Yohana 13:8 - Ala Ya Salatikan Kula Kitabu

⁸ Piyɛli do vɛɛ a yɛ: «Ǹ tɛ diɲa i yi ǹ sen mako feu!» Wo lɔ, Isa k'a javi, a vɛɛ: «Ni m̀ ma i sen mako, i fɛ tɛnala kɛla ǹ na.»

Yohana 13:8 ပူးပေါင်းရင်းမြစ်များ

Matiyu 16:22

Wo lɔ, Piyɛli k'i dɔni mataa Isa le k'a makuma damina. A do vɛɛ a yɛ: «Ǹ Kuntii, Ala y'i tanga wo ma. Wo tɛ kɛ tuun!»

Matiyu 21:29

A denkɛ do vɛɛ: ‹Ǹ tɛ taala,› kɛɛ kɔfɛ, a ka nimisa ka taa gbele lɔ.

Matiyu 26:33

Wo fɔ Isa bolo, Piyɛli do vɛɛ a yɛ: «Hali bɛ k'i ban i lɔ, kɛɛ ǹe tɛnala m̀ banna i lɔ feu!»

Matiyu 26:35

Kɛɛ Piyɛli do vɛɛ a yɛ: «Hali a ka sii saya la, ǹ tɛnala m̀ banna i lɔ feu!» Isa kɔbiladen tɔlu bɛ ka wo ɲɔɔzii fɔ.

Yohana 13:6

A ka se Simɔn Piyɛli ma mingɛ, wo do vɛɛ a yɛ: «Ǹ Kuntii, ile le kɛtɔ ǹ sen makola?»

Yohana 13:9

Wo fɔ a bolo, Simɔn Piyɛli vɛɛ a yɛ: «Ǹ Kuntii, ni wo le, i kà dan ǹ sen ma dein. I yi m̀ bolo ni ǹ kun fana mako.»

Yohana 3:5

Isa k'a javi, a vɛɛ: «Ǹ'i tuɲa fɔ i yɛ, ni mɔɔ ma sɔlɔn kula kɛ ji ni Nii Sɛnɛyanin sabu la, a tɛ se donna Ala ya masaya lɔ.

Kɛkolu 22:16

I yi mindɛ makɔnɔna butu? I wuli, i yi madaili kɛ mɔ Tii Isa tɔɔ lɔ, ka ban ka makoli sɔlɔn, fɔsa iya julumbulu yi bɔ i ma.›

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

Ɛfɛsikalu 5:26

fɔsa a aa limaniyajama bila a ta fan a jɛlɛ yɛ, a ban kɔ wo lasɛnɛyala ji le ka bɛn a kumakan ma.

Kɔlɔsikalu 2:18

Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

Kɔlɔsikalu 2:23

Tuɲa le, tɔn suu wolu bɔnin hangilimaya le la mɔɔlu ɲana ka bɛn ai jɛlɛkanu diina batokɛɲa ma, ani aiya faɲafɔ fanmajiiko, ani ai falikolo minaɲa gbɛlɛn, kɛɛ nafa pa tɛ wolu la falikolo niikanukolu dansiiko lɔ.

Tite 3:5

a ka mɔ lakisi. Wo do ma kɛ ka bɛn mɔ kɛko telenninu ma, mafɔ aa henandeya, ani Nii Sɛnɛyanin ya makoli, min na mɔ ladan kula kɛla ka niimaya kula di mɔ ma.

Hebululu 10:22

wo le y'a ma, ài m'i mɔ masulunya Ala la josolɔgbɛya boloma, ani limaniya dafanin nɔ, mɔ josokun lasɛnɛyanin ne ka bɔ miliya yonnu ma, ani mɔ falikolo makonin ne ji sɛnɛyanin le.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.