Yohana 1:29 - Ala Ya Salatikan Kula Kitabu

²⁹ Wo kɛnɛbɔlon, Yaya ka Isa natɔla ye a ma k'a fɔ, a vɛɛ: «Ài ɲa kaa! Ala ya Saa Bolan ne ve le, min yi julumbu bɔla dunuɲamɔɔlu ma.

Yohana 1:29 ပူးပေါင်းရင်းမြစ်များ

Matiyu 1:21

A kɛtɔ denkɛ sɔlɔnna. I y'a tɔɔla ko Isa, kamasɔlɔn ale le kɛtɔ aa mɔɔlu lakisila k'ai bɔ aiya julumbulu lɔ.»

Matiyu 20:28

Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Yohana 1:35

Wo kɛnɛbɔlon, Yaya ni a kɔbiladen fila tɛɛ lɔnin je kɔtunun.

Yohana 1:36

A do ka Isa timintɔla ye k'a fɔ, a vɛɛ: «Ài ɲa kaa! Ala ya Saa Bolan ne ve le!»

Yohana 1:43

Wo dusagbɛlon, Isa ka miliya ta ko a yi taa Galile koovi lɔ. A do ka Filipe ye k'a fɔ a yɛ, a vɛɛ: «Na, i yi bila ǹ kɔ.»

Yohana 2:1

Tele fila a sawana, kɔɲɛmalɔ tolon dɔ ka kɛ Kana so kɔnɔ, Galile koovi lɔ. Ado Isa ba tɛɛ je.

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Yohana 4:42

Ai k'a fɔ moso yɛ, ai vɛɛ: «Tandainɔ yi ne, mɔ ma limaniya ka bɛn i kumakan ma, kɛɛ ǹu gbu v'a kumakan mɛn yi ne, ado mɔ v'a lɔn feu ko ale le dunuɲa bɛ Lakisiba le.»

Yohana 6:51

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Kɛkolu 13:39

Ado ni mɔɔ minu ka limaniya a ma, wolu bɛ la yi fɛlɛle k'ai bɔ aiya julumbu bɛ ma, k'a talan Nabi Musa ya seliya ma se ài lafɛlɛla.

Kɛkolu 8:32

A tɛɛ dingila min kalanna, wo le min ne, ko: «A kɛyine tɛɛ iwo saa min lananin a kannatɛɛba ma, ado saa bolan tɛ kasila a sitɛɛba bolo teme, a do ma foi fɔ ten ne.

1 Kolɛntikalu 15:3

Ǹ na kalan kulugbɛlɛn min sɔlɔnna, ǹ na wo le lasena ài ma kunfɔlɔ le: Masa Tɔɔmasenin sanin maa julumbulu ya ko le lɔ iwo a sɛvɛnin kitabu kɔnɔ teme.

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

Galatiyakalu 1:4

Ka bɛn mɔ Fa Ala sawo ma, Isa k'a jɛlɛ di salaka le ka mɔ lakisi maa julumbulu ma, ani ka mɔ lafɛlɛ ka mɔ bɔ dunuɲa yon min fanga kɔlɔ.

Galatiyakalu 3:13

Masa Tɔɔmasenin ka mɔ kunmaka ka mɔ bɔ seliya ya daan kɔlɔ, kamasɔlɔn a k'a jɛlɛ bila daan kɔlɔ maa ko le lɔ, iwo a sɛvɛnin teme kitabu kɔnɔ, ko: «Mɔɔ mɔɔ si su dɛnnin kɔlɔman na, wo tii daanyine.»

1 Timote 2:6

min n'a jɛlɛ bɔla salaka le ka bɛn mɔɔ bɛ kunmakako ma, min seleya dinin a waate bɛlɛ lɔ.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

Hebululu 2:17

Wo le n'a kɛla, fɔ a tɛɛ kɛ a badenmalu ɲɔɔzii le ko bɛ lɔ, fɔsa a yi kɛ salakalase kuntiiba lanande ni henande le Ala ya baale lɔ, ani ka kɛ mɔɔlu ya julumbulu lɔkotoko sabu le.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

1 Piyɛli 1:19

mafɔ Masa Tɔɔmasenin jeli kulugbɛlɛn min kɛnin iwo saa bolan salaka, fɛɛ tɛ min na, kumatɛ kɔsɔ ma.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 2:2

Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.

1 Yohana 3:5

Ài k'a lɔn ko Isa la na nkɛnɛmayala fɔsa a yi maa julumbulu bɔ mɔ ma, ado julumbu foi tɛ ale ma.

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.

Ko Lankɛnɛmayanin 12:11

Mɔ badenmalu vɛ see sɔlɔn a ma, ka bɛn Saa Bolan jeli bɔnko ma ani aiya seleyakannu, kamasɔlɔn ai ma aiya niimaya kanu haan fɔɔ ka siyan saya ɲa.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.

Ko Lankɛnɛmayanin 14:1

Wo kɔ, ǹ ka Saa Bolan lɔnin ye Ziyɔn tini kɔkan. Mɔɔ waa kɛmɛ ni mɔɔ waa binaani ni waa naani (144 000) tɛɛ a fɛ, ale ni a Fa tɔɔ sɛvɛnin tɛɛ wolu ten na.

Ko Lankɛnɛmayanin 14:10

wo vɛ kɛla, wo tii la yi minne Ala ya gbɛ la, min taanin kɛla aa mɔnɛya le, min ɲaamibali kɛtɔ kɛla aa mɔnɛya jiyafɛ kɔnɔ. Wo tii kɛtɔ jangatala taa ni timiliki kawa ɲɛninninu tɛma lɔhɔlɔma mɛlɛkalu ni Saa Bolan ɲakɔlɔ.

