Yohana 1:51 - Ala Ya Salatikan Kula Kitabu

⁵¹ A do vɛɛ kɔtunun: «Ǹ'i tuɲa fɔ ài yɛ, ài kɛtɔ sangbolo dalakanin yena ka Ala ya mɛlɛkalu ye jii ni jɛlɛla Mɔɔnivin Tanin kunna.»

Yohana 1:51 ပူးပေါင်းရင်းမြစ်များ

Matiyu 25:31

«Mɔɔnivin Tanin vɛ nala aa magbiliyali lɔ lon min na, mɛlɛka bɛ vɛ a fɛ, a siitɔ aa masayasiifen nɔɔlɔnin nɔ.

Matiyu 26:24

Ado Mɔɔnivin Tanin faatɔle iwo a sɛvɛnin kitabu kɔnɔ teme ka bɛn a ma. Kɛɛ mɔɔ min kɛtɔ a janvala, gbalo yi wo tii ma yɛ. Hali ni wo tii tɛɛ ma sɔlɔn, wo tɛɛ bɛnne a ma feu.»

Matiyu 3:16

Isa makonin ka bɔ kɔɔ kɔlɔ feeya, sangbolo da ka ka telemanin, a do ka Nii Sɛnɛyanin jiitɔla ye a kan iwo poponi.

Matiyu 4:11

Wo kɛnin, Soitana ka bɔ a kɔ ka taa. Mɛlɛkalu do ka na ka Isa madɛmɛn.

Matiyu 8:20

Isa do vɛɛ a yɛ: «Diɲa yi jɛɛkani bolo, ɲaa yi kɔnɔni bolo, kɛɛ dingila tɛ Mɔɔnivin Tanin bolo, a a nɔningɛ tɛɛminja.»

Matiyu 9:6

Kɛɛ do, fɔ ài y'a lɔn a see yi Mɔɔnivin Tanin yɛ ka julumbulu lɔkoto dunuɲa.» Wo fɔ Isa bolo, a vɛɛ falifaamatɔ yɛ: «I wuli, i iya dɛvɛ ta ka taa iya bon na.»

Malɛkɛ 1:10

Isa bɔtɔla ji lɔ, a ka sangbolo da lakanin ye telemanin, ka Nii Sɛnɛyanin jiitɔla ye a kɔkan iwo poponi.

Malɛkɛ 14:62

Isa k'a javi, a vɛɛ: «Ǹe le wo le, ado ài kɛtɔ Mɔɔnivin Tanin siinin yena Seebɛtii Ala bolokini fannɔ, ani ka a natɔla ye sanbiliya lɔ ka bɔ sangbolo lɔ.»

Luka 2:13

Telemanin, mɛlɛka kɛlɛkɛjama ba ka na ka bɔ haijɛnɛ, ka kafon mɛlɛka kunfɔlɔ kan, ai bɛ vɛ Ala tanula, ai vɛɛ:

Luka 2:9

Mɔ Tii ya mɛlɛka ka bɔ gbɛ la ai ɲakɔlɔ, ado mɔ Tii nɔɔlɔ ka mɛnɛn k'ai makɛ kala. Ai do ka siyan bubale.

Luka 22:43

Wo waate kelen, mɛlɛka dɔ ka bɔ haijɛnɛ ka na k'a sɛmɛdon.

Luka 22:69

Kɛɛ ǹ'a fɔ ài yɛ, ka ta bi ma, Mɔɔnivin Tanin kɛtɔ a siila Seebɛtii Ala bolokini fannɔ.»

Luka 24:4

Ai ka to wo kɔnɔlɔfili lɔ, telemanin kɛ́ fila ka bɔ gbɛ la k'i lɔ ai dafɛ, faani gbɛ pepe vɛ ai kanna.

Luka 3:21

Yaya tɛɛ mɔɔ bɛ makola kɔɔ kɔlɔ waate min nɔ, a ka Isa fana mako. Isa ka to Ala dalila je, sangbolo da la ka ka,

Yohana 1:50

Isa do vɛɛ a yɛ: «Ǹ n'a fɔ mingɛla i yɛ, ǹ ko, ǹ n'i yena toloju kɔlɔ, wo le na i limaniyala m̀ ma? I kɛtɔ ko gbɛlɛlu yena minu buɲanin vɛ wo le!»

