Yohana 10:15 - Ala Ya Salatikan Kula Kitabu

¹⁵ iwo ǹ Fa ka ǹ lɔn teme, ani ǹ ka ǹ Fa fana lɔn ten ne. Ǹe do yi ǹ nii dila saalu ya ko lɔ.

Yohana 10:15 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Matiyu 20:28

Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Luka 10:21

Wo waate kelen nɔ, Isa ka sawa Nii Sɛnɛyanin sabu la, a vɛɛ: «Ǹ Fa, sangbolo ni duukolo Tii, ǹ'i balika bɔla i yɛ, kamasɔlɔn i na ko minu doonna hangilima ni lɔnnilalu ma, i vɛ wolu jiya kalanbalilu la. Tuɲa le ǹ Fa, min kɛko n'i diya le la.»

Luka 10:22

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 10:11

«Ǹe le saakunnasiiba ɲuma le. Saakunnasiiba ɲuma le y'a nii dila saalu ya ko lɔ.

Yohana 15:13

Ni mɔɔ dɔ v'a nii dila a tɔvalu ya ko lɔ, kanundeya suu suu tɛ timin wo la.

Yohana 17:25

«Ǹ Fa telenmande, hali dunuɲa m'i lɔn, kɛɛ ǹe do k'i lɔn, ani mɔɔ minu fana v'a lɔn ko ile le na ǹ kelayala.

Yohana 6:46

A tɛ k'a fɔ ko dɔ vɛ ǹ Fa ye. Mɔɔ suu suu ma ǹ Fa ye ba, mafɔ ale min bɔnin a fɛlɔ, wo le vɛ a ye.

Yohana 8:55

Ài ma a lɔn, kɛɛ ǹe do ka a lɔn ne. Ni ǹ tɛɛ v'a fɔla m̀ ma a lɔn, ǹ tɛɛ kɛle ài ɲɔɔzii faɲafɔba dɔ le. Kɛɛ do, ǹ ka a lɔn ne, ado ǹ'a kumakan labatola.

Galatiyakalu 1:4

Ka bɛn mɔ Fa Ala sawo ma, Isa k'a jɛlɛ di salaka le ka mɔ lakisi maa julumbulu ma, ani ka mɔ lafɛlɛ ka mɔ bɔ dunuɲa yon min fanga kɔlɔ.

Galatiyakalu 3:13

Masa Tɔɔmasenin ka mɔ kunmaka ka mɔ bɔ seliya ya daan kɔlɔ, kamasɔlɔn a k'a jɛlɛ bila daan kɔlɔ maa ko le lɔ, iwo a sɛvɛnin teme kitabu kɔnɔ, ko: «Mɔɔ mɔɔ si su dɛnnin kɔlɔman na, wo tii daanyine.»

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 2:2

Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.