Yohana 12:32 - Ala Ya Salatikan Kula Kitabu

³² Ǹe koni la vɛ jɛlɛla ka bɔ duukolo kɔkan, ǹ kɛtɔ adamaden bɛ masamana k'ai lana m̀ ma.»

Yohana 12:32 ပူးပေါင်းရင်းမြစ်များ

Yohana 1:7

A do ka na ka kɛ kɛnɛya wo masele le, fɔsa bɛ yi limaniya a sabu la.

Yohana 12:34

Wo lɔ, jama vɛɛ a yɛ: «Mɔ n'a mɛnna ko a sɛvɛnin seliya kitabu kɔnɔ ko Masa Tɔɔmasenin totɔ niimaya le lɔ kudein. Wo ma yi ne, mindɛ y'a kɛla vɛ i y'a fɔla ko Mɔɔnivin Tanin la ka kan ka jɛlɛ ka bɔ duukolo kɔkan? I kan yi Mɔɔnivin Tanin min ma, jene yi wo tii le?»

Yohana 18:32

Wo ka kɛ fɔsa Isa kumakan ma tɛɛ fa teme, a na min fɔla ka bɛn a faaɲa ma.

Yohana 19:17

Isa do vɛ bɔla so kɔnɔ, a v'a jɛlɛkanu gbaankɔlɔman tala, ka taa Kunkolo Dingila lɔ, ai y'a fɔla tɛɛminja ma Hebulukan nɔ ko Gɔligota.

Yohana 3:14

Ado Nabi Musa na sa sawula lajɛlɛla kɔlɔman ma fuwa lɔ teme, fɔ Mɔɔnivin Tanin fana la yi jɛlɛ ten ne,

Yohana 6:44

Mɔɔ suu suu tɛ se nala m̀ ma, ni ǹ Fa min na ǹ kelayala, ni ale ma wo tii masama k'a lana m̀ ma. Ǹe do kɛtɔ wo tii lawulila ka bɔ saya lɔ dunuɲa laban lon.

Yohana 8:28

Wo lɔ, Isa vɛɛ ai yɛ: «Ài vɛ Mɔɔnivin Tanin lajɛlɛla waate min nɔ, ài kɛtɔ a lɔnna ko: ‹Ǹe le wo le, Min yi je›. Ài do kɛtɔ a lɔnna fana ko ǹ tɛ foi kɛla ǹ jɛlɛkanu ya seetiiya lɔ, kɛɛ ǹ Fa na ǹ kalanna minu la, ǹ'i wolu le lasena ài ma.

Galatiyakalu 3:13

Masa Tɔɔmasenin ka mɔ kunmaka ka mɔ bɔ seliya ya daan kɔlɔ, kamasɔlɔn a k'a jɛlɛ bila daan kɔlɔ maa ko le lɔ, iwo a sɛvɛnin teme kitabu kɔnɔ, ko: «Mɔɔ mɔɔ si su dɛnnin kɔlɔman na, wo tii daanyine.»

1 Timote 2:6

min n'a jɛlɛ bɔla salaka le ka bɛn mɔɔ bɛ kunmakako ma, min seleya dinin a waate bɛlɛ lɔ.

Hebululu 2:9

Kɛɛ mɔ do yi ale le yena, min lɔya ka dɔɔya ka timin mɛlɛkalu ta la waateni kɔlɔ, Isa koni, magbiliyali ni buɲali dinin a ma iwo masayafula ka bɛn aa saya tɔlɔya ma, fɔsa a tɛɛ sa bɛ yɛ ka bɛn Ala ya nɛɛma ma.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 2:2

Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.

Ko Lankɛnɛmayanin 5:9

Ai do vɛ baiti kula dɔ lala, ai vɛɛ: «Ka kafa mina, ani k'a tɔɔmaselu bɔ a ma, ile ni wo kaanyine. Kamasɔlɔn i kannatɛɛyine tɛɛ, ado ka bɛn i jeli bɔnko ma, i vɛ mɔɔlu kunmaka Ala yɛ, ka bɔ dunuɲa kabila bɛ lɔ, ani kan bɛ, ani siboloma bɛ, ani jamana bɛ.