Yohana 11:52 - Ala Ya Salatikan Kula Kitabu

⁵² A do tɛnala sala Jahudiyalu ya ko lɔ dein, mafɔ ka Ala ya mɔɔ jɛzɛnninu bɛ ladɛn k'ai kɛ falikolo kelen ne.

Yohana 11:52 ပူးပေါင်းရင်းမြစ်များ

Luka 15:8

«Niwotɛ, moso mindɛ le yi je, ni aa wɔligbana kelen ka tunun aa wɔligbana tan tɛma, a tɛnala fitina lamɛnɛnna ka bon latɛ k'a ɲinin kobɛn haan fɔɔ k'a ye?

Luka 2:32

Kɛnɛya le a le i sawonankolu lankɛnɛmayako lɔ siboloma bɛ yɛ, ani magbiliyali le a le Bani Isilankalu ma.»

Yohana 1:12

Kɛɛ mɔɔ minu k'ai bolo sii a kɔlɔ ka limaniya a ma, a ka see di wolu bɛ ma k'ai kɛ Ala den ne.

Yohana 1:29

Wo kɛnɛbɔlon, Yaya ka Isa natɔla ye a ma k'a fɔ, a vɛɛ: «Ài ɲa kaa! Ala ya Saa Bolan ne ve le, min yi julumbu bɔla dunuɲamɔɔlu ma.

Yohana 10:16

Saa gbɛlɛlu yi m̀ bolo, minu tɛ wɛlɛ min nɔ. Fɔ ǹ'i na wolu fana le. Ai do kɛtɔ ǹ kan mɛnna. Wo vɛ kɛla, ai bɛ kɛtɔ saa kulu kelen ne le, k'ai kɛ saakunnasiiba kelen bolo.

Yohana 12:32

Ǹe koni la vɛ jɛlɛla ka bɔ duukolo kɔkan, ǹ kɛtɔ adamaden bɛ masamana k'ai lana m̀ ma.»

Kɛkolu 18:10

kamasɔlɔn ǹe gbu i fɛ. Mɔɔ mɔɔ tɛnala a benna i kan ka koyon kɛ i la, kamasɔlɔn ǹa mɔɔlu walayine so min kɔnɔ.»

Lɔmukalu 3:29

Niwotɛ, Ala yi Jahudiyalu Tii le le dein? Siboloma gbɛlɛ mɔɔlu fana Tii tɛ Ala le? Wolu fana y'a ta le le jɔ!

Lɔmukalu 4:17

A do sɛvɛnin tan ne kitabu kɔnɔ, ko: «M̀'ɛ i kɛ siboloma siyama bema le.» Ibulahima yi mɔ bema le le Ala ɲakɔlɔ, a limaniyanin tɛɛ min ma, Ala min yi niimaya dila fulenilu ma, ani min yi fennu ladanna minu la tɛɛ ma dan ba.

Ɛfɛsikalu 1:5

Ala n'a latɛɛla ko m'i kɛ a jɛlɛkanu dennu le Masa Tɔɔmasenin Isa fɛ ka bɛn a diyanan kolatɛɛnin ma.

Ɛfɛsikalu 3:11

Wo bɛ ka kɛ ka bɛn aa habadan kolatɛɛnin ne ma, a na min mafala mɔ Tii Masa Tɔɔmasenin Isa fɛ.

Janguba 1:1

Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.

1 Piyɛli 1:1

Ǹe Piyɛli min yi Masa Tɔɔmasenin Isa ya keladen ne, ǹ'i lɛtɛlɛ min sɛvɛla Ala ya mɔɔ taninnu le ma minu siinin lonaya lɔ Pɔndu, Galatiya, Kapadɔsiya, Esiya, ani Bitiniya koovilu lɔ.

1 Yohana 2:2

Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.

1 Yohana 3:1

Ài y'a ye mɔ Fa na mɔ kanula teme, haan fɔɔ ai y'a fɔla mɔ ma ko Ala dennu. Mɔ gbu do yi wo le le! Dailu min na kɛla dunuɲa ma mɔ lɔn, wo le, dunuɲa ma Ala lɔn.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.

1 Yohana 3:2

Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.

Ko Lankɛnɛmayanin 5:9

Ai do vɛ baiti kula dɔ lala, ai vɛɛ: «Ka kafa mina, ani k'a tɔɔmaselu bɔ a ma, ile ni wo kaanyine. Kamasɔlɔn i kannatɛɛyine tɛɛ, ado ka bɛn i jeli bɔnko ma, i vɛ mɔɔlu kunmaka Ala yɛ, ka bɔ dunuɲa kabila bɛ lɔ, ani kan bɛ, ani siboloma bɛ, ani jamana bɛ.