Ko Lankɛnɛmayanin 14:4

Wolu le tɛɛ ma ai jɛlɛ lakɔsɔ mosolu fɛ, kamasɔlɔn ai tɛɛ m'i la moso fɛ tuun. Saa Bolan vɛ taala tɛɛ o tɛɛ lɔ, mɔɔ wolu yi bilala a kɔ. Wolu kunma tɛɛ vɛ ka ka bɔ adamadennu tɛma, iwo sɛnɛfenden kunfɔlɔ min yi niila Ala ni Saa Bolan ma.

Ko Lankɛnɛmayanin 15:3

Ai tɛɛ Ala ya bɔiden Musa ya baiti lala, ani Saa Bolan ya baiti, ai vɛɛ: «Ala Seebɛtii, i kɛko bɛ makawayine ka buɲa. I kokɛɲalu telenyine, a bɛ yi tuɲa le le, ile, siboloma bɛ ya Masa.

Ko Lankɛnɛmayanin 17:14

Ai kɛtɔ kɛlɛ bilala Saa Bolan na, kɛɛ Saa Bolan kɛtɔ see sɔlɔnna ai ma, kamasɔlɔn ale le tiilu ta Tii le, ani masalu ya Masa. A kɔbiladen minu kɛtɔ see sɔlɔnna a fɛ, wolu le aa mɔɔ kilininnu le, ani aa mɔɔ taninnu, ani lanandelu.»

Ko Lankɛnɛmayanin 19:7

Ài m'i sawa ka mɔ josoladiya ka magbiliyali di a ma. Kamasɔlɔn Saa Bolan ya kɔɲɛmalɔ tolon vɛ se, ado aa kɔɲɛmoso vɛ a jɛlɛ lɔbɛn.

Ko Lankɛnɛmayanin 19:9

Wo kɔ, mɛlɛka k'a fɔ ǹ yɛ, a vɛɛ: «Min sɛvɛ: Duwawuden ne mɔɔ wolu le minu kilinin ka taa Saa Bolan ya kɔɲɛmalɔ dɔnnikɛya lɔ.» A do vɛɛ ǹ yɛ kɔtunun: «Kuma minu yi Ala ya kuma bɛlɛbɛlɛ le le.»

Ko Lankɛnɛmayanin 21:14

Jiin min tɛɛ so laminin nɔ, wo lɔnin tɛɛ jiin jusii kawa tan ni fila le kɔkan, Saa Bolan ya keladen mɔɔ tan ni fila tɔɔlu sɛvɛnin tɛɛ minu ma.

Ko Lankɛnɛmayanin 21:27

Kɛɛ fen kɔsɔnin foi tɛnala donna je, kumatɛ kolakɔsɔninkɛbalu ni faɲafɔbalu ma. Mɔɔ minu do tɔɔ sɛvɛnin Saa Bolan ya niimaya kitabu kɔnɔ, wolu le kɛtɔ donna je dein.

Ko Lankɛnɛmayanin 21:9

Wo kɔ, jangata wolowulan tɛɛ tasa wolowulan kɔnɔ mɛlɛka wolowulan minu bolo, wo kelen k'i madon ǹ na. A do vɛɛ ǹ yɛ: «Na jan, ǹ kɛtɔ kɔɲɛmoso jiyala i la, min taanin kɛla Saa Bolan fulumoso le.»

Ko Lankɛnɛmayanin 5:6

Wo kɔ, ǹ ka Saa Bolan dɔ lɔnin ye masayasiifen tɛmala lɔ, min kɛnin tɛɛ iwo a kannatɛɛnin vɛ, niimafen naani wolu ni kɛmɔbalu vɛ a laminin nɔ. Kele wolowulan ni ɲaden wolowulan ne tɛɛ saa wo kun ma. Ɲaden wolu taanin kɛla Ala ya nii wolowulan ne le, minu kelanin dunuɲa fan bɛ lɔ.

Ko Lankɛnɛmayanin 5:8

A ka kafa mina mingɛ, niimafen naani wolu ani kɛmɔba muan ni naani (24) ka suudi ben Saa Bolan wo yɛ. Kɔni tɛɛ ai kelenkelenna bɛ bolo, ani sanu tasa min lafanin tɛɛ wusulan na, min taanin kɛla mumininnu ya Aladalikannu le.

Ko Lankɛnɛmayanin 6:1

Wo kɔ, ǹ ka Saa Bolan ye tɔɔmase kunfɔlɔ bɔla kafa ma. Wo kɛ, niimafen naani wolu lɔ kelen k'a kan labɔ iwo sankulukan, a vɛɛ: «Na de!»

Ko Lankɛnɛmayanin 6:16

Ai tɛɛ a fɔla tinilu ni kawakulunnu yɛ, ai vɛɛ: «Ài yi ben mɔ kɔkan ka mɔ ladoon, ka mɔ majaanya wo la min siinin masayasiifen nɔ, ani ka mɔ majaanya Saa Bolan ya mɔnɛ la.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.

Ko Lankɛnɛmayanin 7:17

Kamasɔlɔn Saa Bolan min yi masayasiifen tɛmala lɔ, wo le kɛtɔ kɛla ai kunmafɛlɛnba le. A kɛtɔ taala ai le falakɔɔlu lɔ, niimaya ji yi bɔla minu lɔ, ado Ala gbu le kɛtɔ ai ɲaji bɛ tɛla.»