Yohana 10:1

Isa vɛɛ: «Ǹ'i tuɲa fɔ ài yɛ, mɔɔ min tɛ donna saa wɛlɛ donda la, fɔ ka jɛlɛ ka don fan gbɛlɛ, wo tii yi son ni benkannikɛba le le.

Yohana 10:7

Wo lɔ, Isa vɛɛ ai yɛ kɔtunun: «Ǹ'i tuɲa fɔ ài yɛ, ǹe le saa wɛlɛ donda le.

Yohana 13:16

Ǹ'i tuɲa fɔ ài yɛ, jɔn tɛ buɲa sɔlɔnna ka timin aa jɔnfa la. Keladen fana tɛ buɲa sɔlɔnna ka timin a kelaba la.

Yohana 13:38

Isa do k'a javi, a vɛɛ: «I lɔbɛnyine k'i nii di ǹa ko lɔ, kɛlɛ? Ǹ'i tuɲa fɔ i yɛ, donon tɛnala kumunna ni i m'a fɔ siɲa sawa le ko i ma ǹ lɔn.»

Yohana 14:12

Ǹ'i tuɲa fɔ ài yɛ, mɔɔ min vɛ limaniyala m̀ ma, wo tii fana kɛtɔ ǹ kɛko ɲɔɔziilu kɛla. A do kɛtɔ a dɔlu kɛla minu buɲanin ǹ talu le, kamasɔlɔn ǹ taatɔle ǹ Fa fɛlɔ.

Yohana 16:20

Ǹ'i tuɲa fɔ ài yɛ, ài kasitɔ k'ai maɲuma, k'a talan dunuɲa kɔnɔlɔ yi diyala. Ài niilafintɔ, kɛɛ àiya niilafin kɛtɔ jɛlɛmana ka kɛ kɔnɔlɔdiya le.

Yohana 16:23

«Wo lon vɛ sena, ài tɛnala ǹ dalila ko ko si la butu. Ǹ'i tuɲa fɔ ài yɛ, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 21:18

Ǹ'i tuɲa fɔ i yɛ, i kavelenya waate, i tɛɛ i jɛlɛ lɔbɛnna ka taa tɛɛ o tɛɛ lɔ min v'i diyala. Kɛɛ i vɛ kɔlɔyala, i kɛtɔ i bolo lɔsamana ani mɔɔ gbɛlɛ kɛtɔ i tɛma silila ka taa i le dingila dɔ lɔ, i t'a fɛ ka taa tɛɛminja.»

Yohana 3:3

Isa k'a javi, a vɛɛ: «Ǹ'i tuɲa fɔ i yɛ, ni mɔɔ min ma sɔlɔn kula kɛ, wo tii tɛ se Ala ya masaya yena.»

Yohana 3:5

Isa k'a javi, a vɛɛ: «Ǹ'i tuɲa fɔ i yɛ, ni mɔɔ ma sɔlɔn kula kɛ ji ni Nii Sɛnɛyanin sabu la, a tɛ se donna Ala ya masaya lɔ.

Yohana 5:19

Wo lɔ, Isa k'a fɔ ai yɛ, a vɛɛ: «Ǹ'i tuɲa fɔ ài yɛ, Denkɛ tɛ se foi kɛla a jɛlɛ ma, mafɔ a v'a Fa yena min kɛla dein. Kamasɔlɔn Fa yi ko ko si kɛla, a Denkɛ fana yi wo ɲɔɔzii le kɛla.

Yohana 5:27

A do na kititɛɛ seetiiya dila a ma, kamasɔlɔn ale le Mɔɔnivin Tanin ne.

Yohana 6:26

Isa k'ai javi, a vɛɛ: «Ǹ'i tuɲa fɔ ài yɛ, ài tɛ ǹ ɲininna ǹa kawananko tɔɔmaselu ɲayenko lɔ, mafɔ ài na bulu min dɔnna mingɛ k'ài fa kpe.

