Yohana 10:1 - Ala Ya Salatikan Kula Kitabu

¹ Isa vɛɛ: «Ǹ'i tuɲa fɔ ài yɛ, mɔɔ min tɛ donna saa wɛlɛ donda la, fɔ ka jɛlɛ ka don fan gbɛlɛ, wo tii yi son ni benkannikɛba le le.

Yohana 10:1 ပူးပေါင်းရင်းမြစ်များ

Matiyu 7:15

«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le.

Yohana 10:7

Wo lɔ, Isa vɛɛ ai yɛ kɔtunun: «Ǹ'i tuɲa fɔ ài yɛ, ǹe le saa wɛlɛ donda le.

Yohana 3:3

Isa k'a javi, a vɛɛ: «Ǹ'i tuɲa fɔ i yɛ, ni mɔɔ min ma sɔlɔn kula kɛ, wo tii tɛ se Ala ya masaya yena.»

Lɔmukalu 10:15

Mɔɔ kɛtɔ ai kawanila di vɛ, ni mɔɔ ma kelaya ai ma? A sɛvɛnin tan ne kitabu kɔnɔ, ko: «Samakan Kein lasenbalu yenko bɛnyine feu!»

Lɔmukalu 16:18

Mɔɔ suu wolu tɛ baalela mɔ Tii Masa Tɔɔmasenin yɛ, mafɔ ai kɔnɔgbolo. Ai do yi kuma madiyanin ne fɔla ka mɔɔlu matɔɔ fuun fɔsa ai yi koɲayebalilu manɛɛ.

Tite 1:11

Fɔ wolu la yi jeden, kamasɔlɔn ai yi bonkelennamɔɔlu bɛ le kunnɔtɛɛla kelen ne aiya kalan bɛnbali le, fɔsa ai yi tɔnɔ sɔlɔn malobaliya boloma.

Hebululu 5:4

Mɔɔ tɛ se buɲa suu wo tala k'a di i jɛlɛ ma, mafɔ Ala vɛ mɔɔ min kilila, iwo a ka Sedina Haluna kili teme.

1 Piyɛli 1:10

Kelalu tɛɛ kisiko wo le ɲaɲininna k'a lakɔlɔsi kobɛn, ani ai tɛɛ kelaya kɛla ka bɛn nɛɛma wo ma min ditɔ ài ma.

2 Piyɛli 2:1

Iwo faɲafɔ kelalu k'i wuli teme Bani Isilankalu tɛma kɔlɔkɔlɔ le, wo boloɲa kelen ma, faɲafɔ kalanmɔɔlu wulitɔ ài tɛma doon nɔ ka na kalan dɔlu le minu yi halakili lasena mɔɔlu ma, hali k'ai ban ai Tii gbu lɔ min n'ai kunmakala. Ai do kɛtɔ halakili lasena ai jɛlɛ ma jona.

2 Piyɛli 2:3

Kalanmɔɔ wolu kɛtɔ ài tɔɲɔla natabaya boloma aiya faɲafɔ kumalu le. Kɛɛ ka ta waate jaan ma, aiya kiti vɛ ban tɛɛla, ado ai halaki waate kunnɔjaannin tɛ butu.

1 Yohana 4:1

Ǹ diyananmɔɔlu, ài kà la mɔɔ bɛ la minu y'a fɔla ko Ala Nii y'ai fɛ, kɛɛ ài y'ai lakɔlɔsi bene k'a lɔn ni Ala Nii le y'ai fɛ, kamasɔlɔn faɲafɔ kelalu vɛ siyaya dunuɲa.