Yohana 10:12 - Ala Ya Salatikan Kula Kitabu

¹² Mɔɔ min yi baalela wɔliko lɔ, wo tii tɛ saakunnasiiba bɛlɛ le, kumatɛ saalu tii. Ni a ka soofali dɔ natɔla ye, a yi saalu tola je ka bɔli. Soofali do yi saa dɔlu minale, k'a tɔlu lɔjɛzɛn.

Yohana 10:12 ပူးပေါင်းရင်းမြစ်များ

Matiyu 10:16

«Ǹ'ài kelayala ka kɛ iwo saa minu bilanin soofalilu tɛma. Wo ma, ài hangili yi sii, iwo sa hangili siinin teme. Ài kɛko ma yi fa, iwo poponi mafanin teme.

Matiyu 7:15

«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le.

Yohana 10:13

A yi bɔlile, kamasɔlɔn wɔliɲininba le a le, min mako pa tɛ saalu lakanako la.

Yohana 10:2

Kɛɛ mɔɔ min do yi donna wɛlɛ donda la, wo tii le saakunnasiiba bɛlɛbɛlɛ le.

Yohana 10:3

Dalakanaba yi da lakala ale le yɛ. Saalu y'a kan mɛnna. A aa saalu kilila, a bɛ ni a tɔɔ, ka bɔ ai le kɛnɛma.

Kɛkolu 20:29

Ǹ k'a lɔn m̀'ɛ taala waate min nɔ, mɔɔ yonnu dontɔ ài tɛma iwo soofalilu, minu tɛnala saa kulu tola je.

1 Timote 3:3

A do kà kɛ gbɛtɔ le, niwotɛ mɔɔ faiyanin, mafɔ mɔɔ sɔniyanin. A kà kɛ sɔsɔyalikɛba le, niwotɛ wɔliko nata yi mɔɔ min na.

1 Timote 3:8

Wo boloɲa kelen ma, limaniyajama makoɲabɔbalu yi kɛ mɔɔ sɔvɛ le. Ai do kà kɛ wunafalilu le, niwotɛ gbɛtɔlu, niwotɛ wɔliko nata yi mɔɔ minu la.

2 Timote 4:10

Kamasɔlɔn Demasi vɛ m̀ bila ka taa Tɛsalonika so kɔnɔ ka bɛn dunuɲa ladiyaɲɛ ma. Ado Kelesen vɛ taa Galatiya koovi lɔ, ani Tite fana taanin Damatiya koovi lɔ.

Tite 1:7

Komi Ala ya baale kalifanin a la, wo lɔ, fɔ limaniyajama kunmafɛlɛnba yi kɛ jalakibali le. A kà kɛ mɔɔ kafanin ne, niwotɛ josobatii, niwotɛ gbɛtɔ, niwotɛ mɔɔ faiyanin, niwotɛ nataba.

1 Piyɛli 5:2

ǹ ko, ài y'ài jando Ala ya saa kulu lɔ min kalifanin ài la. Ài y'ai kunmafɛlɛn lɔfɔlin boloma, diyanigbeyako tɛ, iwo Ala a fɛ ài y'a kɛ teme. Ài do kà a kɛ tɔnɔ sɔlɔnko le min mamaloyanin, mafɔ ài y'a kɛ miliya ɲuma kan.

2 Piyɛli 2:3

Kalanmɔɔ wolu kɛtɔ ài tɔɲɔla natabaya boloma aiya faɲafɔ kumalu le. Kɛɛ ka ta waate jaan ma, aiya kiti vɛ ban tɛɛla, ado ai halaki waate kunnɔjaannin tɛ butu.