Yohana 12:20 - Ala Ya Salatikan Kula Kitabu

²⁰ Wo k'a talan, Gɛlɛkika dɔlu tɛɛ batokɛbalu tɛma minu taanin tɛɛ Jelusalɛmu selibɔya lɔ.

Yohana 12:20 ပူးပေါင်းရင်းမြစ်များ

Malɛkɛ 7:26

Siboloma gbɛlɛ mɔɔ le tɛɛ, min sɔlɔnnin Fenisi koovi lɔ, Siliya jamana lɔ. A do vɛ Isa madiyala ko a yi jina gbɛn k'a bɔ a denmoso lɔ.

Yohana 12:1

Timinkunna Selilon tɛɛ vɛ to tele wɔɔlɔ, wo lɔ, Isa ka taa se Betani ka don Lazali ya bon na, a na min lawulila ka bɔ saya lɔ.

Yohana 12:19

Wo lɔ, Falisilu k'a fɔ i ɲɔɔ yɛ, ai vɛɛ: «Ài y'a ye, ài tɛ se foi ɲiala butu, kamasɔlɔn dunuɲa bɛ vɛ bila a kɔ!»

Yohana 7:35

Jahudiya kuntiilu k'a fɔ i ɲɔɔ yɛ, ai vɛɛ: «Kɛ́ min taatɔ min ne, k'a fɔ ko mɔ tɛnala a yena? Jalasa a a fɛ ka taa maa mɔɔlu ma minu siinin Gɛlɛki solu la, ka Gɛlɛkikalu kalan?

Kɛkolu 14:1

Pɔli ni Baanabasi senin Ikoniyɔmu so kɔnɔ, ai ka don Jahudiyalu ya Aladalibon na. Ai ka to kumala boloɲa dɔ ma, Jahudiya ni Gɛlɛkika siyama ka limaniya.

Kɛkolu 16:1

Wo kɔ, Pɔli ni Silasi ka se Dɛlɛbɛ so kɔnɔ, ka bɔ je ka taa Lisitile. Kɛ́ dɔ tɛɛ je Isa kɔbiladennu tɛma, min tɔɔ tɛɛ ko Timote. A ba tɛɛ Jahudiya limaniyamɔɔ le le, kɛɛ a fa tɛɛ Gɛlɛkika le le.

Kɛkolu 17:4

Jahudiya dɔlu ka la kuma wo la, ani Gɛlɛkika Alaɲasiyanɲɛmɔɔ siyama, ani moso tɔɔlama jilika. Ai bɛ k'ai lɔ Pɔli ni Silasi fɛ.

Kɛkolu 20:21

Ǹ tɛɛ Jahudiyalu ni siboloma bɛ lalila ko ai y'ai jɛlɛ lasei Ala ma, ka limaniya mɔ Tii Isa ma.

Kɛkolu 21:28

Ai do vɛ gbanɔla, ai vɛɛ: «Bani Isilanka kɛ́lu, ài yi na, ài yi mɔ madɛmɛn! Kɛ́ min ne yi mɔɔlu bɛ kalanna fan bɛ lɔ mɔ siboloma kanma, ani Nabi Musa ya seliya kanma, ani lɔhɔlɔma dingila min kanma. K'a dɔ la wo bɛ kɔkan, a vɛ na siboloma gbɛlɛ mɔɔlu gbu le lɔhɔlɔmabonba la, ka lɔhɔlɔma dingila min kɔsɔ.»

Kɛkolu 8:27

Wo fɔ, Filipe v'i wulila ka taa. Wo k'a talan Etiyopiya kɛ́ dɔ tɛɛ siya wo la. Kɛ́ tɛnnin ne tɛɛ, min siinin tɛɛ Etiyopiya masamoso Kandasi ya nafolo bɛ kunna. Wo taanin tɛɛ Ala batoya lɔ Jelusalɛmu.

Lɔmukalu 1:16

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Lɔmukalu 10:12

Wo lɔ saa, wotɛbɔli tɛ Jahudiyalu ni siboloma gbɛlɛ mɔɔlu wotɛ butu, kamasɔlɔn Tii kelen ne yi bɛ kunna, a do y'aa nɛɛma dila a tɔɔ kiliba bɛ le ma kosɛvɛ.

Galatiyakalu 2:3

Kɛɛ hali ǹ taamaɲɔɔ Tite min yi Gɛlɛkika le, ai ma diyanigbeya la a kɔkan a makɛnɛkɛko lɔ.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Kɔlɔsikalu 3:11

Wo le y'a ma, wotɛbɔli tɛ butu Gɛlɛkika ni Jahudiyalu wotɛ, niwotɛ mɔɔ makɛnɛkɛnin ani mɔɔ makɛnɛkɛbalilu, niwotɛ tuukɔlɔmɔɔ ni siboloma ɲamakabalilu, niwotɛ jɔn ani hɔlɔlu, wo foi tɛ jatela. Min yi jatela, wo le Masa Tɔɔmasenin ne dein, a do yi bɛ le josokun nɔ.