Yohana 14:10 - Ala Ya Salatikan Kula Kitabu

¹⁰ I ma limaniya ba bene k'a fɔ ǹ kafonnin ǹ Fa kan, ale fana kafonnin ǹ kan? Ǹ'i kuma minu fɔla ài yɛ, wolu ma bɔ ǹe gbu lɔ. Kɛɛ ǹ Fa min kafonnin ǹ kan, wo le a kɛkolu kɛla ten.

Yohana 14:10 ပူးပေါင်းရင်းမြစ်များ

Yohana 10:30

Ǹe ni ǹ Fa yi kelen ne le.»

Yohana 10:38

Kɛɛ ni a ka talan ǹ'i wolu le kɛla, ài yi la wolu la, hali ni ài ma la ǹe la, fɔsa ài y'a lɔn k'a gbɛ a ma ko ǹ kafonnin ǹ Fa kan, ale fana kafonnin ǹ kan.»

Yohana 11:26

Ni mɔɔ min do ka to a nii la ka limaniya m̀ ma, wo tii tɛnala sala. I limaniyanin wo ma?»

Yohana 12:49

Kamasɔlɔn m̀ ma kuma ǹe gbu ya seetiiya lɔ, kɛɛ ǹ Fa min na ǹ kelayala, wo gbu le na ǹ jamalila kuma minu fɔko lɔ.

Yohana 14:11

Ài yi la ǹ na k'a fɔ ǹ kafonnin ǹ Fa kan, ale fana kafonnin ǹ kan. Niwotɛ, ài yi la ǹ na ka bɛn ǹ kɛkolu gbu ma.

Yohana 14:20

Wo lon ne, ài kɛtɔ a lɔnna ko ǹ kafonnin ǹ Fa kan, àilu fana kafonnin ǹ kan, ani ǹe fana kafonnin ài kan.

Yohana 14:24

Ni mɔɔ min do ma ǹ kanu, wo tii tɛnala ǹ kumakan labatola. Ài yi kuma min mɛnna yi ne, wo ma bɔ ǹe gbu lɔ, mafɔ ǹ Fa min na ǹ kelayala.

Yohana 17:8

Kamasɔlɔn i na kuma minu fɔla ǹ yɛ, ǹ na wolu le lasena ai ma. Ai do k'ai bolo sii ai kɔlɔ, ani k'a lɔn bɛlɛbɛlɛ kɛ ko m̀ bɔnin ile le fɛlɔ, ani ai vɛ limaniya k'a fɔ ko ile le na ǹ kelayala.

Yohana 3:2

Lon dɔ, a ka taa Isa fɛlɔ su lɔ k'a fɔ a yɛ, a vɛɛ: «Kalanmɔɔ, mɔ k'a lɔn Ala le n'i kelayala mɔɔlu kalanko lɔ, kamasɔlɔn mɔɔ foi tɛ se iya kawananko minu ɲɔɔzii kɛla, ni Ala ma kɛ mɔɔ min fɛ.»

Yohana 5:17

Kɛɛ Isa k'ai javi, a vɛɛ: «Ǹ Fa yi baalela hali bi, ani ǹe gbu yi baalela.»

Yohana 5:19

Wo lɔ, Isa k'a fɔ ai yɛ, a vɛɛ: «Ǹ'i tuɲa fɔ ài yɛ, Denkɛ tɛ se foi kɛla a jɛlɛ ma, mafɔ a v'a Fa yena min kɛla dein. Kamasɔlɔn Fa yi ko ko si kɛla, a Denkɛ fana yi wo ɲɔɔzii le kɛla.

Yohana 7:16

Isa k'ai javi, a vɛɛ: «Ǹa kalan ma bɔ ǹe gbu lɔ, fɔ ǹ kelaba.

Yohana 8:28

Wo lɔ, Isa vɛɛ ai yɛ: «Ài vɛ Mɔɔnivin Tanin lajɛlɛla waate min nɔ, ài kɛtɔ a lɔnna ko: ‹Ǹe le wo le, Min yi je›. Ài do kɛtɔ a lɔnna fana ko ǹ tɛ foi kɛla ǹ jɛlɛkanu ya seetiiya lɔ, kɛɛ ǹ Fa na ǹ kalanna minu la, ǹ'i wolu le lasena ài ma.

Yohana 8:38

Ǹ na ko min yena ǹ Fa fɛlɔ, ǹ'i wo le fɔla. Àilu do na min mɛnna ài fa da, ài yi wo le kɛla.»

Yohana 8:40

Kɛɛ ài yi ǹ faako le ɲaɲininna yi ne, ǹe min na tuɲa fɔla ài yɛ, ǹ na min mɛnna Ala da. Ibulahima ma wo suu kɛ dɛ!

Kɛkolu 10:38

Ala ka Nazalɛtika Isa ta ka a sɔ a Nii Sɛnɛyanin sɔ, ani seetiiya. A do tɛɛ timintiminna kokeinnu kɛla, ka mɔɔlu lakɛnɛya minu bɛ tɔlɔyanin tɛɛ Soitana bolo, kamasɔlɔn Ala tɛɛ a fɛ.

2 Kolɛntikalu 5:19

Kamasɔlɔn Ala tɛɛ baalela Masa Tɔɔmasenin nɔ ka ale ni dunuɲamɔɔlu wotɛbɛn. A ma aiya julumbulu jate wo kɔ. A do ka wotɛbɛn samakan wo kalifa mɔ la.

Kɔlɔsikalu 1:19

Kamasɔlɔn a na diya le la Ala yɛ k'a fɔ ko a jɛlɛkanu kɛɲa dafanin bɛ yi to a Denkɛ lɔ.

Kɔlɔsikalu 2:9

Kamasɔlɔn Ala kɛɲa dafanin sawatinin Masa Tɔɔmasenin falikolo le lɔ.

1 Yohana 5:7

Ado seleya sawa le yi je: