Yohana 1:33 - Ala Ya Salatikan Kula Kitabu

³³ Ǹe koni tɛɛ m'a lɔn kunfɔlɔ le, kɛɛ min na ǹ kelayala ka mɔɔlu mako ji le, wo tii le n'a fɔla ǹ yɛ, a vɛɛ: ‹I vɛ Nii Sɛnɛyanin jiitɔla yena ka to mɔɔ min fɛ, wo tii le kɛtɔ mɔɔlu makola Nii Sɛnɛyanin ne.›

Yohana 1:33 ပူးပေါင်းရင်းမြစ်များ

Matiyu 3:11

Ǹ'ài makola ji le le k'a jiya ko ài vɛ ài dajoo mafalin, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala ta a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le.

Luka 3:16

Wo le k'a kɛ, Yaya k'ai bɛ javi, a vɛɛ: «Ǹ'ài makola ji le le, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala julu fɔlin a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le!

Yohana 1:31

Ǹe koni tɛɛ m'a lɔn kunfɔlɔ le, kɛɛ ǹ nanin mɔɔlu makola ji le le, fɔsa a la yi nkɛnɛmaya Bani Isilankalu yɛ.»

Yohana 14:26

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 3:34

Ala na mɔɔ min kelayala, wo le yi Ala kumakannu lasena, kamasɔlɔn Ala yi Nii Sɛnɛyanin dila a ma bɛlɛbɛlɛ kɛ.

Yohana 3:5

Isa k'a javi, a vɛɛ: «Ǹ'i tuɲa fɔ i yɛ, ni mɔɔ ma sɔlɔn kula kɛ ji ni Nii Sɛnɛyanin sabu la, a tɛ se donna Ala ya masaya lɔ.

Yohana 7:39

Isa kan tɛɛ Nii Sɛnɛyanin ne ma, min ditɔ a malimaniyamɔɔlu ma. Wo waate lɔ, Nii Sɛnɛyanin tɛɛ ma di ba bene, kamasɔlɔn Isa tɛɛ ma magbiliyali sɔlɔn ba bene.

Kɛkolu 1:5

Kamasɔlɔn Yaya tɛɛ mɔɔlu makola ji le le, kɛɛ tele dana vɛ timinna, ài makotɔ Nii Sɛnɛyanin ne le.»

Kɛkolu 2:4

Ai bɛ josola ka fa Nii Sɛnɛyanin la, ai do ka kuma damina kan gbɛlɛlu lɔ iwo Nii Sɛnɛyanin ka see di ai ma teme.

1 Kolɛntikalu 12:13

Kamasɔlɔn mɔ bɛ makonin Nii Sɛnɛyanin kelen ne bolo ka mɔ kɛ falikolo kelen ne. Wo le y'a ma, i ka kɛ Jahudiya le o, i ka kɛ siboloma gbɛlɛ le o, i ka kɛ jɔn ne o, i ka kɛ mɔɔ lafɛlɛnin ne o, mɔ bɛ laminnin Nii Sɛnɛyanin kelen ne le.