Yohana 13:3 - Ala Ya Salatikan Kula Kitabu

³ Isa tɛɛ k'a lɔn ko a Fa vɛ fen bɛ bila a fanga kɔlɔ, ani ko a bɔnin Ala le fɛlɔ, a do kɔseitɔ Ala le fɛlɔ.

Yohana 13:3 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Matiyu 28:18

Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ.

Luka 10:22

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 13:1

Jani Timinkunna Selilon tɛɛ se, Isa tɛɛ k'a lɔn ko a taa waate ma vɛ sulunya ka bɔ dunuɲa ka taa a Fa fɛlɔ. Aa mɔɔ minu tɛɛ dunuɲa, a tɛɛ wolu le kanula kudein. A do ka to ai kanula haan fɔɔ a laban nɔ.

Yohana 17:2

Kamasɔlɔn i vɛ seetiiya di m̀ ma adamaden bɛ kunna, fɔsa i na mɔɔ minu dila m̀ ma, ǹ'i niimaya banbali di wolu bɛ ma.

Yohana 3:13

Mɔɔ mɔɔ ma jɛlɛ ba bene ka taa haijɛnɛ fɔ Mɔɔnivin Tanin min jiinin ka bɔ je.

Yohana 3:35

Fa y'a Denkɛ kanula. A do vɛ fen bɛ bila a fanga kɔlɔ.

Yohana 7:29

Kɛɛ ǹe do ka a lɔn kamasɔlɔn m̀ bɔnin ale le fɛlɔ, ale le do na ǹ kelayala.»

Yohana 7:33

Isa do k'a fɔ jama yɛ, a vɛɛ: «Ǹ kɛtɔ waateni kɛla ài fɛ bene, wo kɔ, ǹ kɛtɔ taala ǹ kelaba ma.

Yohana 8:14

Isa k'ai javi, a vɛɛ: «Hali ni ǹ ka kɛ seleya dila ka bɛn ǹ jɛlɛ ma, ǹa seleya yi tuɲa le le, kamasɔlɔn ǹ ka m̀ bɔya ni ǹ taaya lɔn.

Yohana 8:42

Isa vɛɛ ai yɛ: «Ni Ala tɛɛ vɛ kɛla ài fa bɛlɛbɛlɛ le, ǹa ko tɛɛ diyale ài yɛ, kamasɔlɔn m̀ bɔnin Ala le fɛlɔ ka na. M̀ ma na ǹe gbu ya seetiiya lɔ, mafɔ ale le na ǹ kelayala.

Kɛkolu 2:36

«Bani Isilankalu bɛ y'a lɔn bɛlɛbɛlɛ kɛ ko Isa min gbaannin tɛɛ kɔlɔman ma ài bolo, Ala v'a kɛ mɔ Tii le ani Masa Tɔɔmasenin.»

1 Kolɛntikalu 15:27

Kamasɔlɔn a sɛvɛnin kitabu kɔnɔ, ko: «Ala vɛ fen bɛ bila a sen kɔlɔ.» Kɛɛ a fɔnin mingɛ ko fen bɛ bilanin a sen kɔlɔ, wo lagbɛyine ko Ala gbu makan tɛ, min kɛtɔ fen bɛ bilala Masa Tɔɔmasenin fanga kɔlɔ.

Hebululu 1:2

Kɛɛ waate laban min nɔ, a vɛ kuma mɔ yɛ a Denkɛ le lɔ, a na kuntiiya latɛɛla min ma aa dannifen bɛ kunna, a do na dunuɲa ladanna min sabu la.