa fɛlɔ.

Yohana 14:12 ပူးပေါင်းရင်းမြစ်များ

Matiyu 21:21

Isa do k'ai javi, a vɛɛ: «Ǹ'i tuɲa fɔ ài yɛ, ni limaniya ka kɛ ài bolo, ni ài do ma sika, ǹ na min kɛla toloju la yi ne, ài yi sene wo suu kɛla. Hali ni ài k'a fɔ tini min yɛ ko a yi bɔ a nɔ lɔ ka taa a ben kɔɔji lɔ, a yi kɛle ten.

Malɛkɛ 11:13

A do ka to poon ka toloju dɔ ye min bulu tɛɛ a la. A ka taa k'a lasaa ni a den y'a la. Kɛɛ a ka se toloju kɔlɔ mingɛ, a m'a den ye a la, mafɔ filabulu gbaanzan, kamasɔlɔn a den waate tɛɛ ma se ba bene.

Malɛkɛ 16:17

Limaniyamɔɔlu kɛtɔ tɔɔmase minu jiyala, wolu le ne: Ai kɛtɔ jinalu gbɛnna mɔɔlu lɔ ǹ tɔɔ lɔ, ani ka kuma kan gbɛlɛlu lɔ, ai tɛɛ ma minu lɔn kɔlɔkɔlɔ le.

Yohana 14:28

Ài vɛ ǹ kan mɛn, ǹ ko ǹ taatɔle, ani ǹ kɛtɔ seikɔla ài ma. Ni ài tɛɛ vɛ ǹ kanula, ài tɛɛ sawale ǹ taako lɔ ǹ Fa fɛlɔ, kamasɔlɔn ǹ Fa buɲanin vɛ ǹ ne.

Yohana 16:7

Wo bɛ n'a kɛ, ǹ'i tuɲa fɔ ài yɛ, ǹ taako le fisayanin ài ma, kamasɔlɔn ni m̀ ma taa, Dɛmɛliba tɛnala nala ài ma. Kɛɛ m̀'ɛ taala, ǹ kɛtɔ Dɛmɛliba lanala ài ma.

Yohana 4:37

Sana min yi tuɲa le le, ko: ‹Dɔ yi malo sɛnɛna, dɔ y'a kalila.›

Yohana 5:20

Kamasɔlɔn Denkɛ ya ko diyanin a Fa yɛ. Wo le y'a ma, wo yi ko ko si kɛla, a yi wo bɛ le jiyala a Denkɛ la. A do kɛtɔ ko gbɛlɛlu jiyala wo la ai kɛko lɔ minu buɲanin dɔ wolu le, fɔsa ài yi kawakoya.

Yohana 7:33

Isa do k'a fɔ jama yɛ, a vɛɛ: «Ǹ kɛtɔ waateni kɛla ài fɛ bene, wo kɔ, ǹ kɛtɔ taala ǹ kelaba ma.

Yohana 7:39

Isa kan tɛɛ Nii Sɛnɛyanin ne ma, min ditɔ a malimaniyamɔɔlu ma. Wo waate lɔ, Nii Sɛnɛyanin tɛɛ ma di ba bene, kamasɔlɔn Isa tɛɛ ma magbiliyali sɔlɔn ba bene.

Kɛkolu 10:46

kamasɔlɔn ai tɛɛ ai kannu mɛnna, ai vɛ kumala kan gbɛlɛlu lɔ ka Ala tanu. Wo lɔ, Piyɛli vɛɛ:

Kɛkolu 16:18

Singbili ka to wo la tele siyama kɔlɔ. Kɛɛ lon dɔ, Pɔli josola ka kuna a ma. A do k'i ɲa tilimin k'a fɔ jina yɛ, a vɛɛ: «Ǹ'i jamalila Masa Tɔɔmasenin Isa tɔɔ lɔ, ǹ ko, i yi bɔ a lɔ!» Jina do ka bɔ singbili lɔ telemanin.

Kɛkolu 19:12

Hali Pɔli ya ɲalɔtɛɛfaani ni aa baalekɛfaanilu, a tɛɛ vɛ minu bila a ma, ai tɛɛ taala wolu le jangalotɔlu fɛ, ado wolu ya jangalolu tɛɛ basila, ani jinajuulu tɛɛ bɔla jinatɔlu lɔ.

Kɛkolu 2:33

Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.

Kɛkolu 2:41

Mɔɔ minu k'ai bolo sii a kumakan kɔlɔ, ai ka wolu mako ji kɔlɔ. Ado mɔɔ waa sawa (3 000) jate ka kafon limaniyamɔɔlu kɔkan wo lon.

Kɛkolu 4:16

Ai vɛɛ: «M'i mindɛ kɛ mɔɔ minu la? Kamasɔlɔn Jelusalɛmukalu bɛ vɛ kɛ kawananko ba min kalama, min kɛnin ai bolo yi ne. Mɔ do tɛ se sɔsɔyali bilala wo lɔ.

Kɛkolu 4:33

Keladennu ka to seleya dila seetiiya ba boloma k'a fɔ mɔɔlu yɛ ko mɔ Tii Isa v'i wuli ka bɔ saya lɔ. Ado Ala ya nɛɛma tɛɛ limaniyamɔɔlu bɛ kɔkan kosɛvɛ.

Kɛkolu 4:4

Kɛɛ wo bɛ n'a kɛ, mɔɔ minu na Ala kumakan mɛnna, wolu siyama ka limaniya, ka limaniyamɔɔlu kɛ mɔɔ waa loolu (5 000) jate le.

Kɛkolu 5:15

Wo le k'a kɛ, mɔɔlu tɛɛ nala jangalotɔlu le k'ai lala siya dalu la aiya lafennu ni dɛvɛlu kɔkan, fɔsa ni Piyɛli ka kɛ timinna, a maduulen gbu tɛɛ la a dɔlu kɔkan k'ai lakɛnɛya.

Kɛkolu 6:7

Wo ma, Ala kumakan ka to jɛzɛnna, ani Isa kɔbiladennu ka to siyayala kosɛvɛ Jelusalɛmu, ado salakalaseba siyama ka limaniya siya lataama.

Kɛkolu 8:7

Kamasɔlɔn jinajuulu tɛɛ bɔla mɔɔ siyama lɔ gbanɔkan ne, ani namalani ni falifaamatɔ siyama la ka kɛnɛya.

Kɛkolu 9:34

Piyɛli do vɛɛ a yɛ: «Enese, Masa Tɔɔmasenin Isa v'i lakɛnɛya yi ne. I wuli, i iya lafen ladɛn.» Enese k'i wuli telemanin.

Kɛkolu 9:40

Kɛɛ Piyɛli k'ai bɛ labɔ bon na, k'i bilin a kumɛlɛni la ka Ala dali. A do k'a ɲa kaa fuleni lɔ k'a fɔ a yɛ, a vɛɛ: «Tabita, i wuli!» Wo fɔ, moso ɲa la ka ka. A do ka Piyɛli ye mingɛ, a k'i wuli k'i sii.

Lɔmukalu 15:19

ani kawananko ni tɔɔmaselu, ani Nii Sɛnɛyanin ya foniseleya. Wo boloɲa ma, ka damina Jelusalɛmu ma ka taa sii Ilailikun koovi la, m̀'ɛ ǹa baale dafa ka Masa Tɔɔmasenin ya Samakan Kein lase fan wo bɛ lɔ.