Yohana 1:14 - Ala Ya Salatikan Kula Kitabu

¹⁴ Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 1:14 ပူးပေါင်းရင်းမြစ်များ

Matiyu 1:16

Janguba ka Jusufu sɔlɔn, min moso tɛɛ Mɔyamu le. Mɔyamu wo le ka Isa sɔlɔn, ai y'a fɔla min ma ko Masa Tɔɔmasenin.

Luka 2:11

Bi koni, Masakɛ Dawuda ya so la, Lakisilikɛba vɛ sɔlɔn ài yɛ, min taanin kɛla mɔ Tii Masa Tɔɔmasenin ne.

Luka 2:7

A do ɲuma ka jii a denkɛ kunfɔlɔ la. A ka wo mamɔlɔmɔlɔ faani lɔ, k'a lala kolofennu ya dɔnnikɛfen kɔnɔ, kamasɔlɔn ai tɛɛ ma jiya sɔlɔn lonajiyabon na.

Luka 9:32

Wo k'a talan Piyɛli ni a taamaɲɔɔlu tɛɛ vɛ sunɔɔ. Kɛɛ ai ka kunun ka Isa nɔɔlɔ ye, ani kɛ́ fila minu lɔnin tɛɛ a dafɛ.

Yohana 1:1

A damina lɔ, Kumakan tɛɛ je. Kumakan wo tɛɛ Ala fɛ, ado Kumakan wo yi Ala le le.

Yohana 11:40

Isa do k'a javi, a vɛɛ: «M̀ m'a fɔ i yɛ, ni i ka limaniya, i kɛtɔ Ala ya magbiliyali yena?»

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 14:9

Isa do vɛɛ a yɛ: «Filipe, bima m̀ bila ài fɛ. I ma ǹ lɔn ba bene? Mɔɔ min vɛ ǹ yena, wo tii vɛ ǹ Fa ye. I yi se a fɔla di wo lɔ, ko: ‹I i Fa jiya mɔ la›?

Yohana 17:22

I na magbiliyali min dila m̀ ma, ǹ na wo suu le dila ai ma, fɔsa ai yi kɛ kelen ne iwo ǹe ni ile yi kelen ne teme.

Yohana 17:24

«Ǹ Fa, ǹ'a fɛ ǹ'i tɛɛminja, i na minu dila m̀ ma, wolu fana yi kɛ ǹ fɛ je, fɔsa ai yi ǹa magbiliyali ye, i na min dila m̀ ma kamasɔlɔn i na ǹ kanula jani dunuɲa tɛɛ dan.

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

Yohana 2:11

Isa ka aa kawananko kunfɔlɔ min kɛ Kana so le kɔnɔ, Galile koovi lɔ, ka aa magbiliyali lankɛnɛmaya boloɲa min ma. A do kɔbiladennu ka limaniya a ma.

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Yohana 3:18

«Ni mɔɔ min ka limaniya a ma, wo tii tɛ jobaliyala butu. Kɛɛ ni mɔɔ min do ma limaniya a ma, wo tii vɛ ban jobaliyala, kamasɔlɔn a ma limaniya Ala Denkɛ kelenpesa ma.

Yohana 6:51

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Yohana 8:32

Ài kɛtɔ tuɲa lɔnna, ado tuɲa kɛtɔ ài lafɛlɛla.»

Kɛkolu 13:33

a vɛ wo mafa ǹu ai bɔzɔnnu yɛ, kamasɔlɔn Ala na Isa lawulila ka bɔ saya lɔ, iwo a sɛvɛnin teme Zabuli sula filana lɔ, ko: ‹Ǹ denkɛ le i le, m̀'ɛ kɛ i fa le bi.›

Lɔmukalu 8:3

Ka bɛn mɔ falikolo ya fangandanya ma, Nabi Musa ya seliya tɛɛ ma se ko min kɛla mɔ yɛ, Ala gbu le na wo kɛla. A na a jɛlɛkanu Denkɛ lanala dunuɲa adamaden julumbutɔlu sawula lɔ, fɔsa a tɛɛ julumbu fanga tiɲa ale jɛlɛ falikolo ya salaka le.

Lɔmukalu 9:5

Ai bemanu taanin kɛla Ibulahima, Isiyaka ni Janguba le le. Ado Masa Tɔɔmasenin ka na mingɛ adamadenya boloma, a fɛ tɛɛ ai siboloma le la. Ala min yi fen bɛ kunna, tanuli y'a yɛ habadan! Amiina.

