Yohana 13:34 - Ala Ya Salatikan Kula Kitabu

³⁴ Ǹ'i jamali kula le dila ài ma yi ne, ǹ ko, ài ɲɔɔ kanu. Ǹ n'ài kanula teme, fɔ àilu fana y'i ɲɔɔ kanu ten ne.

Yohana 13:34 ပူးပေါင်းရင်းမြစ်များ

Matiyu 5:44

Kɛɛ ǹ'a fɔ ài yɛ, ài y'ài juulu kanu, ka Ala dali ài jangatabalu yɛ,

Yohana 15:17

Ǹ'ài jamalila min na, wo le ài ɲɔɔ kanu.

Yohana 17:21

fɔsa ai bɛ yi kɛ kelen ne, iwo ile ǹ Fa kafonnin ǹ kan teme, ani ǹe gbu kafonnin i kan teme. Diɲa ailu fana yi kafon mɔ kan ten, fɔsa dunuɲa yi limaniya k'a fɔ ko ile le na ǹ kelayala.

Lɔmukalu 12:10

Ài i ɲɔɔ kanu badenmaya boloma, k'i ɲɔɔ buɲa ka timin ài jɛlɛ la.

Lɔmukalu 13:10

Ni i k'i siiɲɔɔ kanu, i tɛnala koyon kɛla a la wo le. Wo ma, mɔɔ min v'a siiɲɔɔ kanula, wo tii vɛ seliya lakunnin dafa.

Lɔmukalu 13:8

Mɔɔ suu suu ya julu kà kɛ ài la, mafɔ kanundeya julu min ka kan ka kɛ ài wotɛ. Kamasɔlɔn mɔɔ min v'a mɔɔɲɔɔ kanula, wo tii vɛ Ala ya seliya lakunnin dafa.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Galatiyakalu 6:10

Wo le y'a ma, ni koɲumakɛ see ka kɛ mɔ yɛ waate min nɔ, ài m'i koɲuma kɛ bɛ yɛ, mɔ badenma limaniyamɔɔlu bɛlɛbɛlɛ le.

Galatiyakalu 6:2

Ài ɲɔɔ madɛmɛn ài kunkolu ma, wo vɛ kɛla, Masa Tɔɔmasenin ya seliya da yi fale.

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Kɔlɔsikalu 1:4

Kamasɔlɔn mɔ v'a mɛn ko ài limaniyanin Masa Tɔɔmasenin Isa ma teme ani àiya kanundeya, ài yi min jiyala mumininnu bɛ la.

1 Tɛsalonikakalu 3:12

Mɔ Tii y'a dɔ la àiya kanundeya kɔkan, k'àiya kanundeya wala i ɲɔɔ yɛ ani mɔɔ bɛ yɛ, iwo ǹu gbu y'ài kanula teme.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

Hebululu 13:1

Ài yi to i ɲɔɔ kanula badenmaya boloma.

Janguba 2:8

Ni ài ka Ala ya masaya seliya latelen iwo a sɛvɛnin kitabu kɔnɔ teme, ko: «I siiɲɔɔ kanu iwo ile gbu,» wo vɛ kɛla, ài gbu v'a kɛ kobɛn.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

2 Piyɛli 1:7

ka badenmaya la àiya Alaɲasiyanɲɛ kɔkan, ani ka kanundeya la àiya badenmaya kɔkan.

1 Yohana 3:11

Ài na kuma min mɛnna ka ta a damina ma, wo le ne: Ài m'i ɲɔɔ kanu.

1 Yohana 3:23

A na jamali min ne dila mɔ ma, ko m'i limaniya a Denkɛ Masa Tɔɔmasenin Isa tɔɔ ma, ani k'i ɲɔɔ kanu iwo a na mɔ jamalila teme.

1 Yohana 4:21

Ado jamali min ne yi mɔ bolo ka bɔ Ala fɛ, ko ni mɔɔ min ka Ala kanu, fɔ wo tii y'a badenma fana kanu.

2 Yohana 1:5

Ǹ diyanan badenmamoso, ǹ'i min fɔla i yɛ yi ne lɛtɛlɛ min nɔ, wo tɛ jamali kula le, mafɔ mɔ na min sɔlɔnna ka ta a damina ma, ko ài m'i ɲɔɔ kanu.