Yohana 13:14 - Ala Ya Salatikan Kula Kitabu

¹⁴ Ni ǹe min y'ài Kuntii ni ài Kalanmɔɔ le, m̀'ɛ ài sen mako, wo lɔ, àilu fana ka kan k'i ɲɔɔ sen mako.

Yohana 13:14 ပူးပေါင်းရင်းမြစ်များ

Yohana 11:2

Mɔyamu min na tulu sumadiyanin munna mɔ Kuntii sen ma k'a matɛ a kunsi la, wo dɔɔkɛ Lazali le tɛɛ jangalola.

Kɛkolu 20:35

Ǹ n'a jiyala ài la ko minu bɛ lɔ, mɔ ka kan ka baale gbɛlɛn kɛ teme fandannilu madɛmɛnko lɔ, ani ka mɔ hangili to mɔ Tii Isa gbu kumakan nɔ, ko: ‹Koɲumakɛba ya duwawu walayine ka timin koɲuma yi kɛla mɔɔ min yɛ.› »

Lɔmukalu 12:10

Ài i ɲɔɔ kanu badenmaya boloma, k'i ɲɔɔ buɲa ka timin ài jɛlɛ la.

Lɔmukalu 12:16

Bɛn yi kɛ ài wotɛ. Ài k'ài fannɔbuɲa, mafɔ diɲɔɔya yi kɛ àilu ni bolomadɔɔlu wotɛ. Ài k'ài jɛlɛ jate hangilima le feu.

1 Kolɛntikalu 12:3

Wo lɔ, ǹ'a fɛ ài y'a ɲaye ko mɔɔ min vɛ kɛla kumala Ala Nii Sɛnɛyanin sabu la, wo tii tɛnala a fɔla ko: «Isa daanyine!» Ado mɔɔ tɛnala a fɔla ko: «Isa yi ǹ Tii le le», ni Nii Sɛnɛyanin tɛ wo tii ma fɛ.

1 Kolɛntikalu 8:13

Wo le y'a ma, ni dɔnnifen dɔ ka kɛ m̀ badenma kunnɔtɛɛko sabu le, wo vɛ kɛla, ǹ tɛnala soo dɔnna butu feu, fɔsa m̀ badenma kunnɔ kana tɛɛ.

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 8:9

Kamasɔlɔn ài ka mɔ Tii Masa Tɔɔmasenin Isa ya nɛɛma lɔn. Hali a tɛɛ banaya lɔ, kɛɛ a k'a jɛlɛ kɛ bolokolon ne ka bɛn àiya ko le ma, fɔsa ài yi kɛ bana le aa bolokolonya fɛ.

Galatiyakalu 5:13

Àilu koni m̀ badenmalu, Ala n'ài kilila ài lafɛlɛko le lɔ. Kɛɛ àiya lafɛlɛ wo kà kɛ sabu le k'ài bila ài falikolo ladiyanankolu kɔ, mafɔ ài ɲɔɔ madɛmɛn kanundeya boloma.

Filipikalu 2:11

Ado ai bɛ kɛtɔ ai lɔla a la k'a fɔ ko Masa Tɔɔmasenin Isa le yi Tii le, fɔsa magbiliyali yi kɛ mɔ Fa Ala yɛ.

1 Timote 5:10

A mangutu yi lɔn aa koɲumakɛko lɔ, ko a na a dennu lasonna kobɛn, ka lonalu lɔmina kobɛn, ka mumininnu madɛmɛn fanmajii boloma, ka mɔɔ tɔlɔyaninnu makolu laɲia, ani k'a jɛlɛ di koɲuma suu bɛ dɔ kɛko lɔ.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

1 Piyɛli 4:1

Komi Masa Tɔɔmasenin na tɔlɔyala a falikolo lɔ, wo lɔ, àilu fana y'ài jɛlɛ bama miliya kelen wo le, kamasɔlɔn mɔɔ min vɛ tɔlɔyala a falikolo lɔ, wo tii v'i nɔningɛ julumbu tako ma.

1 Piyɛli 5:5

Wo boloɲa kelen ma, àilu fɔningelu y'ài fanmajii kɛmɔbalu yɛ. Ài bɛ i ɲɔɔ madɛmɛn fanmajii boloma, kamasɔlɔn a sɛvɛnin kitabu kɔnɔ, ko: «Ala yi mɔɔ fannɔbalu le kɛlɛla, kɛɛ a yi nɛɛma le dila mɔɔ fanmajiininnu ma.»