Yohana 10:27 - Ala Ya Salatikan Kula Kitabu

²⁷ Ǹa saalu y'ai tolomalɔla ǹ kumakan na. Ǹ k'ai lɔn, ai do yi bilala ǹ kɔ.

Yohana 10:27 ပူးပေါင်းရင်းမြစ်များ

Matiyu 16:24

Wo kɔ, Isa k'a fɔ a kɔbiladennu yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Matiyu 25:12

Kɔɲɛfa do vɛɛ ai yɛ: ‹Ǹ'i tuɲa fɔ ài yɛ, m̀ ma ài lɔn feu!› »

Matiyu 7:23

Wo lon na, ǹ kɛtɔ a fɔla ai yɛ k'a lagbɛ, ǹ ko: ‹M̀ ma ài lɔn feu! Àilu koyonkɛbalu, ài yi bɔ ǹ ɲakɔlɔ!› »

Malɛkɛ 10:21

Isa k'i ɲa kaa a lɔ kanundeya boloma k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo ba kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Malɛkɛ 8:34

Wo kɛ, Isa ka jama ni a kɔbiladennu kili k'a fɔ ai yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Luka 13:27

A do kɛtɔ a fɔla ài yɛ kɔtunun, a vɛɛ: ‹Ǹ'a fɔ ài yɛ, m̀ ma ài bɔya lɔn. Àilu koyonkɛbalu, ài y'ài majaanya ǹ na!›

Luka 9:23

Wo kɔ, a k'a fɔ jama bɛ yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, k'a gbaankɔlɔman ta lon bɛ ka bila ǹ kɔ.

Yohana 10:14

Ǹe le saakunnasiiba ɲuma le. Ǹ ka ǹa saalu lɔn, ai do ka ǹ lɔn,

Yohana 10:16

Saa gbɛlɛlu yi m̀ bolo, minu tɛ wɛlɛ min nɔ. Fɔ ǹ'i na wolu fana le. Ai do kɛtɔ ǹ kan mɛnna. Wo vɛ kɛla, ai bɛ kɛtɔ saa kulu kelen ne le, k'ai kɛ saakunnasiiba kelen bolo.

Yohana 10:8

Mɔɔ minu nanin ǹ ɲa, son ni benkannikɛba le wo bɛ le, kɛɛ saalu ma ai tolomalɔ wolu ma.

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Yohana 21:22

Isa k'a javi, a vɛɛ: «Ni ǹ'a fɛ a yi to a nii la haan fɔɔ m̀'ɛ ǹ kɔseila lon min na, iya ko mindɛ le wo lɔ? Fɔ i yi bila ǹ kɔ!»

Yohana 5:25

Ǹ'i tuɲa fɔ ài yɛ, waate dɔ sentɔ, a do vɛ se butu, fulenilu kɛtɔ Ala Denkɛ kumakan mɛnna, ado minu vɛ a kumakan mɛnna, wolu le kɛtɔ niimaya kɛla.

Yohana 8:12

Isa k'a fɔ jama yɛ kɔtunun, a vɛɛ: «Ǹe le dunuɲa kɛnɛya le. Ni mɔɔ min ka bila ǹ kɔ, wo tii tɛnala taamana divi lɔ butu, mafɔ a kɛtɔ kɛnɛya sɔlɔnna min yi niimaya dila.»

Yohana 8:43

Ǹ'i min fɔla yi ne, mindɛ lɔ ài tɛ wo ɲayena? Kamasɔlɔn a see tɛ ài yɛ k'ài bolo sii ǹ kumakannu kɔlɔ.

Kɛkolu 3:23

Ni mɔɔ mɔɔ ma kela wo labato, wo tii bɔtɔle Ala ya mɔɔlu tɛma ka halaki.›

1 Kolɛntikalu 8:3

Kɛɛ ni mɔɔ mɔɔ ka Ala kanu, Ala ka wo tii lɔn ne.

Galatiyakalu 4:9

Ài do vɛ Ala lɔn butu, niwotɛ Ala gbu vɛ ài lɔn aa mɔɔlu le. Mindɛ lɔ ài y'a fɛ k'ài kɔsei dunuɲa niimani fangandan kundannu ma k'ài kɛ wolu ya jɔnnu le kɔtunun?

2 Timote 2:19

Wo bɛ n'a kɛ, Ala gbu le na bonjusii min lɔla, wo bamayine kpekpe. Kuma minu le sɛvɛnin bonjusii wo kɔkan, ko: «Mɔ Tii k'a jɛlɛkanu mɔɔlu lɔn.» Ani ko: «Mɔɔ min v'a fɔla ko mɔ Tii ta le a le, fɔ wo tii y'a kɔdon telenbaliyakolu la.»

Hebululu 3:7

Wo ma, a kɛyine iwo Nii Sɛnɛyanin n'a fɔla kitabu kɔnɔ teme, ko: «Ni ài ka Ala kumakan mɛn bi,

Ko Lankɛnɛmayanin 14:4

Wolu le tɛɛ ma ai jɛlɛ lakɔsɔ mosolu fɛ, kamasɔlɔn ai tɛɛ m'i la moso fɛ tuun. Saa Bolan vɛ taala tɛɛ o tɛɛ lɔ, mɔɔ wolu yi bilala a kɔ. Wolu kunma tɛɛ vɛ ka ka bɔ adamadennu tɛma, iwo sɛnɛfenden kunfɔlɔ min yi niila Ala ni Saa Bolan ma.

Ko Lankɛnɛmayanin 3:20

A ye, ǹ lɔnin da la, ǹ'a makɔnkɔnna. Ni mɔɔ mɔɔ si ka ǹ kan mɛn ka da laka, ǹ kɛtɔ donna wo tii fɛlɔ, m'i dɔnni kɛ i ɲɔɔ fɛ.