Yohana 12:31 - Ala Ya Salatikan Kula Kitabu

³¹ Tandainɔ yi ne, dunuɲa kititɛɛ waate vɛ se, ado dunuɲa kuntii gbɛntɔle butu.

Yohana 12:31 ပူးပေါင်းရင်းမြစ်များ

Matiyu 12:28

Kɛɛ ni a ka talan ǹ'i jinalu gbɛnna mɔɔlu lɔ Ala Nii Sɛnɛyanin ya seetiiya le lɔ, wo vɛ kɛla, Ala ya masaya vɛ ban sena ài tɛma.

Yohana 14:30

Ǹ tɛnala mɛnna kumala ài fɛ, kamasɔlɔn dunuɲa kuntii yi nala. See foi tɛ a yɛ ǹ kan,

Yohana 3:19

Jobaliya wo kun ne min ne: Kɛnɛya vɛ na dunuɲa, kɛɛ divi le diyanin adamadennu yɛ ka timin kɛnɛya la, kamasɔlɔn ai kɛkolu le kɛwonyanin.

Yohana 9:39

Isa do vɛɛ: «Ǹ nanin dunuɲa kititɛɛko le lɔ, fɔsa ɲagbɛlu ɲa la yi ka ani yenikɛbalu ɲa yi gbɛ.»

Kɛkolu 26:18

ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

1 Kolɛntikalu 1:20

Hangilimalu yi se mindɛ fɔla butu? Seliya kalanmɔɔlu yi se mindɛ fɔla butu? Bi sɔsɔyalindelu yi se mindɛ fɔla butu? Jalasa Ala m'a lagbɛ ko dunuɲa min hangilimaya yi hangilindanya le le?

1 Kolɛntikalu 1:21

Ala k'a latɛɛ aa hangilimaya lɔ ko dunuɲa ni aa hangilimaya bɛ, a ma se Ala lɔnna a jɛlɛkanu ya hangilimaya fɛ. Kɛɛ a do ka diya Ala yɛ ka a malimaniyamɔɔlu lakisi ka bɛn kawanili wo ma, dunuɲamɔɔlu yi min jatela hangilindanya kuma le.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

Ɛfɛsikalu 6:12

Kamasɔlɔn maa kɛlɛ tɛ adamadennu kanma, kɛɛ a yi kuntiilu ni seetiilu le kanma, ani fanga yi minu bolo dunuɲa divi min nɔ, ani fangatii yenbali minu siinin sangbolo dingilalu lɔ koyonkɛ kanma.

Kɔlɔsikalu 2:15

Wo boloɲa ma, a ka fangatii ni kuntii yenbalilu ya seetiiya tiɲa, k'ai lamaloya bala lɔ iwo kɛlɛkɔlɔdennu, a vɛ seesɔlɔntaama kɛla ai ɲa ka bɛn a gbaankɔlɔman ma.

Hebululu 2:14

Komi den wolu yi mɔɔnivin ne le, wo lɔ, Isa gbu k'a fɛ bila aiya mɔɔnivinya la, fɔsa ka bɛn aa saya ma, a tɛɛ Soitana fanga tiɲa, saya fanga yi min bolo,

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

1 Yohana 4:4

Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.