Yohana 10:31 - Ala Ya Salatikan Kula Kitabu

³¹ Wo fɔ Isa bolo, Jahudiyalu ka kawakulunnu ta kɔtunun ko ai y'a bon k'a faa.

Yohana 10:31 ပူးပေါင်းရင်းမြစ်များ

Matiyu 12:14

Wo kɛ, Falisilu ka bɔ je ka taa ai kun bilin i ɲɔɔ ma Isa faako lɔ.

Matiyu 21:35

Kɛɛ gbelekunnasiibalu ka aa bɔidennu mina, k'a dɔ gbasi, k'a dɔ faa, ani k'a dɔgbɛlɛ bon kawakulun na.

Matiyu 23:35

Wo lɔ saa, mɔɔ telennin minu jeli vɛ bɔn dunuɲa, wo bɛ hakɛ bilatɔ ài kɔ, ka ta telenmande Habila ma haan fɔɔ ka na sii Balakiya denkɛ Zakaliya la, ài na min faala lɔhɔlɔmabonba ni salakagbalan wotɛ.

Yohana 1:19

Yaya ya seleyakan le ne, Jahudiya kuntiilu ka salakalasebalu ni Levi kabiladen dɔlu kelaya a ma waate min nɔ ka bɔ Jelusalɛmu. Ai do ka taa ka Yaya maɲininga, ai vɛɛ: «Jene i le le?»

Yohana 10:24

Jahudiya dɔlu vɛ ai ladɛnna Isa laminin nɔ je k'a fɔ a yɛ, ai vɛɛ: «I kɛtɔ sika bɔla mɔ lɔ waate mindɛ? Ni ile le Masa Tɔɔmasenin ne, i y'a fɔ mɔ yɛ k'a lagbɛ.»

Yohana 10:32

Isa do vɛɛ ai yɛ wo lɔ: «Ǹ na kɛko ɲuma siyama jiyala ài la minu bɔnin ǹ Fa fɛ. Ài y'a fɛ ka m̀ mabon a mindɛ ya ko lɔ?»

Yohana 11:8

A kɔbiladennu do vɛɛ a yɛ: «Kalanmɔɔ, a lɔ ma mɛn ba bene Jahudiya kuntiilu tɛɛ a fɛ k'i bon kawakulun na je. I taatɔ je le kɔtunun?»

Yohana 5:18

Ka bɛn kuma wo ma, Jahudiya kuntiilu tɛɛ Isa faako ɲaɲininna ka timin a kunfɔlɔ ta la. Nɔningɛlon laana tiɲako tɛɛ tɛ dein, kɛɛ a tɛɛ a fɔla kɔtunun Ala ma ko a Fa, k'a jɛlɛ lɔkaɲa Ala ma wo lɔ.

Yohana 8:59

Wo fɔ Isa bolo, ai vɛ kawakulunnu tala ko ai y'a bon, kɛɛ Isa k'i doon ka bɔ lɔhɔlɔmabonba luu kɔnɔ ka taa.

Kɛkolu 7:52

Wo kela vɛ je, k'a fɔ ko ài bemanu ma min jangata? Ai do ka keladen wolu faa, minu tɛɛ Ala ya Mɔɔ Telennin nako lasena, ài na min janvala yi ne k'a faa.