1 Kolɛntikalu 15:47

Mɔɔ kunfɔlɔ bɔnin duukolo le lɔ, k'a ladan duu bamu le, k'a talan mɔɔ filana bɔnin haijɛnɛ le lɔ.

2 Kolɛntikalu 12:9

Kɛɛ a do k'a fɔ ǹ yɛ, a vɛɛ: «Ǹ na nɛɛma min kɛla i yɛ, wo y'i wasa, kamasɔlɔn ǹa seetiiya yi jiyala fangandanya le lɔ.» Wo le n'a kɛla, ǹ kɛtɔ ǹ jɛlɛ matɔɔla sawa boloma ka bɛn ǹa fangandanya ma, fɔsa Masa Tɔɔmasenin ya seetiiya yi to ǹ kan.

Galatiyakalu 4:4

Kɛɛ Ala ya waate latɛɛnin ka se mingɛ, a ka a Denkɛ lana dunuɲa ka kɛ moso woloden ne, ka sɔlɔn seliya kɔlɔ,

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Kɔlɔsikalu 1:19

Kamasɔlɔn a na diya le la Ala yɛ k'a fɔ ko a jɛlɛkanu kɛɲa dafanin bɛ yi to a Denkɛ lɔ.

Kɔlɔsikalu 2:3

hangilimaya ni lɔnni nafololu bɛ doonnin ale le lɔ.

Kɔlɔsikalu 2:9

Kamasɔlɔn Ala kɛɲa dafanin sawatinin Masa Tɔɔmasenin falikolo le lɔ.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

Hebululu 1:5

Kamasɔlɔn Ala m'a fɔ aa mɛlɛka suu suu yɛ, ko: «Ǹ Denkɛ le i le, m̀'ɛ kɛ i Fa le bi.» Niwotɛ, a ma kuma a dɔ ya ko lɔ k'a fɔ ko: «Ǹ kɛtɔ a Fa le, a do kɛtɔ ǹ denkɛ le.»

Hebululu 10:5

Wo le y'a ma, Masa Tɔɔmasenin tɛɛ na boloma dunuɲa mingɛ, a k'a fɔ Ala yɛ, a vɛɛ: «I tɛ salaka ni niilifennu kɔ, mafɔ i na falikolo min lɔbɛnna ǹ yɛ.

Hebululu 2:11

Isa min yi mɔɔlu lasɛnɛyala k'ai bɔ aiya julumbulu lɔ, a tɛ maloyala a fɔko le mɔɔ lasɛnɛyaninnu ma ko a badenmalu, kamasɔlɔn ai bɛ yi Fa kelen ne ma.

Hebululu 5:5

Wo boloɲa kelen ma, Masa Tɔɔmasenin ma buɲa di a jɛlɛ ma ka kɛ salakalase kuntiiba le, mafɔ Ala ka min ne fɔ a yɛ, a vɛɛ: «Ǹ Denkɛ le i le, m̀'ɛ kɛ i Fa le bi.»

1 Yohana 4:14

Mɔ v'a ye ka wo seleya di ko mɔ Fa ka a Denkɛ lana dunuɲa k'a kɛ dunuɲa Lakisiba le.

1 Yohana 4:9

Ala na aa kanundeya lankɛnɛmayala mɔ yɛ teme, wo le ne: A na a Denkɛ kelenpesa lanala dunuɲa, fɔsa m'i niimaya kɛ wo sabu la.

2 Yohana 1:7

Mɔɔlafilibalu vɛ siyaya dunuɲa yi ne, minu tɛ diɲala k'ai lɔ a la ko Masa Tɔɔmasenin Isa nanin dunuɲa mɔɔnivin falikolo lɔ. Mɔɔ suu wolu yi mɔɔlafiliba le le, ani Masa Tɔɔmasenin kɛlɛkɛɲɔɔ.

Ko Lankɛnɛmayanin 19:13

A do masilinin pipɔ dɔ la, min tɛɛ vɛ sun jeli lɔ. A tɔɔ le Ala Kumakan.

Ko Lankɛnɛmayanin 21:3

Ǹ ka kumakan ba dɔ mɛn ka bɔ masayasiifen nɔ, wo do vɛɛ: «A ye, Ala makɛya yi adamadennu tɛma. Ala gbu kɛtɔ tola ai fɛ ka kɛ ai Tii le, ani k'ai kɛ a jɛlɛkanu mɔɔlu le.