Yohana 1:18 - Ala Ya Salatikan Kula Kitabu

¹⁸ Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 1:18 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Luka 10:22

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 12:41

Nabi Ezayi na wo fɔla, baa a tɛɛ vɛ Isa ya magbiliyali ye ka kuma ka bɛn a ma.

Yohana 13:23

Ai lɔ mɔɔ kelen, a diyanan kɔbiladen koni, wo siinin tɛɛ a tɔɔfɛ.

Yohana 14:9

Isa do vɛɛ a yɛ: «Filipe, bima m̀ bila ài fɛ. I ma ǹ lɔn ba bene? Mɔɔ min vɛ ǹ yena, wo tii vɛ ǹ Fa ye. I yi se a fɔla di wo lɔ, ko: ‹I i Fa jiya mɔ la›?

Yohana 17:26

M̀'ɛ ai lalɔnni i tɔɔ la, ǹe do totɔ ai lalɔnnila i tɔɔ la kudein, fɔsa i na ǹ kanula teme, wo kanundeya yi kɛ ai lɔ, ani ǹ kafonnin yi to ai kan.»

Yohana 17:6

«I na mɔɔ minu tala ka bɔ dunuɲa bolo k'ai di m̀ ma, m̀'ɛ iya ko jiya wolu la, fɔsa ai i lɔn. Ai tɛɛ i ta le le, i do n'ai dila m̀ ma. Ai v'i kumakan labato,

Yohana 3:11

Ǹ'i tuɲa fɔ i yɛ, mɔ ka min lɔn, m'i wo le fɔla. Mɔ do na min yena, m'i wo le seleya dila. Kɛɛ ài tɛ ài bolo siila maa seleyakan kɔlɔ.

Yohana 6:46

A tɛ k'a fɔ ko dɔ vɛ ǹ Fa ye. Mɔɔ suu suu ma ǹ Fa ye ba, mafɔ ale min bɔnin a fɛlɔ, wo le vɛ a ye.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

Kɔlɔsikalu 1:15

Ale le Ala yenbali sawula le, ani Denkɛ kunfɔlɔ dannifen bɛ kunna.

1 Timote 1:17

Mɔ Tii, Masa sabali, Masa yenbali, ale min yi Ala kelenpesa le, buɲali ni magbiliyali y'a yɛ waate bɛ ani habadan. Amiina.

1 Timote 6:16

Ale kelenpesa le Masa sabali le, min makɛya nɔɔlɔ walanin haan fɔɔ mɔɔ tɛ se i madonna a la. Mɔɔ mɔɔ ɲa ma la ba a kan bene, ado mɔɔ tɛ se a yena. Buɲali ni seetiiya y'a yɛ habadan. Amiina.

1 Yohana 4:12

Mɔɔ foi ma Ala ye ba, kɛɛ ni mɔ k'i ɲɔɔ kanu, Ala totɔ maa kafonɲɔɔya lɔ, ani aa kanundeya dafatɔ mɔ josokun nɔ.

1 Yohana 4:20

Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.

1 Yohana 4:9

Ala na aa kanundeya lankɛnɛmayala mɔ yɛ teme, wo le ne: A na a Denkɛ kelenpesa lanala dunuɲa, fɔsa m'i niimaya kɛ wo sabu la.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.