Yohana 12:27 - Ala Ya Salatikan Kula Kitabu

²⁷ «Ǹ joso tɔlɔyine. Wo lɔ, ǹ'i mindɛ fɔ? Jalasa ǹ'a fɔle, ǹ ko: ‹Ǹ Fa, i yi m̀ matanga tɔlɔya waate min ma›? Wo tɛ bɛn, kamasɔlɔn ǹ nakun ne wo le.

Yohana 12:27 ပူးပေါင်းရင်းမြစ်များ

Matiyu 11:25

Wo waate kelen nɔ, Isa k'a fɔ, a vɛɛ: «Ǹ Fa, sangbolo ni duukolo Tii, ǹ'i balika bɔla i yɛ, kamasɔlɔn i na ko minu doonna hangilima ni lɔnnilalu ma, i vɛ wolu jiya kalanbalilu la.

Matiyu 11:26

Tuɲa le ǹ Fa, min kɛko n'i diya le la.»

Matiyu 26:42

Isa ka bɔ ai fɛ a siɲa filana lɔ ka taa Ala dali kɔtunun, a vɛɛ: «Ǹ Fa, ni a ɲa gbɛlɛ tɛ je, fɔ ǹ'i m̀ min jiyafɛ min nɔ, wo vɛ kɛla, i sawo yi kɛ.»

Matiyu 26:45

Wo kɛ, a ka seikɔ a kɔbiladennu fɛlɔ k'a fɔ ai yɛ, a vɛɛ: «Hali bi ài yi sunɔɔ lɔ, ani k'ài nɔningɛ? A ye, waate vɛ se. Mɔɔnivin Tanin yi don bolo le ma julumbutɔlu bolo.

Luka 22:44

Isa ka to josomakasi lɔ, a k'a dɔ la aa madaili kɔkan, a talaji vɛ benbenna duu ma iwo jeli.

Luka 22:53

Lon bɛ, ǹ tɛɛ ài fɛ lɔhɔlɔmabonba la, kɛɛ do, ài m'i lɔja ka m̀ mina je. Kɛɛ àiya waate le ne, ani divi ya seesɔlɔn waate.»

Yohana 11:41

Wo fɔ, ai ka kawakulun makulukulu k'a bɔ kabulu da la. Isa k'a ɲa lajɛlɛ sanma k'a fɔ, a vɛɛ: «Ǹ Fa, ǹ'i balika bɔla i yɛ kamasɔlɔn i vɛ ǹ kan mɛn.

Yohana 12:23

Wo lɔ, Isa k'ai javi, a vɛɛ: «Mɔɔnivin Tanin ya magbiliyali waate vɛ se.

Yohana 13:21

Isa wɔlinin wo fɔla, a joso ka tɔlɔya. A do k'a fɔ ai yɛ k'a lagbɛ, a vɛɛ: «Ǹ'i tuɲa fɔ ài yɛ, ài lɔ mɔɔ kelen kɛtɔ ǹ janvala.»

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

1 Timote 1:15

Kuma min yi tuɲa le le, bɛ ka kan k'a bolo sii min kɔlɔ feu: Masa Tɔɔmasenin Isa nanin dunuɲa kɔnɔ julumbutɔlu lakisiko le lɔ, ado ǹ taanin kɛla wolu bɛ lɔ mɔɔ kɛwon ne le.

Hebululu 2:14

Komi den wolu yi mɔɔnivin ne le, wo lɔ, Isa gbu k'a fɛ bila aiya mɔɔnivinya la, fɔsa ka bɛn aa saya ma, a tɛɛ Soitana fanga tiɲa, saya fanga yi min bolo,

Hebululu 5:7

Isa ya dunuɲalɔtɛɛ lɔ, a ka madaili ni madiyali kɛ Ala yɛ kasikan ba ni ɲaji lɔ, a see tɛɛ min yɛ k'a lakisi saya ma. Ado Ala ka aa madailikan javi ka bɛn a ɲasiyanɲɛ le ma.