Yohana 13:20 - Ala Ya Salatikan Kula Kitabu

²⁰ Ǹ'i tuɲa fɔ ài yɛ, ni mɔɔ mɔɔ k'a bolo sii ǹa keladen dɔ kɔlɔ, wo tii v'a bolo sii ǹ kɔlɔ. Ado ni mɔɔ min k'a bolo sii ǹ kɔlɔ, wo tii v'a bolo sii ǹ kelaba fana kɔlɔ.»

Yohana 13:20 ပူးပေါင်းရင်းမြစ်များ

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Malɛkɛ 9:37

«Ni mɔɔ mɔɔ k'a bolo sii denni min ɲɔɔzii kɔlɔ ka bɛn ǹa ko ma, wo tii v'a bolo sii ǹe gbu kɔlɔ. Ni do mɔɔ min k'a bolo sii ǹ kɔlɔ, wo tii m'a bolo sii ǹe kelen kɔlɔ, mafɔ ǹ kelaba fana.»

Luka 10:16

Isa k'a fɔ a kɔbiladennu yɛ, a vɛɛ: «Mɔɔ min v'a tolomalɔla ài la, wo tii v'a tolomalɔ ǹ na. Mɔɔ min v'i banna ài lɔ, wo tii v'i ban ǹe fana lɔ. Ado mɔɔ min v'i banna ǹ nɔ, wo tii v'i ban ǹ kelaba lɔ fana.»

Luka 9:48

k'a fɔ ai yɛ, a vɛɛ: «Ni mɔɔ min k'a bolo sii denni min ɲɔɔzii kɔlɔ ka bɛn ǹa ko ma, wo tii v'a bolo sii ǹe gbu kɔlɔ. Ni mɔɔ min do k'a bolo sii ǹ kɔlɔ, wo tii v'a bolo sii ǹ kelaba fana kɔlɔ. Kamasɔlɔn mɔɔ min v'a jɛlɛ dɔɔyala ài bɛ lɔ, wo tii le buɲanin ài bɛ le.»

Galatiyakalu 4:14

Hali ǹa jangaloko gbeleyanin ka kɛ ài ma, kɛɛ ài ma ǹ lafeya, niwotɛ k'ài ban ǹ nɔ. Ài do k'ài bolo sii ǹ kɔlɔ iwo Ala ya mɛlɛka dɔ, niwotɛ iwo Masa Tɔɔmasenin Isa gbu.

Kɔlɔsikalu 2:6

Komi ài vɛ ài bolo sii Masa Tɔɔmasenin Isa kɔlɔ k'a kɛ ài Tii le, wo ma, ài yi kɛ taamana aa kafonɲɔɔya lɔ,

1 Tɛsalonikakalu 4:8

Wo le y'a ma, ni mɔɔ mɔɔ si k'i ban jamali min ma, wo tii m'i ban adamaden nɔ, mafɔ Ala min y'a Nii Sɛnɛyanin dila ài ma.