Yohana 6:32

Wo fɔ ai bolo, Isa vɛɛ ai yɛ: «Ǹ'i tuɲa fɔ ài yɛ, Nabi Musa ma bulu di ài ma ka bɔ haijɛnɛ, mafɔ ǹ Fa le yi bulu bɛlɛbɛlɛ dila ài ma ka bɔ haijɛnɛ.

Yohana 6:47

Ǹ'i tuɲa fɔ ài yɛ, ni mɔɔ mɔɔ ka limaniya, niimaya banbali yi wo tii le yɛ.

Yohana 6:53

Wo kɛ, Isa vɛɛ ai yɛ: «Ǹ'i tuɲa fɔ ài yɛ, ni ài ma ǹe Mɔɔnivin Tanin falikolo dɔn ani ka ǹ jeli min, ài tɛnala niimaya sɔlɔnna.

Yohana 8:34

Isa vɛɛ: «Ǹ'i tuɲa fɔ ài yɛ, mɔɔ minu yi julumbu tala, wolu yi julumbu ya jɔn ne le.

Yohana 8:51

Ǹ'i tuɲa fɔ ài yɛ, ni mɔɔ min ka ǹ kumakan labato, wo tii tɛnala saya masɔlɔnna tuun.»

Yohana 8:58

Isa vɛɛ ai yɛ: «Ǹ'i tuɲa fɔ ài yɛ, jani Ibulahima tɛɛ sɔlɔn, ǹe le wo le, Min yi je.»

Kɛkolu 10:11

A do ka sangbolo dalakanin ye, ka fen dɔ jiitɔla ye min kɛnin tɛɛ iwo bilingan ba, a minanin tɛɛ a tungun naani la.

Kɛkolu 7:56

A do vɛɛ: «A ye! M̀'ɛ haijɛnɛ dalakanin ye, ka Mɔɔnivin Tanin lɔnin ye Ala bolokini fannɔ.»

2 Tɛsalonikakalu 1:7

ani ka àilu mɔɔ tɔlɔninnu josolajii, ani ǹu fana, mɔ Tii Isa la vɛ nkɛnɛmayala ka bɔ sangbolo lɔ lon min na, aa mɛlɛka makawanilu v'a fɛ.

2 Tɛsalonikakalu 1:9

Aiya kolatɔn kɛtɔ halaki banbali le le, k'ai mataa mɔ Tii la ani aa seetiiya makawanin.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

Hebululu 1:14

Wo lɔ saa, mɛlɛkalu bɛ tɛ fɔɲɛ le le ani Ala ya bɔidennu, minu kelayanin mɔɔ lakisininnu madɛmɛnko lɔ?

Jude 1:14

Enɔki, min tɛɛ Mema Adama bɔzɔn wolowulanna lɔsii le, wo le ka kelaya kɛ ka bɛn faɲafɔ kalanmɔɔ wolu ya ko ma, a vɛɛ: «Ài y'a ye! Mɔ Tii kɛtɔ nala aa lɔhɔlɔma mɛlɛka waa jilika jilika le,

Ko Lankɛnɛmayanin 19:11

Ǹ ka to kolasaala, ǹ ka sangbolo dakanin ye, soo gbɛ ka bɔ gbɛ la. A labɔliba min siinin tɛɛ a kɔkan, ai y'a fɔla min ma ko Lanande ani Tuɲande. A do yi kolatɔn kɛla ani ka kɛlɛ kɛ telenmandeya boloma.

Ko Lankɛnɛmayanin 4:1

Wo kɔ, ko dɔgbɛlɛ la ka jɛlɛ ǹ ɲa ma, ado ǹ ka da lakanin ye haijɛnɛ. Ǹ na kumakan kunfɔlɔ min mɛnna min kɛnin tɛɛ iwo buulufɛkan, wo vɛɛ ǹ yɛ: «Jɛlɛ jannɔ. Ko minu kɛtɔ kɛla min kɔ, ǹ kɛtɔ wolu jiyala i la.»