Yohana 10:4 - Ala Ya Salatikan Kula Kitabu

⁴ A vɛ aa saa bɛ labɔla, wo vɛ kɛla, a yi bila ai ɲa ka taa. Ado saalu yi bilala a kɔ, kamasɔlɔn ai k'a kan lɔn.

Yohana 10:4 ပူးပေါင်းရင်းမြစ်များ

Matiyu 16:24

Wo kɔ, Isa k'a fɔ a kɔbiladennu yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Yohana 10:16

Saa gbɛlɛlu yi m̀ bolo, minu tɛ wɛlɛ min nɔ. Fɔ ǹ'i na wolu fana le. Ai do kɛtɔ ǹ kan mɛnna. Wo vɛ kɛla, ai bɛ kɛtɔ saa kulu kelen ne le, k'ai kɛ saakunnasiiba kelen bolo.

Yohana 10:27

Ǹa saalu y'ai tolomalɔla ǹ kumakan na. Ǹ k'ai lɔn, ai do yi bilala ǹ kɔ.

Yohana 10:3

Dalakanaba yi da lakala ale le yɛ. Saalu y'a kan mɛnna. A aa saalu kilila, a bɛ ni a tɔɔ, ka bɔ ai le kɛnɛma.

Yohana 10:5

Ai tɛ bilala mɔɔ gbɛlɛ kɔ, fɔ ka bɔli a ma, kamasɔlɔn ai ma wo tii kan lɔn.»

Yohana 10:8

Mɔɔ minu nanin ǹ ɲa, son ni benkannikɛba le wo bɛ le, kɛɛ saalu ma ai tolomalɔ wolu ma.

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Yohana 13:15

M̀'ɛ wo misali di ài ma fɔsa ài y'a kɛ iwo ǹ n'a kɛla teme.

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

Yohana 3:29

Kɔɲɛmoso yi kɔɲɛfa ta le le. Kɔɲɛfa tɔva y'i lɔla a dafɛ, a tolomalɔnin vɛ a la, a vɛ kɔɲɛfa kan mɛnna, a kɔnɔlɔ yi diyala kosɛvɛ. Wo sawa ɲɔɔzii le yi ǹ na, a do da vɛ fa.

1 Kolɛntikalu 11:1

Ài yi suma m̀ ma iwo ǹ'i ǹ sumala Masa Tɔɔmasenin ma teme.

Ɛfɛsikalu 5:1

Komi Ala diyanan den ne ài le, wo lɔ, ài yi suma a ma,

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Hebululu 6:20

Isa kɛnin mɔɔ kunfɔlɔ le ka don tɛɛminja mɔ ɲa mɔ madɛmɛnko lɔ, ka kɛ salakalase kuntiiba le kudein iwo Mɛlikizɛdɛki tɛɛ teme.

1 Piyɛli 2:21

Ài kilinin wo le kanma, kamasɔlɔn Masa Tɔɔmasenin gbu le na tɔlɔya masɔlɔnna ka bɛn àiya ko ma, ka wo kɛ misali le ài yɛ, fɔsa àilu gbu yi taama a sennɔ lɔ.

1 Piyɛli 4:1

Komi Masa Tɔɔmasenin na tɔlɔyala a falikolo lɔ, wo lɔ, àilu fana y'ài jɛlɛ bama miliya kelen wo le, kamasɔlɔn mɔɔ min vɛ tɔlɔyala a falikolo lɔ, wo tii v'i nɔningɛ julumbu tako ma.

1 Piyɛli 5:3

Ài k'ài fanga la mɔɔlu kɔkan minu kalifanin ài la, mafɔ ài yi kɛ misali ɲuma le saa kulu yɛ.